ལྷུན་གྲུབ་རྫོང་ལྕང་ར་ཤར་ཤང་མཁར་རིལ་གྲོང་ཚོར“ཁྱིམ་མཚེས་ཨ་ཅག་བཟང་པོ”ལྷག་པ་སྒྲོལ་མས་སྐར་མ་15ཡི་ནང་ཁྱིམ་ཚང་གི་རྩོད་གཞི་ཞིག་ཐག་གཅོད་བྱས་པ་དང་། གསོ་ཚགས་འཇོན་ཐང་ཅན་ཚེ་རིང་རྡོ་རྗེ་སྒོ་རྩར་ལས་ཞུགས་ཐུབ་སྟེ་ཟླ་རེར་ཡོང་འབབ་སྒོར་5000བྱུང་བ། ཆུ་ཡུར་ཉམས་གསོ་དང་ངལ་རྩོལ་གླ་ཕོགས་ཀྱི་འགལ་བ་ཐག་གཅོད་བྱུང་བ་སོགས་མི་སེམས་དྲོ་བའི་དོན་དག་དེ་དག་ནི་མཁར་རིལ་གྲོང་ཚོའི“3344”ཡི་གྲོང་ཚོ་རིམ་པའི་རང་སྐྱོང་རྩ་འཛུགས་མ་ལག་གི་གསོན་ཉམས་དོད་པའི་ལག་ལེན་ཞིག་རེད།

ཤང་ཏང་ཨུད་ཀྱིས་འགོ་ཁྲིད་པ་དང་རྫོང་ཨུད་མང་ཚོགས་ཚོགས་པའི་མཛུབ་ཁྲིད་འོག “གཞི་རིམ་སྟོབས་ཆེན་བྱུང་ན་རྒྱལ་ཁབ་སྟོབས་ཆེན་ཡོང་བའི”བླང་བྱ་དོན་འཁྱོལ་གྱིས“3344”ཡི་མ་ལག་བཙུགས་ཤིང་། བཟོ་ཚོགས་ཀྱི“རིམ་གསུམ་མཉམ་འགུལ”ལས་བུད་མེད་ཚོགས་མི་80%“འདུམ་འགྲིག་མཁས་པ་དང་སེམས་དྲོད་མཛོད་གཉེར”ལ་གསོ་སྐྱོང་བྱས་པ་དང་། གུང་གཞོན་སྡེ་ཚོགས་ཀྲི་པུའུ་ཡི“རིམ་གསུམ་ནུས་འདུས”ལས་གཞོན་ནུ་8.4%སྲིད་ཇུས་དྲིལ་བསྒྲགས་ཀྱི་གདོང་ལེན་པར་གྱུར་པ། བུད་མེད་མཉམ་འབྲེལ་ལྷན་ཚོགས་ཀྱི“རིམ་བཞི་ཁྱབ་པ”ལས་ཞབས་ཞུ་འབྲེལ་མཐུད་གནད་སྨིན་ཐུབ་པ། མཐའ་སྲུང་གི“རིམ་བཞིའི་སྟོབས་ཤུགས”ལས“དུས་རྒྱུན་གྱི་ཞབས་ཞུ་དང་དུས་ཐོག་འཕྲལ་སྡོམ”ལ་འགན་ལེན་བྱུང་ཡོད། གྲོང་གསེབ་ཏང་རྩ་འཛུགས་ཀྱིས་རང་འགུལ་ངང་བྱ་སྤྱོད་སྤེལ་བ་དང་ཤང་ཏང་ཨུད་ཀྱི་ཧྲུའུ་ཅིས་སྣེ་ཁྲིད་བྱས་ཏེ་རྒྱ་བོད་སྐད་གཉིས་ཤེས་པའི་རྐང་འཛིན་126ཤེས་ལྡན་པའི་མཛོད་ནང་བཅུག་ནས་རྩ་འཛུགས“གང་སར་ཁྱབ་པ”ནས“ནུས་ལྡན་འཁོར་སྐྱོད”ཡོང་བར་སྐུལ་འདེད་བཏང་བ་རེད།

གཞན་ཡང་། མཁར་རིལ་གྲོང་ཚོར“རིམ་གསུམ་མཉམ་འབྲེལ་སྙོམས་སྒྲིག”ལམ་སྲོལ་བཙུགས་ཤིང་། ཚོགས་ཆུང་རིམ་པའི་ངོས་ནས་བུད་མེད་དང་། གཞོན་ནུ། ཡུལ་དམག་བཅས་ཀྱིས་སྐར་མ་15ཡི་ནང་དང་ལེན་ཞུས་ནས་ཁྱིམ་མཚེས་ཀྱི་རྩོད་གཞི་ཐག་གཅོད་བྱས་པ་དང་། གྲོང་ཚོ་རིམ་པའི་ངོས་ནས་ཏང་རྩ་འཛུགས་ཀྱིས་སྣེ་ཁྲིད་བྱས་ཏེ་བཟོ་པ་དང་། གཞོན་ནུ། བུད་མེད། ཡུལ་དམག་བཅས་ཀྱི་འཐུས་མི་དང་མཉམ་འབྲེལ་བྱས་ནས་ངལ་རྩོལ་གླ་ཕོགས་ཀྱི་རྩོད་གཞི་འདུམ་འགྲིག་དང་ཐག་གཅོད་བྱས་པ། ཤང་རིམ་པའི་ངོས་ནས“གཅིག་འཐུས་རྣམ་པའི་འགལ་ཟླ་འདུམ་སྒྲིག་ལྟེ་གནས”ཀྱིས་ཁྲིམས་དཔོན་དང་ཁྲིམས་རྩོད་པའི་སྟོབས་ཤུགས་བསྡུ་སྒྲིལ་བྱས་ནས་རྙོག་འཛིང་ཆེ་བའི་འགལ་བ་ཐག་གཅོད་བྱས་ཡོད། མ་ལག་འཁོར་སྐྱོད་བྱས་ཚུན། རིམ་རྩིས་བརྒྱབ་ན་རྩོད་གཞི་ཁག་12བསལ་བ་དང་གྱོང་གུན་སྒོར་ཁྲི་70ལྷག་ཙམ་མི་ཕོག་པ་བྱས་པ་མ་ཟད། 2025ལོའི་ལོ་སྟོད་ཀྱི་དངུལ་འབོར་ཉུང་བའི་རྩོད་གཞི་ཁག་2ཚང་མ་ཚོགས་ཆུང་ནང་ཁུལ་ནས་ཐག་གཅོད་བྱས་ཏེ“དོན་ཆུང་གྲོང་ཚོ་ནས་ཐག་གཅོད་ཐུབ་པ་དང་དོན་ཆེན་ཤང་ནས་ཐག་གཅོད་ཐུབ་པ”མངོན་འགྱུར་བྱུང་ཡོད།

ད་ཆ་མཁར་རིལ་གྲོང་ཚོའི་གྲོང་ཚོ་རིམ་པའི་རང་སྐྱོང་རྩ་འཛུགས་མ་ལག་རྒྱུན་ཆད་མེད་པར་ལེགས་སུ་ཕྱིན་པ་དང་བསྟུན་ནས། རང་སྐྱོང་གི་གསོན་ཤུགས་གང་སར་རྒྱས་ཏེ“རྩ་འཛུགས་ནུས་ལྡན་དང་། ཞབས་ཞུ་མི་སེམས་དྲོ་བ། བཅོས་སྐྱོང་ནུས་ལྡན”བཅས་ཀྱི་མཛེས་མཐུན་གྲོང་གསེབ་རིམ་བཞིན་འཛུགས་བཞིན་ཡོད་པ་རེད།