ཤིན་ཧྭ་གསར་འགྱུར་ཁང་པེ་ཅིང་ནས་གློག་འཕྲིན་འབྱོར་གསལ། ཉེ་ཆར་རྒྱལ་ཁབ་ཕྱི་དངུལ་དོ་དམ་ཅུས་ཀྱིས་ཁྱབ་བསྒྲགས་བྱས་པའི་གྲངས་གཞི་ལས་མངོན་པར། 2025ལོའི་ཟླ་བ་དགུ་པའི་ཟླ་མཇུག་བར་རང་རྒྱལ་གྱི་ཕྱི་དངུལ་གསོག་འཇོག་གི་གཞི་ཁྱོན་ཨ་སྒོར་དུང་ཕྱུར་33387ཟིན་པ་དེ་ཟླ་བ་བརྒྱད་པའི་ཟླ་མཇུག་ལས་ཨ་སྒོར་དུང་ཕྱུར་165འཕར་བ་དང་འཕར་ཚད་0.5%ཟིན་ཡོད།

“ཟླ་བ་དགུ་པར། དཔལ་འབྱོར་དངོས་ཚན་གཙོ་བོའི་གཞི་ཆེའི་དཔལ་འབྱོར་གྱི་གྲངས་གཞི་དང་། དངུལ་ལོར་སྲིད་ཇུས། སྔོན་དཔག་སོགས་རྒྱུ་རྐྱེན་གྱི་ཤུགས་རྐྱེན་ཐེབས་པས། ཨ་སྒོར་གྱི་སྟོན་གྲངས་ལ་གཡོ་འགུལ་ཆུང་ངུ་ཐེབས་པ་དང་གོ་ལ་ཧྲིལ་པོའི་དངུལ་རྩའི་རྒྱུ་ནོར་གྱི་རིན་གོང་སྤྱིའི་ཆར་འཕར་ཡོད”རྒྱལ་ཁབ་ཕྱི་དངུལ་དོ་དམ་ཅུས་ཀྱི་འབྲེལ་ཡོད་སྡེ་ཚན་གྱི་འགན་འཁུར་བས་དངུལ་བརྗེས་འཛའ་ཐང་ཕབ་རྩིས་དང་རྒྱུ་ནོར་རིན་གོང་གི་འགྱུར་ལྡོག་སོགས་རྒྱུ་རྐྱེན་གྱི་ཕྱོགས་བསྡུས་ནུས་པ་ལས་ཟླ་དེའི་ཕྱི་དངུལ་གསོག་འཇོག་གི་གཞི་ཁྱོན་འཕར་ཡོད་ཅེས་བརྗོད།