མི་མང་པོ་ཞིག་གིས་མིག་ཤེལ་གྱི་ཕྱིས་རས་ཀྱིས་ཐད་ཀར་མིག་ཤེལ་ཕྱིས་ཀྱི་ཡོད་པ་དང་། ལ་ལས་ད་དུང་གོས་ཀྱིས་མིག་ཤེལ་ཕྱིས་ཀྱི་ཡོད། དོན་དུ་དེ་འདྲ་བྱས་ན་རྦད་དེ་ནོར་འདུག གང་ལགས་ཤེ་ན། ང་ཚོས་རྒྱུན་དུ་འདོགས་པའི་མིག་ཤེལ་གྱི་ཤེལ་སྒོའི་སྟེང་དུ་མིག་གིས་མི་མཐོང་བའི་རྡུལ་ཕྲ་མང་པོ་འཁོར་ཡོད། གལ་ཏེ་མིག་ཤེལ་ཐད་ཀར་ཕྱིས་རས་ཀྱིས་ཕྱིས་ན། རྡུལ་ཕྲ་དག་མིག་ཤེལ་གྱི་ཤེལ་སྒོར་རྡར་གྱི་ཡོད། དང་ཐོག་མར་མངོན་གསལ་དེ་ཙམ་མེད་རུང་། དུས་ཚོད་རིང་པོ་སོང་རྗེས་མིག་ཤེལ་ལ་རྡར་རིས་མང་པོ་ཐོན་གྱི་ཡོད། 

མིག་ཤེལ་གྱི་ཕྱིས་རས་ཀྱི་སྤྱོད་གོ་ངོ་མ་ནི། མིག་ཤེལ་བསྒྲིལ་ནས་བླུག་སྣོད་དུ་ཉར་སྐབས་ཤེལ་སྒོ་གཞན་ལ་མི་རྡར་བའི་ཆེད་དུ་རེད།

ཁྱེད་ཀྱིས་མིག་ཤེལ་གྱི་ཤེལ་སྒོ་གཙང་མ་བཟོ་དགོས་ན། མིག་ཤེལ་ཆུ་ཀ་ལའི་འོག་འཁྲུ་དགོས་པ་དང་། དེ་ནས་ཤོག་བུ་འཇམ་པོས་མིག་ཤེལ་ངོས་ཀྱི་ཆུ་འཐེན་ནས་སྐམ་ན་འགྲིག་གི་ཡོད། གལ་ཏེ་ཤེལ་སྒོའི་ངོས་སུ་ཞག་སྙིགས་འཁོར་ཡོད་ན། འདག་ཁུ་ཐིགས་པ་རེ་གཉིས་བརྒྱབ་ནས་བཀྲུས་ན་འགྲིག