ཉིན་ཤས་གོང་། མཚོ་བོད་ལྕགས་ལམ་ལྷ་ས་མེ་འཁོར་ལས་ཚུགས་ནག་ཆུ་ས་ཚིགས་ཀྱི་སྡེ་ཚོགས་ཀྲི་པུས་ནག་ཆུ་གསེར་རྙེད་ཆུས་ཤོ་མོང་ཤང་ལྟེ་བའི་སློབ་ཆུང་དུ“ལམ་གཅེས་ལམ་སྐྱོང་གི་འདུ་ཤེས་སློབ་གྲྭར་དྲིལ་བསྒྲགས་བྱེད་པ”བརྗོད་དོན་གཙོ་བོར་བྱས་པའི་བདེ་འཇགས་དྲིལ་བསྒྲགས་བྱེད་སྒོ་སྤེལ་བ་རེད། བྱེད་སྒོའི་ནང་མཉམ་འགུལ་ལྷུ་ཚིགས་ཇུས་འགོད་ཞིབ་ཚགས་བྱས་ནས་དང་བླངས་པས་གྲ་སྒྲིག་ཞིབ་ཚགས་བྱས་པའི་དཔེ་ཁུག་དང་། སྦྱོང་དེབ། ཞ་སྨྱུག རྩིས་ཆས་སོགས་སློབ་སྦྱོང་ཡོ་བྱད་སྤྲད་ཡོད། ཕྲུ་གུ་ཚོ་དང་བླངས་པའི་འགྲམ་དུ་གཅིག་རྗེས་གཉིས་མཐུད་ངང་ཡོང་ནས་རང་ཉིད་ཀྱི་སློབ་སྦྱོང་གི་གྲུབ་འབྲས་ངོམ་སྟོན་བྱས་པ་རེད། འདི་ནི་དང་བླངས་པས་ཕྲུ་གུ་ཚོར་ལམ་གཅེས་ལམ་སྐྱོང་གི་འབྲེལ་ཡོད་ཤེས་བྱ་ཁྱབ་གདལ་གཏོང་བཞིན་པ།