འདི་ནི་འཐུས་མི་ཚོས་བོད་ཀྱི་ཞིང་བྲན་ཁྲི་ཚོ་བརྒྱར་བཅིངས་འགྲོལ་ཐོབ་པའི་དྲན་གསོ་ཁང་ལ་ལྟ་སྐོར་བྱེད་བཞིན་པ།

འདི་ནི་ཡུལ་མིའི་འཐུས་མིས་ལྷ་ས་གྲོང་ཁྱེར་ཁྲེང་ཀོན་ཆུས་ཀྲི་ཀྲའོ་ཞིང་ལས་ཚན་རིག་ཁྱབ་སྤེལ་དཔེ་སྟོན་གླིང་ལ་ལྟ་སྐོར་བྱེད་བཞིན་པ།

“བྱང་སྐར་སྤུན་བདུན་གྱི་ལམ་སྟོན་ཇི་བཞིན་བསྐྱོད་ན་ལམ་ནོར་ཐེབས་མི་སྲིད་པ་དང་གུང་ཁྲན་ཏང་གི་རྗེས་སུ་འབྲངས་ན་བདེ་སྐྱིད་ཐོབ་ངེས་རེད” ཉིན་ཤས་གོང་། ནག་ཆུ་གྲོང་ཁྱེར་ཨ་མདོ་རྫོང་རྩ་རིང་གྲོང་རྡལ་མེ་ལོང་གྲོང་ཚོ་དང་སྔོ་ཁྲིག་གྲོང་ཚོར་མངགས་གཏོང་བྱས་པའི་བོད་ལྗོངས་ཉིན་རེའི་ཚགས་པར་ཁང་གི་གྲོང་སྡོད་ལས་དོན་རུ་ཁག་གིས་ཡུལ་མིའི་འཐུས་མི་10སྒྲིག་འཛུགས་བྱས་ཏེ་ལྷ་ས་གྲོང་ཁྱེར་དུ་བསྐྱོད་ནས། “གྲོང་ཁྱེར་གསར་པ་བསྐོར་ནས་འཕེལ་རྒྱས་གླེང”ཞེས་པའི་བརྗོད་དོན་གཙོ་བོའི་སློབ་གསོའི་བྱེད་སྒོ་སྤེལ་ཏེ། བོད་རང་སྐྱོང་ལྗོངས་དབུ་བརྙེས་ནས་ལོ་ངོ་60ཡི་རིང་གི་འགྱུར་ལྡོག་ཆེན་པོ་དངོས་སུ་ཚོར་བར་བྱས་པ་རེད།

ལོ་རྒྱུས་གླེང་བ།

ཡིད་ཆེས་བརྟན་པོས་ཏང་གི་རྗེས་སུ་འབྲངས།

ཉིན་དང་པོར། བོད་ཀྱི་ཞིང་བྲན་ཁྲི་ཚོ་བརྒྱར་བཅིངས་འགྲོལ་ཐོབ་པའི་དྲན་གསོ་ཁང་དུ་ཡུལ་མིའི་འཐུས་མིས་འགྲེལ་བཤད་པའི་འགྲེལ་བཤད་ཉན་བཞིན་འགྲེམས་སྟོན་ལ་བལྟས་པ་མ་ཟད། རིག་དངོས་དང་བརྙན་ལམ་སོགས་བརྒྱུད་བོད་འདི་ཉིད་མུན་ནག་ནས་འོད་སྟོང་དང་། རྗེས་ལུས་ནས་ཡར་རྒྱས། དབུལ་ཕོངས་ནས་འབྱོར་ཕྱུག སྒེར་གཅོད་ནས་དམངས་གཙོ། བཀག་སྡོམ་ནས་སྒོ་དབྱེ་བཅས་ཀྱི་ལོ་རྒྱུས་རང་བཞིན་གྱི་འགྱུར་ལྡོག་ཆེན་པོ་ཕྱིན་པར་ཕྱིར་མིག་བལྟས་པ་དང་། བོད་ཀྱི་དམངས་གཙོའི་བཅོས་སྒྱུར་ནི་ཀྲུང་གོ་གུང་ཁྲན་ཏང་གི་འགོ་ཁྲིད་འོག་བོད་ཀྱི་མི་རིགས་ཁག་གི་མི་དམངས་ཚོས་ཡར་ལངས་བཅིངས་འགྲོལ་དོན་གཉེར་དང་སྤྱི་ཚོགས་འཕེལ་རྒྱས་མངོན་འགྱུར་ལ་སྐུལ་འདེད་གཏོང་བའི་རླབས་ཆེའི་བྱ་སྤྱོད་ཅིག་ཡིན་པ་དང་། བོད་ཀྱི་ལོ་རྒྱུས་ཐོག་ཆེས་རྒྱ་ཁྱབ་དང་། ཆེས་གཏིང་ཟབ། ཆེས་རླབས་ཆེན་བཅས་ཀྱི་སྤྱི་ཚོགས་ཀྱི་འཕོ་འགྱུར་ཞིག་ཡིན་པར་ཤེས་རྟོགས་ཟབ་མོ་བྱུང་ཡོད།

