ཉེ་ཆར། མཚོ་སྔོན་ཞིང་ཆེན་ཚོང་དོན་ཐིང་ནས་གནས་ཚུལ་འབྱོར་བར། ཉེ་བའི་ལོ་ཤས་རིང་། ཞིང་ཆེན་ཚོང་དོན་ཐིང་གིས་ཀྲུང་གོ་ལྕགས་ལམ་མཚོ་བོད་ཚོགས་པ་ཚད་ཡོད་ཀུང་སི་དང་འཐབ་ཇུས་མཉམ་ལས་རྒྱུན་མཐུད་ཟབ་ཏུ་བཏང་བ་དང་། ཞིང་ཆེན་ཡོངས་ཀྱི་ཕྱི་ཕྱོགས་རྣམ་པའི་དཔལ་འབྱོར་འཕེལ་རྒྱས་ཀྱི་དགོས་མཁོར་དམ་པོར་གཞིཌ་ནས། རྒྱལ་སྤྱིའི་ཟོག་འདྲེན་དུས་གཏན་མེ་འཁོར་ཐེངས་གྲངས་མང་དུ་དང་སྤུས་ཚད་མཐོ་རུ་བཏང་བ་དང་སྦྲགས། འཁོར་སྐྱོད་བརྟན་པོ་ཡོང་བར་ནུས་ཤུགས་ཡོད་རྒུས་སྐུལ་འདེད་བཏང་ཡོད། 2025ལོའི་ཟླ་9པའི་བར། ཞིང་ཆེན་ཡོངས་ཀྱིས་རིམ་རྩིས་བརྒྱབ་ན་རྒྱལ་སྤྱིའི་ཟོག་འདྲེན་དུས་གཏན་མེ་འཁོར་ཐེངས་580བཏང་བ་དང་། ད་ལོའི་ཟླ་བ་དང་པོ་ནས་དགུ་པའི་བར་མེ་འཁོར་ཐེངས་151བཏང་སྟེ་ལོ་རྒྱུས་ཀྱི་ཟིན་ཐོ་གསར་པ་བཏོད་ཡོད། དུས་གཏན་མེ་འཁོར་ལམ་ཐིག་དེ་ཨེ་ཤེ་ཡ་ཤར་ལྷོ་དང་། ཨེ་ཤེ་ཡ་དབུས་མ། ཨེ་ཤེ་ཡ་ལྷོ་མ་དང་། དེ་བཞིན་ཡོ་རོབ་ལ་ཕྱོགས་པའི་རྒྱལ་ཁབ་10ཡི་གྲོང་ཁྱེར་16ལ་ཁྱབ་ནས། ཕྱོགས་མང་སྣུར་སྲིང་དང་ཤར་བགྲོད་ནུས་ཆེའི་རྒྱལ་སྤྱིའི་ཟོག་འགྲེམས་བགྲོད་ལམ་རིམ་བཞིན་བསྐྲུན་ཏེ། བུལ་ཏོག་སྤུས་ལྡན་དང་། ཁིལ་འདུས་ཁ་སིན། རྡོ་བལ་སོགས་གཙོ་གནད་ཕྱིར་གཏོང་ནང་འདྲེན་གྱི་ཚོང་ཟོག་མཁོ་སྤྲོད་འཁོར་འབྲེལ་ཤར་བགྲོད་ཐུབ་པའི་འགན་ལེན་ནུས་ལྡན་བཅས་བྱས་ཏེ། རང་རེའི་ཞིང་ཆེན་འདི་ཉིད“རྒྱུད་གཅིག་ལམ་གཅིག”འཛུགས་སྐྲུན་དང་མཉམ་འདྲེས་གཏིང་ཟབ་ཡོང་བ་དང་ཕྱི་ཕྱོགས་སྒོ་དབྱེའི་བར་མཐོངས་རྒྱ་སྐྱེད་གཏོང་བར་འདེགས་སྐྱོར་བརྟན་པོ་བྱས་ཡོད་པ་རེད།