འདི་ནི་མངའ་རིས་ས་ཁུལ་སེང་གེ་ཁ་འབབ་གྲོང་རྡལ་གྱི་རྣམ་པ་ཡིན་པ།

ལོ་ངོ་60ཡི་རིང་། ཏང་ཀྲུང་དབྱང་གི་འགྱུར་མེད་སྟོབས་ལྡན་གྱི་འགོ་ཁྲིད་འོག མངའ་རིས་ས་ཁུལ་གྱིས“ས་ཁུལ་དབུལ་པོ”ནས“ས་མཐོའི་མུ་ཏིག”བར་ལོ་རྒྱུས་རང་བཞིན་གྱི་མཆོང་སྐྱོད་བྱུང་ཡོད། 2024ལོའི་ལོ་མཇུག་ཏུ། མངའ་རིས་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར་བརྒྱ་ཡི་འགག་སྒོ་ཆེན་པོ་ལས་བརྒལ་ནས་སྒོར་དུང་ཕྱུར་105.85ལ་སླེབས་པ་དང་། གཞི་ཁྱོན་ཡན་གྱི་བཟོ་ལས་འཕར་ཐང་སྒོར་དུང་ཕྱུར་2.48ལེགས་གྲུབ་བྱུང་བ། གཏན་འཇགས་རྒྱུ་ནོར་གྱི་མ་འཇོག་སྒོར་དུང་ཕྱུར་126.66ལེགས་གྲུབ་བྱུང་བ། གྲོང་ཁྱེར་དང་གྲོང་རྡལ་གྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་ཁྲི་5.89ཟིན་པ། གྲོང་གསེབ་ཀྱི་ཡུལ་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་ཁྲི་2.02ལྷག་ཙམ་ཟིན་ཡོད། ཐོན་ལས་དང་པོ་དང་། ཐོན་ལས་གཉིས་པ། ཐོན་ལས་གསུམ་པ་བཅས་ཀྱི་འཕར་ཐང་སྒོར་དུང་ཕྱུར་10.7དང་། སྒོར་དུང་ཕྱུར་28.43 སྒོར་དུང་ཕྱུར་66.72བཅས་སོ་སོར་སླེབས་ཡོད།

2024ལོའི་རུ་ཐོག་རྫོང་གི་རའི་ཁུ་ལུ་ཧབ་ཚོང་བྱེད་སྒོར་ཧབ་ཚོང་པས་ཐོ་བ་བརྡུངས་པའི་སྒྲ་གྲགས་པ་དང་ཆབས་ཅིག རའི་ཁུ་ལུ་དཀར་པོ་སྤྱི་རྒྱ་རེར་སྒོར་1355ཡི་རིན་གོང་ལྟར་ཉོ་ཚོང་བྱས་པ་དེས་ལོ་རྒྱུས་ཀྱི་ཟིན་ཐོ་གསར་པ་བཏོད་པ་མ་ཟད། ས་གནས་ས་ཐོག་གི་གསོ་སྤེལ་དུད་ཚང་གི་ངོ་གདོང་ནས་འཛུམ་མདངས་འཕྱུར།