སྔོན་ཐོན་གྱི་གྲངས་འཛིན་ལག་རྩལ་ལས་སྐབས་དེ་དུས་ཀྱི་ལོ་རྒྱུས་གསོན་ཉམས་དོད་པོས་མི་རྣམས་ཀྱི་མིག་ལམ་དུ་མངོན་ཡོད། འགྲེམས་སྟོན་ལ་ལྟ་སྐོར་བྱས་པ་བརྒྱུད། ཡུལ་མིའི་འཐུས་མི་ཚོའི་ཏང་གི་བཀའ་ལ་ཉན་པ་དང་། ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲང་བ་བཅས་ཀྱི་གདེང་ཚོད་དང་ཆོད་སེམས་ཇེ་བརྟན་དང་། སྐྱིད་སྣང་དང་ཐོབ་སྣང་ཆེ་རུ་ཕྱིན་པ་མ་ཟད། དེང་གི་བདེ་སྐྱིད་འཚོ་བ་ནི་ལས་སླ་པོར་བྱུང་བ་ཞིག་མིན་པ་ཤེས་རྟོགས་གཏིང་ཟབ་ཐུབ་ནས་མི་རིགས་མཐུན་སྒྲིལ་གྱི་འདུ་ཤེས་སྔར་བས་ཟབ་ཏུ་ཕྱིན་ཡོད།

སྙིང་སྟོབས་ཚོར་བ།

བོད་སྐྱོད་པ་རྒན་གྲས་ཀྱི་སྙིང་སྟོབས་མི་རབས་ནས་མི་རབས་བར་རྒྱུན་འཛིན་བྱས།

སྔོན་བྱོན་མེས་པོའི་བྱས་རྗེས་ལ་ལྷག་བསམ་རྣམ་དག་གིས་རྗེས་དྲན་ཞུ་བ་དང་གསར་བརྗེའི་བྱ་གཞག་གི་རྒྱུན་སྐྱོང་བའི་དམ་བཅའ་བྲག་ལས་བརྟན་པ་བཞག ཉིན་གཉིས་པར། ཡུལ་མིའི་འཐུས་མི་ཚོ་ཐན་ཀོན་སན་གྱི་དྲན་གསོ་ཁང་དུ་བསྐྱོད་ནས་ལྟ་སྐོར་དང་སློབ་སྦྱོང་བྱས།

སྟོན་དུས་ཀྱི་ཐན་ཀོན་སན་གྱི་དྲན་གསོ་ཁང་དེ་བས་བརྗིད་ཉམས་ལྡན། ཚང་མས་གྲལ་འགྲིག་པོར་ཀྲོང་ངེར་ལངས་ཏེ་གུས་སེམས་ཆེན་པོས་དམག་དཔོན་ཐན་ཀོན་སན་གྱི་བང་སོར་གུས་འདུད་ཞུས་ཤིང་། ཡུལ་མིའི་འཐུས་མིས་བང་སོའི་རྡོ་རིང་ལ་དཀར་གཙང་མཇལ་དར་བསྒྲོན་ནས་དམག་དཔོན་ཐན་ཀོན་སན་ལ་རྗེས་དྲན་ཞུས།

