ཉེ་ཆར་ཧང་ཀྲོའུ་རུ་གཉེར་བའི་གོ་ལ་ཧྲིལ་པོའི་གྲངས་འཛིན་ཚོང་དོན་དངོས་མང་སྟོན་ཚོགས་སྐབས་བཞི་པར་བོད་ལྗོངས་མཆོག་ནོར་གྲངས་འཛིན་ཐོན་ལས་དོ་དམ་ཚད་ཡོད་ཀུང་སིས་རང་ལྗོངས་ཀྱི་བོད་སྐད་ཡིག་གི་མི་ཐབས་རིག་ནུས་ＡＰＰདང་པོ་སྟེ། “གཏེར་ཚང”ཞེས་པ་འགྲེམས་སྟོན་བྱས་པ་རེད། སྐད་རིགས་མང་པོ་སྤེལ་རེས་ཐུབ་པར་ཆེད་དུ་ཇུས་འགོད་བྱས་པའི་ＡＩཉེར་སྤྱོད་འདིར་རྒྱ་སྐད་དང་དབྱིན་སྐད་ཡོད་པ་མ་ཟད། བོད་སྐད་ཀྱི་དབུས་གཙང་གི་སྐད་དང་། ཁམས་སྐད། ཨ་མདོའི་སྐད་བཅས་ཡུལ་སྐད་ཆེན་པོ་གསུམ་འདུས་ཡོད་པ་ལས་རང་ལྗོངས་ཀྱི་གྲངས་འཛིན་དཔལ་འབྱོར་དང་མི་ཐབས་རིག་ནུས་ལག་རྩལ་མཉམ་འདྲེས་གཏིང་ཟབ་ཡོང་བར་ཚད་བརྒལ་ཆེན་པོ་བྱུང་བ་མཚོན་པ་མ་ཟད། གྲངས་ཉུང་མི་རིགས་ཀྱི་སྐད་ཡིག་རིག་གནས་སྲུང་སྐྱོང་དང་རྒྱུན་འཛིན་ལ་ལག་རྩལ་གྱི་ཐབས་ལམ་གསར་པ་ཞིག་མཁོ་འདོན་བྱས་པའང་མཚོན་གྱི་ཡོད་པ་རེད།