ཁྱད་ལྡན་དཔལ་འབྱོར་གསོན་ཤུཌ་རབ་ཏུ་རྒྱས། གཙོ་གནད་རྣམ་གྲངས་འཛུགས་སྐྲུན་ལས་ལ་བྲེལ།

གྲུབ་འབྲས་དེ་ཡང་རུ་ཐོག་རྫོང་དང་ཧོ་པེ་ཞིང་ཆེན་བོད་སྐྱོར་ལས་དོན་རུ་ཁག་གིས་ཐོན་ལས་འཛུགས་སྐྲུན་ལ་སྙིང་རུས་རྒྱུན་འཁྱོངས་དང་སྒྱུར་བཅོས་གསར་གཏོད་བྱས་པའི་བློ་སྟོབས་ལ་བརྟེན་ནས་བྱུང་བ་ཞིག་རེད། སྤུས་ལེགས་ཀྱི་ལུག་ཐུག་རྒྱུད་པ་ལེགས་བཅོས་བྱེད་པ་ནས་རིགས་གཅིག་མཁས་ཅན་གདན་དྲངས་ནས་ཚན་རིག་དང་མཐུན་པའི་གསོ་སྤེལ་ལག་རྩལ་གསོ་སྦྱོང་བྱེད་པའི་བར་དང་། གྲངས་འཛིན་ཅན་གྱི་ཁུངས་འདེད་མ་ལག་འཛུགས་རྒྱུར་གཞོཌ་འདེགས་བྱེད་པ་དང་ཁུ་ལུའི་ཟུར་སྣོན་རིན་ཐང་མཐོ་རུ་གཏོང་བ་ནས་འབྲེལ་ཟམ་བཙུགས་ཏེ་ལྗོངས་ཕྱིའི་རྩེར་སོན་ཁྲོམ་ར་དང་སྦྲེལ་མཐུད་བྱེད་པ་དང་ཧབ་ཚོང་ལམ་སྲོལ་འཐུས་སྒོ་ཚང་དུ་གཏོང་བ་སོགས་བར་རུ་ཐོག་གི་ཁུལ་དཀར་རའི་ཐོན་ལས་ལ་གསོན་ཤུགས་རིམ་གྱིས་བསྣན་ཡོད། ད་ཆ་ས་གནས་དེ་གར་ལག་ཡོད་ཁུལ་དཀར་ར་མགོ་གྲངས་ཁྲི་16ཡན་ཡོད་པ་དང་། སྐབས་ལྔ་བསྟུད་མར་ཁུ་ལུ་མྱོང་དཔྱད་དང་ཐོན་རྫས་ཧབ་ཚོང་བྱེད་སྒོར་ཁྱོན་ཁུ་ལུ་ཏུན་227.87ཕྱིར་ཚོང་བྱས་པ་དང་ཕྱིར་ཚོང་བྱེད་ཚད་སྒོར་ཁྲི་6788.76ཟིན་ཡོད།

མངའ་རིས་དང་བོད་དབུས་ཀྱི་གློག་དྲ་དྲ་སྦྲེལ་ལས་གྲྭ་དངོས་སུ་ལས་མཇུག་འགྲིལ་ནས་འཁོར་སྐྱོད་བྱེད་འགོ་ཚུགས་པ་ལས་མངའ་རིས་ས་ཁུལ་གྱི་ཡུན་རིང་ཁེར་རྐྱང་དྲ་རྒྱ་འཁོར་སྐྱོད་བྱེད་པའི་ལོ་རྒྱུས་མཇུག་འགྲིལ་བ་རེད། མངའ་རིས་བར་སྣུར་སྲིང་བྱས་པའི“མཁའ་ལམ”འདིས་བརྟན་པོ་དང་བློས་འགེལ་ཆོག་པའི་གློག་ཤུགས་ཁྱིམ་ཚང་ཁྲི་སྟོང་མང་པོར་རྒྱུན་ཆད་མེད་པར་བཏང་ནས་མངའ་རིས་མི་དམངས་ཀྱི་བདེ་སྐྱིད་ལྡན་པའི་འཚོ་བར་འོད་སྣང་སྦྱིན་ཡོད། 2024ལོར་མངའ་རིས་སྤུ་ཧྲེང་གནམ་ཐང་བདེ་བླག་ངང་ཤར་གཏོང་ཐུབ་ནས་མངའ་རིས་དང་ཕྱི་རོལ་དབར་འབྲེལ་གཏུག་བྱེད་པའི་འབྲེལ་ཟམ་གསར་པ་ཞིག་བསྐྲུན་ཡོད། ཤིན་བོད་ལྕགས་ལམ་གྱི་དུས་གོང་ལས་དོན་ལ་སྐུལ་འདེད་བརྟན་པོ་བཏང་བས་ས་ཆ་དེར་འཕེལ་རྒྱས་ཀྱི་གོ་སྐབས་དེ་བས་མང་བ་བསྐྲུན་རྒྱུ་རེད།

སྐྱེ་ཁམས་བཅོས་སྐྱོང་རྣམ་པ་གསར་པར་གྱུར། ལྗང་མདོག་འཕེལ་རྒྱས་ལེའུ་གསར་མཉམ་དུ་བརྩམས།

མངའ་རིས་ས་ཁུལ་གྱི་སེང་གེ་ཁ་འབབ་གཙང་པོའི་བྱང་རིའི་སྔོ་འགྱུར་ལས་གྲྭ་ནི་སྐྱེ་ཁམས་ལེགས་སུ་གཏོང་བ་དང་དམངས་འཚོར་ཕན་འདོགས་པའི་ལས་གྲྭ་གཙོ་བོ་ཞིག་ཡིན་ཞིང་། ལོ་ལྔའི་ནང་སྐྱེ་ཁམས་མུའུ་ཁྲི་4.1ཉམས་གསོ་ཐུབ་རྒྱུའི་འཆར་གཞི་ཡོད་པ་རེད། ད་ཆ་ལས་གྲྭ་དེ་མིག་གིས་མཐོང་ཐུབ་པའི་མྱུར་ཚད་ཐོག་ནས“རི་སྔོ་ཆུ་དྭངས”ཀྱི་འདུན་པ་མངའ་རིས་སུ་རྩ་བ་ཚུགས་བཞིན་ཡོད།

