ཉེ་བའི་ལོ་ཤས་རིང་། རྣམ་གླིང་རྫོང་གིས་ཡུལ་དེའི་ཐོན་ཁུངས་ཀྱི་ལེགས་ཆར་གཞི་ཚུགས་ཏེ། ཞོག་ཁོག་གི་ཕ་ས་ཞེས་པའི་མིང་བྱང་རྩེ་གྲ་དེ་སྔར་བས་སྐད་གྲགས་ཆེ་རུ་བཏང་ནས་ཞིང་དུད་ལ་ཞོག་ཁོག་འདེབས་འཛུགས་བྱེད་རྒྱ་ཆེ་རུ་གཏོང་བར་ཁྲིད་སྟོན་ཧུར་ཐག་བྱས་ཤིང་། སྤུས་ལེགས་ཀྱི་ཞོག་སོན་ནང་འདྲེན་དང་། ཚན་རིག་དང་མཐུན་པའི་འདེབས་འཛུགས་ལག་རྩལ་ཁྱབ་གདལ། ཐོན་འཚོང་འབྲེལ་མཐུད་ལས་སྟེགས་གཏོད་པ་སོགས་ཀྱི་བྱ་ཐབས་ཁྱབ་གདལ་བཏང་སྟེ། ཞིང་ལས་ཐོན་ལས་ཀྱི་གྲུབ་ཆ་རྒྱུན་མཐུད་ལེགས་སུ་བཏང་ནས་སྲོལ་རྒྱུན་ཞིང་ལས་ཕན་འབྲས་ཆེ་བའི་ཁྱད་ལྡན་ཞིང་ལས་སུ་ཕྱོགས་སྒྱུར་བྱེད་པར་སྐུལ་འདེད་བཏང་ཡོད། ད་ཆ་ཞོག་ཁོག་ཆུང་ཆུང་དེ་ཉིད་ཡུལ་དེའི་མང་ཚོགས་ལ་འབབ་འཕར་ཡོང་བའི་མཆོག་ནོར་ལྟ་བུར་གྱུར་ནས་གྲོང་གསེབ་དར་རྒྱས་ལ་གསོན་ཤུགས་གསར་པ་ཞིག་བསྣན་ཡོད།

འདི་ནི་རྣམ་གླིང་རྫོང་ཨེ་མ་ཤང་སྲམ་པ་གྲོང་ཚོའི་གྲོང་མིས་ཞོག་ཁོག་སྒྲུག་བཞིན་པ།