དེ་རྗེས་ཚང་མས་མཉམ་དུ་ཐན་ཀོན་སན་གྱི་དྲན་གསོ་ཁང་གི་འགྲེམས་སྟོན་ཁང་དུ་ལྟ་སྐོར་བྱས་པ་དང་། དམག་དཔོན་ཐན་ཀོན་སན་གྱི་བརྐོས་བརྙན་ལ་གུས་མཇལ་ཞུས་ཁར་དམག་དཔོན་ཐན་ཀོན་སན་གྱི་སྐུ་ཚེ་ཧྲིལ་པོའི་མཛད་རྗེས་ལ་ཤེས་རྟོགས་ཞིབ་ཕྲ་བྱས་པ་མ་ཟད། གསར་བརྗེའི་སྔོན་བྱོན་པ་ཚོས་བོད་དུ་དཔུང་སྐྱོད་དང་། བོད་ལྗོངས་བཅིངས་འགྲོལ། བོད་ལྗོངས་སྲུང་སྐྱོང་། བོད་ལྗོངས་འཛུགས་སྐྲུན་བཅས་བྱས་པའི་འོད་སྟོང་འཕྲོ་བའི་ལོ་རྒྱུས་ལ་ལྷག་བསམ་རྣམ་དག་གིས་རྗེས་དྲན་ཞུས་ནས། བོད་སྐྱོད་པ་རྒན་གྲས་ཀྱི་སྙིང་སྟོབས་དང“ལམ་གཉིས”ཀྱི་སྙིང་སྟོབས་ཚོར་བར་བྱས།

སྐྱེད་ཚལ་དུ་བསྐྱོད་པ།

རང་བྱུང་མཛེས་ལྗོངས་དང་མི་ཆོས་རིག་གནས་མྱོང་རོལ་བྱས།

ནོར་བུ་གླིང་ཁ་ནི་སྐྱིད་སྣང་ལྡན་པའི་གླིང་ཁ་གཏོང་ས་ཞིག་ཡིན། ལས་དོན་མི་སྣའི་ལམ་སྟོན་འོག་ཡུལ་མིའི་འཐུས་མིས་ནོར་བུ་གླིང་ཁར་ལྟ་སྐོར་བྱས་ཤིང་། ལ་ལས་མཚོ་སྐྱིད་ཕོ་བྲང་གི་མཚེའུའི་འགྲམ་དུ་སེམས་ལྷོད་པོས་ངལ་གསོས་ནས་མཚེའུ་ཡི་མཛེས་ལྗོངས་ལ་ལྟ་བ་དང་། ལ་ལས་གླིང་ཁའི་ལམ་འཕྲང་དུ་ཁ་བརྡ་གློད་བཞིན་འཆམ་འཆམ་བྱེད། ངལ་གསོ་རིང་། ལས་དོན་མི་སྣས་སེམས་རྩ་འཁོལ་པོས་ཚང་མར་ཇ་མངར་མོ་དང་གཏེར་ཆུ་སོགས་མཁོ་འདོན་བྱས།

ནོར་བུ་གླིང་ཁར་ཡུལ་མིའི་འཐུས་མིས་གླིང་ཁའི་གནའ་བོའི་འཛུགས་སྐྲུན་བཀོད་པར་ལྟ་སྐོར་བྱས་པ་མ་ཟད། ད་དུང་ལྡུམ་རའི་ནང་སྐྱེ་འཚར་བཟང་བའི་གནའ་བོའི་ཤིང་སྡོང་དང་། མེ་ཏོག སྲོག་ཆགས་སྲུང་སྐྱོང་སོགས་ཀྱི་གནས་ཚུལ་ཤེས་རྟོགས་བྱས་ཤིང་། མི་དང་རང་བྱུང་ཁམས་འཆམ་མཐུན་མཉམ་གནས་ཀྱི་རྣམ་པ་ཞིག་ངང་གིས་འཕྱུར་ཏེ་རང་དབང་མེད་པར་ཉམས་དགའི་རྣམ་པ་པར་དུ་བླངས།

