ཚེས་16ཉིན་ནི་འཛམ་གླིང་འབྲུ་རིགས་ཉིན་མོ་ཐེངས་45པ་ཡིན་ཞིང་། བོད་རང་སྐྱོང་ལྗོངས་འབྲུ་རིགས་དང་དངོས་ཟོག་གྲབས་གསོག་ཅུས་དང་། ཞིང་ལས་དང་གྲོང་གསེབ་ཐིང་། སློབ་གསོ་ཐིང་། སྦྲག་སྲིད་དོ་དམ་ཅུས། གུང་གཞོན་སྡེ་ཚོགས་བོད་རང་སྐྱོང་ལྗོངས་ཨུ་ལྷན། བོད་ལྗོངས་བུད་མེད་མཉམ་འབྲེལ་ལྷན་ཚོགས་བཅས་སྡེ་ཚན་དྲུག་གིས་མཉམ་དུ་ལྷ་སར་ཚོགས་ར་གཙོ་བོ་བཙུགས་པ་དང་། ས་གནས་ཁག་གིས་དུས་མཚུངས་སུ“2025ལོའི་འཛམ་གླིང་འབྲུ་རིགས་ཉིན་མོ་དང་རྒྱལ་ཡོངས་འབྲུ་རིགས་བདེ་འཇགས་དྲིལ་བསྒྲགས་གཟའ་འཁོར”གྱི་བོད་རང་སྐྱོང་ལྗོངས་ཀྱི་བྱེད་སྒོ་སྤེལ་བ་རེད།

ཤེས་རྟོགས་བྱུང་བར་གཞིགས་ན། ད་ཐེངས་ཀྱི་བྱེད་སྒོས་གྲོང་མིའི་འབྲུ་རིགས་བདེ་འཇགས་ཀྱི་འདུ་ཤེས་དང་འབྲུ་རིགས་ལ་གྲོན་ཆུང་དང་འཕྲོ་བརླག་ཉུང་གཏོང་གི་འདུ་ཤེས་དེ་བས་ཟབ་ཏུ་བཏང་ནས། “མི་ཚང་མར་འབྲུ་རིགས་ལ་གྲོན་ཆུང་བྱེད་པའི་འགན་འཁྲི་ཡོད་པའི” སྤྱི་ཚོགས་ཀྱི་རྣམ་པ་བཟང་པོ་བཏོད་པ་རེད།