“ལོ་ལྔ་ཚན་བཅུ་བཞི་པ”ནས་བཟུང་། རང་སྐྱོང་ལྗོངས་བཟོ་ཚོང་མཉམ་འབྲེལ་ལྷན་ཚོགས་ཏང་ཙུའུ་ཡིས“དོན་ཆེན་བཞིར”དམིགས་པ་དང་།“འཛུགས་གཏོད་བཞིར”ཤུགས་རྒྱག་པ། “ཡིད་ཆེས་དང་། མཐུན་སྒྲིལ། ཞབས་ཞུ། ཁྲིད་སྟོན། སློབ་གསོ”བཅས་ཀྱི་ལས་ཀའི་བྱེད་ཕྱོགས་མཐའ་འཁྱོངས་ཀྱིས། “བདེ་ཐང་གཉིས”ཀྱི་ལས་ཀའི་བརྗོད་དོན་གཙོ་བོ་ཁོང་དུ་བརྟན་པོར་ཆུད་པར་བྱེད་པ་དང་འབྲེལ་ཟམ་གྱི་ནུས་པ་འདོན་སྤེལ་བྱས་ཏེ། དམངས་གཉེར་དཔལ་འབྱོར་སྐྱོན་བྲལ་ངང་འཕེལ་རྒྱས་འགྲོ་བ་དང་དམངས་གཉེར་དཔལ་འབྱོར་མི་སྣ་སྐྱོན་བྲལ་ངང་འཚར་ལོངས་ཡོང་བར་སྐུལ་འདེད་ནུས་ལྡན་བཏང་ནས། དམངས་གཉེར་དཔལ་འབྱོར་གྱི་སྤུས་ཚད་མཐོ་བའི་འཕེལ་རྒྱས་ལ་རམ་འདེགས་བྱས་ཡོད།

ཤེས་རྟོགས་བྱུང་བར་གཞིགས་ན། “ལོ་ལྔ་ཚན་བཅུ་བཞི་པ”ཚུན་དུ་། རང་སྐྱོང་ལྗོངས་བཟོ་ཚོང་མཉམ་འབྲེལ་ལྷན་ཚོགས་ཀྱིས་རྒྱུན་གཏན་ནས་སློབ་སྦྱོང་སློབ་གསོ་སྣ་ཚོགས་སྤེལ་ཞིང་། དུས་བཀག་ནང“དམངས་གཉེར་ཁེ་ལས་ཀྱི་ཏང་འཛུཌ་སྐྱོང་གི་འཆད་ཁྲིད་ཆེན་པོ”གཉེར་བ་དང་། ལས་ཁུངས་ཀྱི་ལས་བྱེད་པ་དང་དམངས་གཉེར་དཔལ་འབྱོར་མི་སྣར་ཕྱོགས་ནས་རིགས་གཅིག་མཁས་ཅན་གྱི་ཟུར་ཁྲིད་དང་ཆེད་དོན་གསོ་སྦྱོང་ཐེངས་9དང་ཆེད་དོན་སྙན་ཞུའི་ཚོགས་འདུ་ཐེངས་1གཉེར་བར་སློབ་གསོ་དང་ལེན་བྱེད་མཁན་མི་ཐེངས་830ལྷག་ཙམ་ཟིན་ཡོད། དམངས་གཉེར་དཔལ་འབྱོར་མི་སྣའི་གསོ་སྦྱོང་འཛིན་གྲྭ་ཐེངས་20གཉེར་བ་དང་གསོ་སྦྱོང་ནང་མི་ཐེངས་1000ལྷག་ཙམ་ཞུཌ་ཡོད་པ་རེད།

རང་སྐྱོང་ལྗོངས་བཟོ་ཚོང་མཉམ་འབྲེལ་ལྷན་ཚོགས་ཀྱིས“ཁེ་ལས་ཁྲི་ཡིས་གྲོང་ཚོ་ཁྲི་དར་རྒྱས་གཏོང་བའི”བྱ་སྤྱོད་མུ་མཐུད་སྤེལ་ཞིང་། ལྗོངས་ཡོངས་ཀྱི་དམངས་གཉེར་ཁེ་ལས་དང་ཚོང་ཚོགས་858ཧུར་ཐག་ཞུགས་ནས་གྲོང་ཚོ་984དང་ཆ་སྒྲིག་བྱས་ཏེ་ཐོན་ལས་རོགས་སྐྱོར་རྣམ་གྲངས་89ལག་བསྟར་བྱས་པ་དང་། འདྲི་རྟོགས་དང་། འཚམས་འདྲི། མཐུན་འབྲེལ་སོགས་ཀྱི་བྱེད་སྒོ་ཐེངས་བརྒྱ་ཙམ་སྤེལ་བར་མང་ཚོགས་ཁྲི་9ལྷག་ཙམ་ལ་ཕན་པ་ཐོབ་ནས་རང་ལྗོངས་ཀྱི་གྲོང་གསེབ་དར་རྒྱས་ལ་དགེ་མཚན་ལྡན་པའི་ལེགས་སྐྱེས་ཕུལ་ཡོད། རྩ་འཛུགས་འཛུགས་སྐྱོང་བརྟན་དུ་གཏོང་བའི་ཐད་ཚོང་པའི་མཐུན་ཚོགས་དང་ཁོངས་མིའི་ཁེ་ལས་ལ་མཛུབ་ཁྲིད་བྱས་ཏེ་ཏང་ཀྲི་པུའུ་14བཙུགས་པར་ལས་རིགས་ཏང་ཨུད་ཁོངས་སུ་གཏོགས་པའི་ཏང་རྩ་འཛུགས་202དང་ཏང་ཡོན་2055ཟིན་ཡོད། གཞན་ཡང་། ལྗོངས་ཕྱིའི་ཞིང་ཆེན་དང་གྲོང་ཁྱེར་གྱི་བཟོ་ཚོང་མཉམ་འབྲེལ་ལྷན་ཚོགས་དང་མཐུན་སྦྱོར་བྱས་ནས་དམངས་གཉེར་ཁེ་ལས་སྐུལ་སློང་བྱས་ཏེ་ཐེམ་ཁུངས་བོད་ནས་ཡིན་པའི་མཐོ་སློབ་སློབ་ཐོན་སློབ་མར་ལས་ཞུགས་ལས་གནས་8809མཁོ་འདོན་བྱས་པ་དང་། ལྗོངས་ནང་ཁུལ་གྱི་དམངས་གཉེར་ཁེ་ལས་སྒྲིག་འཛུགས་བྱས་ནས་ལས་ཞུགས་ལས་གནས་4466མཁོ་འདོན་བྱས་ཡོད།