མེ་ཏོག་རྫོང་དུ་ལོ་གཉིས་བསྟུད་མར་ཐོན་རྫས་རིན་ཐང་སྒོར་དུང་ཕྱུར་དང་སྔོ་ཇ་ཐོན་འབབ་རྒྱ་མ་ཁྲི་བརྒྱ་ཡི“ཚད་བརྒལ་གཉིས”མངོན་འགྱུར་བྱུང་བ།
ཇ་ལོའི་དྲི་ཞིམ་འཐུལ། མཐའ་མཚམས་ཕྱུག་པོར་གྱུར།

འདི་ནི་མེ་ཏོག་རྫོང་གི་མང་ཚོགས་ཚོས་སྔོ་ཇ་འཐུ་བཞིན་ཡོད་པ།
ཡར་ཀླུང་གཙང་པོའི་སྨུག་སྤྲིན་ལས་ས་མཐོའི་མཛེས་སྡུག་གི་རྒྱུན་བསྐྱངས་པ་དང་སྦས་ཡུལ་མེ་ཏོག་རྫོང་གི་བཟོ་རྩལ་ལས་དམངས་ཕྱུག་ཐོན་ལས་སྐྱེད་སྲིང་ཐུབ་ཡོད།
“གནས་མཆོག་པདྨ་བཀོད”ཅེས་གྲགས་པའི་མཐའ་མཚམས་གྲོག་རོང་དེར་རི་མཐོའི་སྐྱེ་ལྡན་ཇ་ནི་ཁྲོམ་རར་བྲིན་ཁ་ཆེན་པོ་རྒྱུག་པའི་བོད་ཀྱི་གྲགས་ཅན་དང་། སྤུས་ལེགས། ཁྱད་ལྡན་བཅས་དང་མཐའ་དར་མཐའ་ཕྱུག་གི་ལྗང་མདོག་མིང་བྱང་ཞིག་ཏུ་གྱུར་ཡོད།
2025ལོར་མེ་ཏོག་རྫོང་གི་ཇའི་ཐོན་ལས་ཀྱི་ལོ་ཧྲིལ་པོའི་ཐོན་རྫས་རིན་ཐང་སྒོར་དུང་ཕྱུར་1.13ཟིན་ནས་དུས་མཚུངས་དང་བསྡུར་ན་10.02%འཕར་ཏེ་སྒོར་དུང་ཕྱུར་གྱི་སྐས་རིམ་དུ་བརྟན་པོར་གནས་པ་དང་། ཇ་ལོ་འཐུ་ཚད་རྒྱ་མ་ཁྲི་141.78ཟིན་ནས་དུས་མཚུངས་ལས་རྒྱ་མ་ཁྲི་38.84མང་དུ་དང་དུས་མཚུངས་དང་བསྡུར་ན་37.7%འཕར་བ། མང་ཚོགས་དུད་ཚང་རེར་འབབ་འཕར་སྒོར་5000ལྷག་ཙམ་ཟིན་པར་སྐུལ་ཁྲིད་བྱས་ནས་ལོ་གཉིས་བསྟུད་མར་ཐོན་རྫས་རིན་ཐང་སྒོར་དུང་ཕྱུར་དང་སྔོ་ཇ་ཐོན་འབབ་རྒྱ་མ་ཁྲི་བརྒྱ་ཡི“ཚད་བརྒལ་གཉིས”མངོན་འགྱུར་བྱུང་བ་བཅས་རེད།
དེ་ནི་མི་རྣམས་དགའ་འོས་པའི་གྲངས་གཞི་ཞིག་ཡིན་ལ། ས་གནས་དེ་གས་ཡུལ་བབ་དང་བསྟུན་ནས་ལྗང་མདོག་འཕེལ་རྒྱས་ལ་སྐུལ་འདེད་གཏོང་བའི་རྒྱུགས་ལན་གསར་པ་ཞིག་ཀྱང་རེད།
