འདི་ནི་ཧུའུ་པེ་དབྱི་ཁྲང་གི་ཤུགས་འགྲེམས་མེ་འཁོར་བཟོ་སྐྲུན་ཁང་དུ་བཞག་པའི་ཤུགས་འགྲེམས་མེ་འཁོར་ＣＲ450ཚོད་ལྟའི་མེ་འཁོར་ཡིན་པ།

 རྐྱང་སྐྱོད་མེ་འཁོར་གྱི་ཆུ་ཚོད་རེའི་མྱུར་ཚད་སྤྱི་ལེ་453དང་མེ་འཁོར་གཉིས་ཕན་ཚུན་འཕྲད་སྐབས་ཀྱི་ཆུ་ཚོད་རེའི་མྱུར་ཚད་སྤྱི་ལེ་896ཟིན་པ་དེ་ནི་ཤུགས་འགྲེམས་མེ་འཁོར་ＣＲ450ཚོད་ལྟའི་མེ་འཁོར་ཉེ་ཆར་ཚོད་ལྟ་བྱེད་རིང་གི་ཟིན་ཐོ་གསར་ཤོས་རེད།

གསར་འགོད་པར་རྒྱལ་ཁབ་ལྕགས་ལམ་ཚོགས་པ་ནས་ཤེས་རྟོགས་བྱུང་བར། ན་ནིང་ལོ་མཇུག་ཏུ། ཚོད་ལྟའི་མེ་འཁོར་ཐོན་སྐྱེད་བྱས་རྗེས། ཤུགས་འགྲེམས་མེ་འཁོར་ＣＲ450ཚོད་ལྟའི་མེ་འཁོར་གྱི་ཚོད་ལྟ་ཐེངས་མང་བྱས་མཐར། ཆུ་ཚོད་རེའི་མྱུར་ཚད་སྤྱི་ལེ་450ཟིན་པ་མ་ཟད། སྟོན་གྲངས་ཁག་ཀྱང་ཚད་ལོན་ཡོད་པ་རེད། ཤུགས་འགྲེམས་མེ་འཁོར་ＣＲ450དེ་མིག་སྔར་ཧྲང་ཧའེ་ནས་ཁྲུང་ཆིང་དང་ཁྲེང་ཏུའུ་བར་གྱི་མྱུར་བགྲོད་ལྕགས་ལམ་ཐོག་བེད་སྤྱོད་དཔྱད་ཞིབ་བྱེད་བཞིན་ཡོད་པས། བླང་བྱ་ལྟར་འགྲུལ་བཞུད་སྤྱི་ལེ་ཁྲི་60ཟིན་པ་བྱས་ནས་ཤུགས་འགྲེམས་མེ་འཁོར་ཧྲིལ་པོ་དང་དེ་བཞིན་མ་ལག་ཁག་བརྟན་པོ་ཡོད་མེད་དང་བློས་འགེལ་ཆོག་མིན་ལ་རྟོག་ཞིབ་བྱེད་དགོས་ཀྱི་ཡོད་པ་རེད།

ཀྲུང་གོ་ལྕགས་ལམ་ཚན་རིག་ཞིབ་འཇུག་ཁང་གི་འབྲེལ་ཡོད་འགན་འཁུར་བས་ངོ་སྤྲོད་བྱས་པར་གཞིགས་ན། ཤུགས་འགྲེམས་མེ་འཁོར་ＣＲ450གྱིས་དུས་སང་ཧྲང་ཧའེ་ནས་ཁྲུང་ཆིང་དང་ཁྲེང་ཏུའུ་བར་གྱི་མྱུར་བགྲོད་ལྕགས་ལམ་གྱི་ཁྲེང་ཏུའུ་ནས་ཁྲུང་ཆིང་བར་གྱི་དབུས་ཐིག་ཏུ་གཉེར་སྐྱོང་དངོས་བྱེད་པ་ལྟ་བུའི་ཕྱོགས་ཡོངས་ཀྱི་ཚོད་ལྟ་བྱ་རྒྱུ་ཡིན་པ་རེད།