ཉམས་མྱོང་སློབ་སྦྱོང་།

གྲོང་གསེབ་དར་རྒྱས་ཀྱི་ལམ་བུ་གསར་པ་བཏོད།

ཉིན་གསུམ་པར། ཡུལ་མིའི་འཐུས་མི་ཚོ་ལྷ་ས་གྲོང་ཁྱེར་ཁྲེང་ཀོན་ཆུས་ས་གཙང་ཞིང་ལས་འཕེལ་རྒྱས་ཚད་ཡོད་ཀུང་སིར་བསྐྱོད་ནས་གཟན་རྩྭ་འདེབས་འཛུགས་ལས་རིགས་དང་། བཞོན་མ་གསོ་ཚགས་ལས་རིགས། དཀར་ཆུའི་ཐོན་རྫས་ཕྱིར་ཚོང་ལས་རིགས་བཅས་ཀྱི་འཕེལ་རྒྱས་གནས་ཚུལ་ཤེས་རྟོགས་བྱས་པ་མ་ཟད། དཀར་ཆུའི་ཐོན་ལས་འཁོར་འབྲེལ་གྱི་ཐོན་སྐྱེད་བརྒྱུད་རིམ་ཧྲིལ་པོར་ལྟ་སྐོར་དང་སློབ་སྦྱོང་བྱས་པ་རེད།

ཀྲི་ཀྲའོ་ས་གཙང་བདེ་ཐང་ཐོན་ལས་གླིང་དུ་ཡུལ་མིའི་འཐུས་མིས་སྔ་རྗེས་སུ་བཞོན་མ་གསོ་ཚགས་རྟེན་གཞི་དང་། ས་གཙང་འོ་ལས་བཟོ་གྲྭ། གཏེར་ཆུ་ཐོན་སྐྱེད་ཀུང་སི་བཅས་སུ་བསྐྱོད་ནས་ཁྲེང་ཀོན་ཆུས་ས་གཙང་ཐོན་ལས་གསར་སྤེལ་འཛུགས་སྐྲུན་དང་། ཞབས་ཞུའི་བྱ་ཐབས་འཐུས་ཚང་དུ་གཏོང་བ། ཐོན་ལས་འཕེལ་རྒྱས་ཀྱི་འཕེལ་རིམ་སོགས་ཀྱི་གནས་ཚུལ་ལ་ཤེས་རྟོགས་བྱས་ནས་ཞིང་འབྲོག་ལས་འཕེལ་རྒྱས་ཀྱི་མདུན་ལམ་ཤེས་རྟོགས་བྱས།

“ཀྲི་ཀྲའོ་འབྲོག་རའི་གཟན་རྩྭ་འདེབས་འཛུགས་དང་། བཞོན་མ་གསོ་ཚགས། དཀར་ཆུའི་ཐོན་རྫས་ལས་སྣོན་བཅས་གཞི་གཅིག་གི་ཐོན་ལས་མཉམ་འདྲེས་འཕེལ་རྒྱས་ཀྱི་ཐོན་ལས་འཁོར་འབྲེལ་དེ་བོད་བྱང་ཐང་འབྲོག་ཁུལ་གྱིས་ཁྱིམ་ཚང་ཚན་པར་བྱེད་པའི་འབྲོག་ལས་ཐོན་སྐྱེད་དང་རྦད་དེ་ཁ་ཁ་རེད། དེ་གའི་བཞོན་མ་གསོ་ཚགས་ར་བར་ཚད་ལྡན་ཅན་གྱི་དོ་དམ་བྱས་པས་བཞོན་མའི་སྣ་ཁ་ཕུན་སུམ་ཚོགས་ལ་གྲུབ་ཆའང་ལུགས་མཐུན་འདུག མེ་ལོང་གྲོང་ཚོས་མིག་སྔར་རྩྭ་ཐང་སྤྲོ་གསེང་གྲོང་ཚོའི་རྣམ་གྲངས་འཕེལ་རྒྱས་གཏོང་བཞིན་ཡོད་པས། མི་སྣར་ཚད་ལྡན་ཅན་གྱི་དོ་དམ་དང་ལམ་ལུགས་ཚད་ལྡན་ཅན་སོགས་ཐད་དཔྱད་གཞིར་འཛིན་རིན་འདུག”ཅེས་མེ་ལོང་གྲོང་ཚོའི་ཏང་ཀྲི་པུའི་ཧྲུའུ་ཅི་རྡོ་ཚེས་བཤད།