མེ་ཏོག་རྫོང་ཞིང་ལས་གྲོང་གསེབ་ཅུས་ཀྱི་ཅུས་ཀྲང་ཚེ་རིང་མཆོག་གིས་ངོ་སྤྲོད་བྱས་པར་གཞིགས་ན། 2015ལོ་ནས་བཟུང་རྫོང་འདིས་རིམ་རྩིས་བརྒྱབ་ན་སྐྱེ་ལྡན་ཇ་ཞིང་མུའུ་ཁྲི་1.9བསྐྲུན་པ་དང་། སྔོ་ཇ་རྒྱ་མ་ཁྲི་430.18བཏབ་ནས་ཞིང་འབྲོག་པར་ཡོང་འབབ་སྒོར་ཁྲི་7295.87ཡོང་བར་སྐུལ་ཁྲིད་བྱས་ཐོག་ཇ་ལོ་དེ་མཐའ་མཚམས་མང་ཚོགས་འབབ་འཕར་ཕྱུག་འགྱུར་ལ་སྐུལ་ཁྲིད་བྱེད་པའི“གསེར་གྱི་ལོ་མ”ལྟ་བུར་གྱུར་ཡོད།
ཇ་ལོའི་ཐོན་འབབ་གཞི་ཁྱོན་ཅན་དང་སྤུས་རྟགས་ཅན་གྱི་འཕེལ་རྒྱས་ལ་སྐུལ་འདེད་གཏོང་ཆེད།མེ་ཏོག་རྫོང་གིས་ཇའི་ཁེ་ལས་6བསྟུད་མར་གདན་དྲངས་ཏེ“ཁེ་ལས་དང་། གྲོང་ཚོ་མཉམ་སྡེབ། ཞིང་དུད”བཅས་ཟུང་དུ་འབྲེལ་བའི་འཕེལ་རྒྱས་གཏོང་སྟངས་ཁྱབ་གདལ་ཤུགས་ཆེན་བཏང་ནས་ཁྲོམ་ར་ཅན་གྱི་གཉེར་སྐྱོང་མཐའ་འཁྱོངས་ཀྱིས་ཇའི་ཐོན་ལས་རྒྱལ་ནང་གི་འཁོར་རྒྱུག་ཆེན་པོར་མཉམ་འདྲེས་གཏིང་ཟབ་ཐུབ་པར་སྐུལ་འདེད་ཧུར་ཐག་བཏང་བ་དང་ཐོན་རྫས་དེ་དག“ཁྱུག་དབྱིངས”དང་། “ཐེན་མའོ” “832”“གཞི་མའི་འཚོ་བ”སོགས་ཉོ་སྒྲུབ་ལས་སྟེགས་ཐོག་བཏོན་པ་དང་། “མཛེས་སྡུག་ལྡན་པའི་མཐའ་མཚམས་གྲོང·སྦས་ཡུལ་མེ་ཏོག”གི་འགྲེམས་ཁང་ཀྲུང་གོའི(དབྱི་ཝུའུ)“རྫོང་བརྒྱ་དང་ཐོན་རྫས་ཁྲི”ཡི་ཞིང་ལས་ལ་རོགས་རམ་བྱེད་པའི་འགྲེམས་ཚོང་ལྟེ་གནས་སུ་བཏོན་པ། རྒྱལ་ཡོངས་སུ་མེ་ཏོག་གི་ཇ་ཚོང་ཁང་10ལྷག་ཙམ་དང་བརྒྱུད་ཚོང་ཚོང་པ་90ལྷག་ཙམ་ཡོད་པ་རེད། དེ་བཞིན“ནུང་ཧྥུའུ་གཏེར་ཆུ”དང་འཐབ་ཇུས་མཉམ་ལས་བྱས་ཏེ། 2025ལོའི་ཟླ་8པར་མེ་ཏོག་གི་ཇ་པ་ཏི་རྒྱ་མ་ཁྲི་7ཧོང་ཧྲན་རྟེན་གཞིར་ཐོག་མར་དབོར་ནས་མེ་ཏོག་གི་ཇ་ཐད་ཀར་སྣེ་འདྲེན་ཁེ་ལས་ལ་མཁོ་འདོན་བྱེད་པའི་འཕེལ་རྒྱས་ཀྱི་རྣམ་པ་གསར་པ་གཏོད་འགོ་ཚུགས་ཡོད།
འདི་ལོའི་ཟླ་6པར་མེ་ཏོག་རྫོང་གིས་སྐྱེད་སྲིང་བྱས་པའི་ས་གནས་དེ་གའི་ཁེ་ལས་གཙོ་བོ་ཉིང་ཁྲི་མེ་ཏོག་ཇ་ལས་ཚད་ཡོད་ཀུང་སི“ཞིང་ལས་ཐོན་ལས་ཅན་གྱི་རྒྱལ་ཁབ་ཀྱི་གཙོ་གནད་སྣེ་འདྲེན་ཁེ་ལས”སུ་བདམས་པ་རེད།
