ཟླ་10ཚེས་27ཉིན། རང་སྐྱོང་ལྗོངས་ལས་ཞུགས་ཞབས་ཞུ་ལྟེ་གནས་ཀྱིས“ལས་ཀའི་ལམ་སྟོན་བྱས་ཏེ་འབྱུང་འགྱུར་རེ་བས་ཁེངས། གངས་ལྗོངས་ས་མཐོར་ཕུགས་འདུན་མངོན་འགྱུར་བྱེད”ཅེས་པའི་2025ལོའི་རྒྱལ་ཡོངས་ཀྱི་གྲོང་ཁྱེར་མཉམ་འབྲེལ་གྱི་མཐོ་སློབ་སློབ་ཐོན་སློབ་མའི་སྟོན་དུས་ཀྱི་ལས་བསྡུའི་འདུ་ཚོགས་ཆེན་པོ་འཚོགས་ཤིང་། ད་ཐེངས་ཀྱི་ལས་བསྡུའི་འདུ་ཚོགས་སུ་མི་སྤྱོད་ཚན་པ་160ཡོད་པ་དང་ལས་གནས་ཁག་1837མཁོ་འདོན་བྱས་པའི་ནང་མཐོ་སློབ་སློབ་ཐོན་སློབ་མར་འཚམ་པའི་ལས་གནས་ཁག་986ཡོད་པ་དང་གྲོང་ཁྱེར་དང་གྲོང་རྡལ་གྱི་ལས་ཤོར་མི་སྣར་འཚམ་པའི་ལས་གནས་ཁག་851ཡོད་པ་རེད།འདི་ནི་ལས་ཀ་འཚོལ་མཁན་གྱིས་འབྲེལ་ཡོད་ལས་གནས་སྐོར་སྐད་ཆ་འདྲི་བཞིན་པ།