སྔོ་ལྗང་རྩི་ཤིང་དེ་དག་ས་མཐོར་རྩ་བ་ཚུགས་ཐུབ་པ་ནི“སྡོང་པོ་འཚམ་སར་སྡོང་པོ་འཛུགས་པའི”ཚན་རིག་གི་གདམ་ཀ་དང་ཁ་འབྲལ་ཐབས་མེད།

2022ལོ་ནས་བཟུང་། རུ་ཐོག་ར་ཅོ་གྲོང་ཚོས་མཚོ་མོ་ངང་ལྷའི་རྒྱ་ལྕང་གི་སྡོང་ཕྲུག་ར་བའི་ཐོན་ལས་འཕེལ་རྒྱས་ཤུགས་ཆེན་བཏང་བ་དང་གྲོང་རྡལ་ཡོངས་ཀྱི་ལས་བྱེད་པ་དང་མང་ཚོགས་ཀྱིས་མཉམ་དུ་འདེབས་འཛུགས་བྱེད་རྒྱ་ཆེ་རུ་བཏང་བས། ད་ཆ་གྲོང་རྡལ་གྱི་མཉམ་སྡེབ་དང་མི་སྒེར་གྱི་སྡོང་ཕྲུག་ར་བའི་སྤྱིའི་རྒྱ་ཁྱོན་མུའུ་2600ལྷག་ཙམ་ཟིན་པ་དང་། ལག་ཡོད་སྡོང་རྐང་ཁྲི་600ཡན་ཟིན་པ། ལོ་ལྟར་སྡོང་རྐང་ཁྲི་50ཕྱི་ལ་སྤོ་འཛུགས་དང་འདེབས་འཛུཌ་བྱེད་པ། སྡོང་ཕྲུག་ར་བའི་ཡོང་འབབ་སྒོར་ཁྲི་1200ལས་བརྒལ་བས། མཚོ་མོ་ངང་ལྷའི་རྒྱ་ལྕང་གིས་མང་ཚོགས་ལ་བདེ་སྐྱིད་ཀྱི་འཚོ་བ་གསར་པ་དངོས་སུ་བཏོད་ཡོད།

ད་ལྟ་མངའ་རིས་ས་ཁུལ་གྱི་གང་སར་སྔོ་ལྗང་གིས་བརྒྱན་ཅིང་། དེ་ཡང་མངའ་རིས་ས་ཁུལ་གྱིས་ལོ་མང་རིང“རི་གཉིས”ཀྱི་འདུ་ཤེས་བརྟན་པོར་བཙུགས་པ་དང་ལག་ལེན་བསྟར་བའི་གྲུབ་འབྲས་ཤིག་རེད།

དམངས་འཚོའི་བདེ་སྐྱིད་ལེའུ་གསར་ཧུར་ཐག་བརྩམས། མངའ་རིས་ས་གཞིར་སྐྱིད་པའི་ཉི་མ་ཤར།

སྨན་བཅོས་ཀྱི་ཆུ་ཚད་མཐོ་རུ་ཕྱིན་པ་དེ་ནི་མངའ་རིས་ས་ཁུལ་གྱི་དམངས་འཚོ་ལེགས་སུ་འགྲོ་བའི་བདེན་དཔང་ཡག་ཤོས་ཤིག་རེད། མངའ་རིས་ས་ཁུལ་མི་དམངས་སྨན་ཁང་ནི་1955ལོའི་ཟླ་ལྔ་པར་བཙུགས་པའི་ཀྲུང་གུང་མངའ་རིས་ཡན་ལག་ལས་དོན་ཨུ་ལྷན་གྱི་འཕྲོད་བསྟེན་ཁང་ཡིན་པ་དང་། 2018ལོར་སྨན་བཅོས་དང་། སློབ་སྤྱོད། ཞིབ་འཇུག སྔོན་འགོག བདེ་སྲུང་། དྲག་སྐྱེད་བཅས་གཞི་གཅིག་ཏུ་འདུས་པའི“ཁ་པ་རིམ་པ་གསུམ་པའི”ཕྱོགས་བསྡུས་སྨན་ཁང་དུ་གྱུར་པ་དང་ད་ཆ“ཀ་པ་རིམ་པ་གསུམ་པའི”དམིགས་ཚད་ཀྱི་ཕྱོགས་སུ་ནུས་ཤུགས་ཡོད་རྒུས་འབད་བརྩོན་བྱེད་བཞིན་ཡོད།

