ཉེ་ཆར། ལྷ་ས་འགག་སྒོ་ལས་ཁུངས་ཁོངས་གཏོགས་ཀྱི་གཉའ་ནང་འགག་སྒོ་ལས་ཁུངས་ཀྱི་ལྟ་འདོམས་འོག་ཡོ་རོབ་དང་ཨེ་ཤེ་ཡའི་རྒྱལ་ཁབ་6གི་སྦག་སྦག་བཞོན་ནས་ཡོང་མཁན་24ཡིས་སྦག་སྦག་རུ་ཁག་བཙུགས་ནས་འགྲམ་འགག་སྒོ་བརྒྱུད་མངའ་ཁོངས་ནང་འཛུལ་ཏེ་ལྷ་ས་དང་ཉིང་ཁྲི་སོགས་སུ་ཡུལ་སྐོར་ལ་བསྐྱོད་པ་རེད།

“དེ་གོང་ངས་སྤྱི་ཚོགས་འབྲེལ་བའི་སྨྱན་སྦྱོར་ནས‘ཀྲུང་གོའི་བོད་ལྗོངས་འཕེལ་རྒྱས་གླེང་སྟེགས’ཀྱི་གནས་ཚུལ་མང་པོ་མཐོང་བྱུང་ལ་བརྙན་ལམ་ནས་ངས་བོད་ལྗོངས་ཀྱི་གངས་རི་དང་། འཁྱགས་རོམ། སྡོད་ཁང་བཅས་ཚང་མ་ཧ་ཅང་མཛེས་པོ་ཡོད་པ་ཡང་མཐོང་བྱུང་། ང་ཚོས་ཇོ་མོ་གླང་མ་དང་། ཕོ་བྲང་པོ་ཏ་ལ། བྲག་གསུམ་མཚོ་བཅས་ལ་ལྟ་བར་སྐྱོད་རྩིས་ཡོད”ཅེས་སྦག་སྦག་རུ་ཁག་གི་འགན་འཁུར་བ་མའེ་ཁེ་ཡིས་དགའ་སྤྲོ་དཔག་མེད་ཀྱིས་བཤད།

འགྲམ་འགག་སྒོ་ནི་ཀྲུང་གོ་དང་ནེ་པ་ལ་སྦྲེལ་མཐུད་བྱེད་པའི་ཚོང་འགྲུལ་འགག་སྒོ་གལ་ཆེན་ཞིག་ཡིན་པའི་ངོས་ནས་ཉེ་བའི་ལོ་ཤས་རིང“རྒྱུད་གཅིག་ལམ་གཅིག”གི་གྲོས་འགོ་ལག་བསྟར་གཏིང་ཟབ་དང་དེ་བཞིན་མངའ་ཁོངས་ནང་འཛུལ་བར་ཐོངས་མཆན་མི་དགོས་པའི་སྲིད་ཇུས་རྒྱུན་ཆད་མེད་པར་ལག་བསྟར་བྱས་པ་དང་བསྟུན་ནས་རྒྱལ་སྤྱིའི་ཡུལ་སྐོར་བས་བོད་ལ་ཡུལ་སྐོར་དུ་ཡོང་བ་དང་དཔལ་འབྱོར་ཚོང་དོན་འགྲོ་འོང་གི་བགྲོད་ལམ་གལ་ཆེན་ཞིག་ཏུ་བརྩི་ཡི་ཡོད།

བསྡོམས་རྩིས་བརྒྱབ་པར་གཞིགས་ན། ད་ལོའི་ཟླ་བ་དང་པོ་ནས་བཅུ་པའི་བར་གཉའ་ནང་་འགག་སྒོས་རིམ་རྩིས་བརྒྱབ་ན་མངའ་ཁོངས་ནང་ཡོང་མཁན་ཕྱི་རྒྱལ་གྱི་ཡུལ་སྐོར་བ་མི་ཐེངས་ཁྲི་1.87ལ་ལྟ་འདོམས་བྱས་པ་དེ་དུས་མཚུངས་ལས་ལྡབ་62འཕར་ཡོད།