ཚེས་25ཉིན། ཕ་ཁི་སི་ཐན་རྒྱལ་ཁབ་དངུལ་ཁང(ཀྲུང་དབྱང་དངུལ་ཁང)གི་ལག་བསྟར་ཏུང་ཧྲི་མུའུ་ཧན་མོ་ཏེ·མཱ་ལི་ཁེས། ཕ་ཁི་སི་ཐན་དུ་མི་དམངས་ཤོག་སྒོར་བེད་སྤྱོད་དང་མ་འཇོག་ལ་རྒྱབ་སྐྱོར་བྱེད་པའི་ལྟ་འདོམས་མ་ལག་འཐུས་སྒོ་ཚང་པོ་ཡོད་ཅེས་བརྗོད།

ཉིན་དེར། ཕ་ཁི་སི་ཐན་མི་དམངས་ཤོག་སྒོར་གཙང་རྩིས་དངུལ་ཁང(ཀྲུང་གོ་བཟོ་ཚོང་དངུལ་ཁང་ཁཱ་ལ་ཆི་ཡན་ལག་དངུལ་ཁང)གིས་ཕ་ཁི་སི་ཐན་གྱི་ལྷོ་རྒྱུད་གྲོང་ཁྱེར་ཁཱ་ལ་ཆི་རུ“ཕ་ཁི་སི་ཐན་དུ་མི་དམངས་ཤོག་སྒོར་རྒྱལ་སྤྱི་ཅན་དུ་གྱུར་ནས་ལོ་ངོ་10འཁོར་བའི”བྱེད་སྒོ་སྤེལ་བ་རེད། མཱ་ལི་ཁེ་བྱེད་སྒོར་ཞུགས་པ་མ་ཟད་ཕ་ཁི་སི་ཐན་ཀྲུང་དབྱང་དངུལ་ཁང་གི་ཚབ་ཞུས་ནས་ཤིས་ཚིག་སྒྲོན་སྐབས། ཕ་ཁི་སི་ཐན་དུ་མི་དམངས་ཤོག་སྒོར་ལ་མངོན་མེད་རིན་ཐང་ཧ་ཅང་ཆེན་པོ་ཡོད་པས། ཕྱོགས་ཁག་ལ་སྔར་བས་བདེ་སྐྱིད་བསྐྲུན་རེ་ཡོད། ཕ་ཁི་སི་ཐན་དུ་མི་དམངས་ཤོག་སྒོར་བེད་སྤྱོད་དང་མ་འཇོག་ལ་རྒྱབ་སྐྱོར་བྱེད་པའི་ལྟ་འདོམས་མ་ལག་འཐུས་སྒོ་ཚང་པོ་ཡོད་པ་དང་ཕ་ཁི་སི་ཐན་ཀྲུང་དབྱང་དངུལ་ཁང་གིས་མི་དམངས་ཤོག་སྒོར་གྱི་དྲིལ་བསྒྲགས་དང་ཉོ་ཚོང་གཙང་རྩིས་ཀྱི་ནུས་པ་འཛུགས་སྐྱོང་གི་ལས་དོན་མང་པོ་སྤེལ་ནས་ཁེ་ལས་དང་ས་གནས་དེ་གའི་དངུལ་ཁང་གིས་མི་དམངས་ཤོག་སྒོར་གྱི་ལས་སྒོའི་ལེགས་ཆར་བསམ་ཤེས་གང་ལེགས་ཐུབ་པར་འགན་ལེན་བྱས་ཡོད་ཅེས་བརྗོད།