“2025ལོའི་ཟླ་བཞི་པའི་བར། སྨན་ཁང་དུ་ཉལ་ཁྲི་230དང་ཆེད་ལས་ལག་རྩལ་མི་སྣ་374ཡོད་པ་དང་། མྱུར་སྐྱོབ་ཚན་ཁག་དང་། ནད་ལྕི་གསོ་རིག་ཚན་ཁག ཁོག་ནད་ཚན་ཁག ཕྱི་ནད་ཚན་ཁག གཤགས་བཅོས་དང་སྦྲིད་སྨན་ཚན་ཁག་སོགས་ནད་ཐོག་དང་། གསོ་རིག་ལག་རྩལ། འགན་ནུས་ཚན་ཁག་54བཙུགས་པ། ལག་རྩལ་གསར་པ་ཁག་207གྲུབ་འབྲས་ཐོབ་པའི་ངང་སྤེལ་བ། སྟོང་ཆ་408གསབ་པ་སོགས། ཚད་བརྒལ་དེ་དག་ལས་མང་ཚོགས་ཀྱིས་ཁྱིམ་གྱི་སྒོ་རྩར་སྨན་བཅོས་ཞབས་ཞུ་སྤུས་ལེགས་ལོངས་སུ་སྤྱོད་ཐུབ་པ་མཚོན་ཡོད”ཅེས་མངའ་རིས་ས་ཁུལ་མི་དམངས་སྨན་ཁང་ཏང་ཨུད་ཀྱི་ཧྲུའུ་ཅི་གཞོན་པ་དང་ཡོན་ཀྲང་ཀྲང་ཞའོ་ཀང་གིས་བཤད།

ཡངས་ཤིང་རྒྱ་ཆེ་བའི་གྲོང་གསེབ་དང་འབྲོག་ཁུལ་གྱི་སྨན་བཅོས་ཆ་རྐྱེན་ཡང་དེ་དང་འདྲ་བར་མངོན་གསལ་དོད་པོས་ལེགས་སུ་ཕྱིན་ཡོད། ད་ལོ་ལོ་67ལ་སླེབས་པའི་སྒར་རྫོང་བཀྲ་ཤིས་སྒང་ཤང་གླང་དམར་གྲོང་ཚོའི་སྨན་པ་དང་རྒྱལ་ཡོངས་ཀྱི་ངལ་རྩོལ་དཔེ་བཟང་ངག་སྒྲོན་གྱིས་དེ་དག་བདེན་དཔང་བྱེད་ཐུབ། “འགྱུར་ལྡོག་ཧ་ཅང་ཆེན་པོ་བྱུང་ཡོད། སྔོན་ཆད་གྲོང་ཚོར་འཕྲོད་བསྟེན་ཁང་མེད་པས་ནད་པར་ལྟ་སྐབས་རང་ཁྱིམ་གྱི་སྒོ་རྩར་སྒྲོག་ཙེ་ཞིག་བཞག་ནས་ལྟ་དགོས། སྒྲིག་ཆས་དང་སྨན་ཡང་ཆ་ཚང་པོ་མེད། ད་ཆ་གཙང་ཞིང་ཚད་ལྡན་གྱི་འཕྲོད་བསྟེན་ཁང་ཡོད་པ་མ་ཟད་ད་དུང་སྨན་རྫས་དང་ཁྲག་ཤེད་འཇལ་ཆས་སོགས་ཀྱང་གང་དགོས་ཅི་དགོས་ཡོད། གྲོང་མི་ཚོ་གྲོང་ཚོ་ནས་སྨན་བཅོས་ཞབས་ཞུ་ལོངས་སུ་སྤྱོད་ཐུབ”

ལོ་ངོ་60ཡི་འཕོ་འགྱུར་ཁྲོད། མངའ་རིས་ས་ཁུལ་གྱི་རིམ་ཁག་ཏང་ཨུད་དང་སྲིད་གཞུང་གིས“མི་དམངས་གོང་དུ་བཀུར་བའི”འདུ་ཤེས་དེ་མང་ཚོགས་དཀྱུས་མ་ཚང་མའི་འཚོ་བའི་ནང་ཁྱབ་པར་བྱས་ཡོད།