འདི་ནི་ཀྲུང་གོ་ལྕགས་ལམ་མཚོ་བོད་ཚོགས་པ་ཚད་ཡོད་ཀུང་སིའི་ལྷ་ས་རྨང་གཞིའི་སྒྲིག་བཀོད་དུམ་བུའི་ཏང་ཡོན་གྱི་འཐུས་མིས་ལྷ་ས་ལྕགས་ལམ་ཁུལ་གྱི་ཏང་ཡོན་གྱི་ཏང་གཤིས་དང་། ཏང་སྲོལ། ཏང་གི་སྒྲིག་ཁྲིམས་བཅས་ཀྱི་སློབ་གསོའི་རྟེན་གཞིར་ལྟ་སྐོར་སློབ་སྦྱོང་བྱེད་བཞིན་པ།

ཉེ་ཆར། ཀྲུང་གོ་ལྕགས་ལམ་མཚོ་བོད་ཚོགས་པ་ཚད་ཡོད་ཀུང་སིའི་ལྷ་ས་རྨང་གཞིའི་སྒྲིག་བཀོད་དུམ་བུས་ཏང་ཡོན་ལས་བྱེད་པ་ཡོངས་ཀྱི་ཉེན་བརྡའི་སློབ་གསོའི་ཚོགས་ཆེན་དང་ཆེད་དོན་ཏང་གི་སློབ་ཚན་འཚོགས་པ་རེད། ལས་གནས་ཐོག་གི་འགོ་ཁྲིད་ཚན་པའི་ཁོངས་མི་དང་། ལས་ཁུངས་ཚན་ཁག་དང་ལྟེ་གནས་ཀྱི་འགན་འཁུར་བ། ཏང་ཀྲི་པུའི་ཧྲུའུ་ཅི། ཏང་ཡོན་གྱི་འཐུས་མི་བཅས་མཉམ་དུ་འཛོམས་ནས་བསམ་བློའི་བློ་སྦྱོང་དང་སྒྲིག་ཁྲིམས་སློབ་གསོ་དང་ལེན་བྱས་པ་རེད། དེ་རྗེས་ཚོགས་ཞུགས་མི་སྣ་ཚོ་ལྷ་ས་ལྕགས་ལམ་ཁུལ་གྱི་ཏང་ཡོན་གྱི་ཏང་གཤིས་དང་། ཏང་སྲོལ། ཏང་གི་སྒྲིག་ཁྲིམས་བཅས་ཀྱི་སློབ་གསོའི་རྟེན་གཞིར་ལྟ་སྐོར་དང་སློབ་སྦྱོང་བྱེད་པར་བསྐྱོད་པ་རེད།