ཉིན་ཤས་གོང་གསར་འགོད་པས་རྒྱལ་ཁབ་གློག་དྲ་བོད་ལྗོངས་གློག་ཤུགས་ཀུང་སི་ནས་ཤེས་རྟོགས་བྱས་པར། ད་ལོའི་ལོ་སྟོད་དུ། རང་ལྗོངས་ཀྱི་སྤྱི་ཚོགས་ཡོངས་ཀྱི་གློག་སྤྱོད་ཚད་ཆན་ཝ་ཆུ་ཚོད་དུང་ཕྱུར་84.26ཟིན་པ་དེ་དུས་མཚུངས་ལས་12.84%འཕར་བ་དང་འཕར་ཚད་རྒྱལ་ཡོངས་ཀྱི་ཨང་དང་པོར་སླེབས་ཡོད།

གྲངས་གཞི་ལས་མངོན་པར། 2025ལོའི་ལོ་སྟོད་དུ། བོད་ཀྱི་ཐོན་ལས་དང་པོས་གློག་སྤྱོད་ཚད་ཆན་ཝ་ཆུ་ཚོད་དུང་ཕྱུར་1.07ཟིན་པ་དེ་དུས་མཚུངས་ལས་5.37%འཕར་བ་དང་། ཐོན་ལས་གཉིས་པས་གློག་སྤྱོད་ཚད་ཆན་ཝ་ཆུ་ཚོད་དུང་ཕྱུར་41.34ཟིན་པ་དེ་དུས་མཚུངས་ལས་26.9%འཕར་བ། ཐོན་ལས་གསུམ་པས་གློག་སྤྱོད་ཚད་ཆན་ཝ་ཆུ་ཚོད་དུང་ཕྱུར་29.21ཟིན་པ་དེ་དུས་མཚུངས་ལས་7.41%འཕར་བ་བཅས་རེད།