ཀུང་སི་དེའི་ཐོན་སྐྱེད་འཁོར་ཁང་དུ་འཛུལ་སྐབས། རིག་ནུས་ཅན་གྱི་ཐོན་སྐྱེད་རྒྱུན་མཐུད་ལས་རིམ་གྱི་འཕྲུལ་ཆས་ཀྱིས་གོ་རིམ་ལྡན་པའི་སྒོ་ནས་ཞིབ་ཞིབ་བཟོ་བ་དང་སྙོལ་བ་སོགས་ཀྱི་ལས་རིམ་སྒྲུབ་བཞིན་ཡོད་པ་དང་བརྙན་ཤེལ་ངོས་ཀྱི་དཔྱད་གྲངས་ལས་ཇ་ལོ་ལས་སྣོན་བྱེད་བཞིན་ཡོད་པ་མངོན་གྱི་ཡོད།
2014ལོ་ནས་བཟུང་། ཉིང་ཁྲི་མེ་ཏོག་ཇ་ལས་ཚད་ཡོད་ཀུང་སིས་རིམ་རྩིས་བརྒྱབ་ན་མ་དངུལ་སྒོར་དུང་ཕྱུར་3ལྷག་ཙམ་བཏང་ནས་སྔོན་ཐོན་སྒྲིག་ཆས་ཆ་ཚང་ནང་འདྲེན་བྱས་ཏེ་མཐོ་སློབ་དང་ཚན་ཞིབ་ཁང་དང་མཉམ་ལས་བྱས་ནས་གྲུབ་འབྲས་གཞན་སྒྱུར་ལ་ཤུགས་སྣོན་བརྒྱབ་ཐོག་ཐོན་སྐྱེད་ལས་སྣོན་དང་། ཐོན་རྫས་ཞིབ་སྤེལ། ཕྱིར་ཚོང་ཉམས་ལེན་བཅས་གཞི་གཅིག་ཏུ་འདུས་པའི་དེང་རབས་ཅན་གྱི་ཐོན་ལས་འཁོར་འབྲེལ་ཧྲིལ་པོ་བསྐྲུན་ཡོད།
ཇའི་ཐོན་ལས་རྒྱུན་ཆད་མེད་པར་འཕེལ་རྒྱས་དང་སྟོབས་ཆེར་འགྲོ་བ་ནི་མང་ཚོགས་ཀྱི་འབབ་འཕར་ཕུགས་རེ་ཡིན།
མེ་ཏོག་རྫོང་ཨུད་དང་རྫོང་སྲིད་གཞུང་གི་རྒྱབ་སྐྱོར་དང་སྐུལ་འདེད་འོག ལོ་ཤས་རིང་། དཔེར་ན་དགའ་ལྡན་ཤང་དགྱེ་གླིང་གྲོང་ཚོ་དང་། མེ་ཏོག་གྲོང་རྡལ་མེ་ཏོག་གྲོང་ཚོ། འབྲས་སྤུངས་ཤང་གཏེར་ཀོང་གྲོང་ཚོ་སོགས་མཐའ་མཚམས་གྲོང་ཚོ་དེ་བས་མང་བ་ཞིག་གིས་གཞི་ཁྱོན་ཅན་གྱི་ཇ་འདེབས་འཛུགས་བྱེད་འགོ་ཚུགས་ཤིང་། ཇ་ལོ་འདེབས་པ་དང་དེ་བཞིན་ཇ་ཞིང་ཡུལ་སྐོར་འཕེལ་རྒྱས་གཏོང་བའི་ཡོང་འབབ་དེ་ས་གནས་དེ་གའི་མང་ཚོགས་ཀྱི་ཡོང་ཁུངས་གཙོ་བོར་གྱུར་ཡོད།
ད་ཆ་མེ་ཏོག་རྫོང་གིས“ཇ་ལོ+”མཉམ་འདྲེས་འཕེལ་རྒྱས་ལ་སྐུལ་འདེད་ཧུར་ཐག་བཏང་ནས་ཇ་མཚམས་སྦྱོར་དུ་བྱས་པའི་ཇ་ཞིང་སོགས་ཀྱི་ཡུལ་སྐོར་མཉམ་འདྲེས་མཛེས་ལྗོངས་ཁུལ་ཁག་གཅིག་བསྐྲུན་ནས་ལོ་ལྟར་ཇའི་རིག་གནས་ཡུལ་སྐོར་དུས་ཚིགས་ཀྱི་བྱེད་སྒོ་རབ་དང་རིམ་པ་སྤེལ་བ་དང་། ཇ་ཞིང་ལ་ལྟ་སྐོར་ཡུལ་སྐོར་དང་། ཇ་འཐུ་བ་དང་ཇ་འཐུང་བའི་ཉམས་ལེན། ཇའི་ཐོན་རྫས་ཕྱིར་ཚོང་བཅས་གསུམ་གཞི་གཅིག་གི་ཇའི་ཡུལ་སྐོར་མཉམ་འདྲེས་འཕེལ་རྒྱས་མ་ལག་འཚོལ་ཞིབ་བྱས་ཐོག་སྦས་ཡུལ་མེ་ཏོག་ཏུ་ཡུལ་སྐོར་བྱེད་པར་ཇའི་ཉམས་འགྱུར་ལྡན་པ་དང་། ཇའི་དྲི་ཞིམ་འཐུལ་བ། ཇའི་ལག་རྟགས་ཉོ་རྒྱུ་ཡོད་པ་བཅས་མངོན་འགྱུར་བྱུང་ཡོད།
དེས་མ་ཟད། མེ་ཏོག་རྫོང་གིས་ད་དུང་ཇ་ལོའི་ཐོན་ལས་འཁོར་འབྲེལ་མུ་མཐུད་སྣུར་སྲིང་བྱེད་བཞིན་ཡོད་ཅིང་། ཧྥུའུ་ཅན་ཞིང་ཆེན་ཞིང་ལས་ཚན་རིག་ཁང་སོགས་ཚན་རིག་ཞིབ་འཇུག་ལས་ཁུངས་དང་སྤེལ་རེས་མཉམ་ལས་གཏིང་ཟབ་ཏུ་བཏང་བ་བརྒྱུད། “ཇ་ལོ་དང་ཤིང་འབྲས་ཞུ་མཁན”གྱི་ཇ་དང་ཤིང་འབྲས་འཕེལ་རྒྱས་གཏོང་སྟངས་གསར་གཏོད་དང་ཁྱབ་གདལ་བཏང་བ་རེད། མིག་སྔའི་བར་ཇ་དང་ཤིང་འབྲས་འདེབས་ཁྱོན་མུའུ་8000ལྷག་ཙམ་ཟིན་པ་དང་། རིམ་རྩིས་བརྒྱབ་ན་ཤིང་འབྲས་ཞུ་མཁན་སྡོང་རྐང་ཁྲི་8.2བཏབ་ནས“གསེར་ལོ་དང་གསེར་འབྲས”ས་ཆ་ཡུག་གཅིག་དང་ཕན་འབྲས་ཁག་གཉིས་ཀྱི་གྲུབ་འབྲས་རགས་ཙམ་མངོན་ཡོད་པ་རེད།
ཚེ་རིང་མཆོག་གིས་ད་ལྟའི་བར་མེ་ཏོག་རྫོང་དུ་ཚད་གཞི་མཐོ་བའི་རི་མཐོའི་སྐྱེ་ལྡན་ཇ་ཞིང་ཁག་100ལྷག་ཙམ་བསྐྲུན་པ་དང་། ཁྱོན་བསྡོམས་གྲོང་ཚོ་39དང་མི་ཁྲི་1ལྷག་ཙམ་ལ་དེའི་ཁྲོད་ནས་ཕན་པ་ཐོབ་ནས་ཇའི་ཐོན་ལས་སྤུས་ཚད་མཐོ་བའི་འཕེལ་རྒྱས་ཕྱིན་པ་དེས་མཐའ་དར་དམངས་ཕྱུག་དང་གྲོང་གསེབ་དར་རྒྱས་ཡོང་བར་སྒུལ་ཤུགས་ཆེན་པོ་བསྣན་ཡོད་ཅེས་བཤད།
མེ་ཏོག་གི་ཇའི་དྲི་ཞིམ་ཁྱིམ་ཚང་མང་པོར་འཐུལ་བ་དང་། མེ་ཏོག་གི་ཇ་ལས་ཀྱིས་ཁྱིམ་ཚང་མང་པོ་ཕྱུག་པོར་གྱུར་ཞིང་། མཐའ་མཚམས་ཀྱི་གྲོང་རྡལ་ཆུང་ངུ་འདི་ཇ་རི་ནགས་མཚོའི་དབར་རིམ་བཞིན་འཕོ་འགྱུར་ཆེན་པོ་བྱུང་དང་འབྱུང་བཞིན་མཆིས།
འབྲེལ་ཡོད་གསར་འགྱུར།