ཤིན་ཧྭ་གསར་འགྱུར་ཁང་པེ་ཅིང་ནས་ཟླ་8ཚེས་24ཉིན་གློག་འཕྲིན་འབྱོར་གསལ། གསར་འགོད་པར་འབྲེལ་ཡོད་ཕྱོགས་ནས་ཤེས་རྟོགས་བྱུང་བར། ཀྲུང་གོ་མི་དམངས་ཀྱི་རི་འགོག་དམག་འཁྲུག་དང་འཛམ་གླིང་གི་ཧྥ་ཤི་སིར་ངོ་རྒོལ་བྱེད་པའི་དམག་འཁྲུག་ལ་རྒྱལ་ཁ་ཐོབ་ནས་ལོ་ངོ་80འཁོར་བར་དྲན་གསོ་ཞུ་བའི་བྱེད་སྒོའི་གསར་འགྱུར་ལྟེ་གནས་ཀྱིས་ཟླ་8ཚེས་27ཉིན་ནས་བཟུང་ཕྱི་ཕྱོགས་ལ་སྣེ་ལེན་དང་ཞབས་འདེགས་ཞུ་རྒྱུ་ཡིན་ཞིང་། གསར་འགྱུར་ལྟེ་གནས་དེ་པེ་ཅིང་མེ་ཏི་ཡ་ལྟེ་བའི་གསོལ་མགྲོན་ཁང་དུ་བཙུགས་པ་དང་། དྲན་གསོའི་བྱེད་སྒོར་བཅར་འདྲི་བྱེད་པར་ཡོང་མཁན་ཀྲུང་གོ་དང་ཕྱི་རྒྱལ་གྱི་གསར་འགོད་པར་སེམས་རྩ་འཁོལ་པོས་བཅར་འདྲིའི་ལག་ཁྱེར་གཉེར་བ་དང་། དྲན་གསོའི་བྱེད་སྒོའི་འབྲེལ་ཡོད་བཅར་འདྲིར་ཞུགས་རྒྱུ་བཀོད་སྒྲིག་བྱེད་པ། བརྒྱུད་གཏོང་འཕྲིན་གཏོང་བྱ་ཐབས་དང་། དཔྱད་གཞིའི་ཡིག་རིགས་ཞབས་ཞུ། འབྲེལ་ཡོད་གསར་འགྱུར་བཅར་འདྲིའི་ཐད་ཀྱི་བློ་འདྲི་མཁོ་འདོན་བཅས་བྱེད་རྒྱུ་རེད།

གསར་འགྱུར་ལྟེ་གནས་ཀྱི་རྒྱལ་ནང་གསར་འགོད་པ་སྣེ་ལེན་ཁྲུའི་འབྲེལ་གཏུག་ཁ་པར(བརྙན་སྐྱེལ)ནི། 01068510125དང་། ཀང་ཨའོ་ཐའེ་ས་ཁུལ་གྱི་གསར་འགོད་པ་སྣེ་ལེན་ཁྲུའི་འབྲེལ་གཏུག་ཁ་པར(བརྙན་སྐྱེལ)ནི། 01068510109 ཕྱི་རྒྱལ་གྱི་གསར་འགོད་པ་སྣེ་ལེན་ཁྲུའི་འབྲེལ་གཏུག་ཁ་པར(བརྙན་སྐྱེལ)ནི། 01068510108བཅས་རེད།

གསར་འགྱུར་ལྟེ་གནས་ཀྱི་དྲ་ཚུགས (https://www.kzjn80.cn)དང་འབྲེལ་ཡོད་ལས་སྟེགས་ཀྱི་ཨང་རྟགས(སྐད་འཕྲིན་སྤྱི་རྟགས། kzjn80 ཤིན་ལང་དཔོད་ཕྲན་ཨང་རྟགས། རི་འགོག་དམག་འཁྲུག་ལ་རྒྱལ་ཁ་ཐོབ་ནས་ལོ་ངོ་80འཁོར་བར་དྲན་གསོ་ཞུ་བའི་བྱེད་སྒོའི་གསར་འགྱུར་ལྟེ་གནས། དེ་རིང་གི་དབུ་རྩོམ་ཨང་རྟགས། རི་འགོག་དམག་འཁྲུག་ལ་རྒྱལ་ཁ་ཐོབ་ནས་ལོ་ངོ་80འཁོར་བར་དྲན་གསོ་ཞུ་བའི་བྱེད་སྒོའི་གསར་འགྱུར་ལྟེ་གནས)ཟླ་8ཚེས་25ཉིན་ཤར་གཏོང་ཐུབ་པ་རེད།

གསར་འགྱུར་ལྟེ་གནས་ཀྱི་དྲ་ཚུགས་ནི་ཤིན་ཧྭ་དྲ་བས་སྐྲུན་འགན་ཁུར་བ་དང་། དྲ་ཚུགས་ཐོག་དྲན་གསོའི་བྱེད་སྒོའི་གནས་ཚུལ་དང་། སྤྱི་བསྒྲགས། བརྡ་ཐོ་སོགས་དུས་ཐོག་ཏུ་ཡོངས་བསྒྲགས་དང་། གསར་འགྱུར་ལྟེ་གནས་ཀྱིས་གཉེར་བའི་གསར་འགོད་པའི་སྣེ་ལེན་ཚོགས་འདུ་དང་། གསར་འགོད་པའི་ངོ་འཕྲད་ཚོགས་འདུ། ལྟ་སྐོར་བཅར་འདྲིའི་བྱེད་སྒོ་སོགས་གཏོང་སྤེལ། འབྲེལ་ཡོད་ཤེས་བྱ་དང་རྒྱབ་ལྗོངས་དཔྱད་ཡིག་མཁོ་འདོན་བཅས་བྱས་ཏེ། ཀྲུང་གོ་དང་ཕྱི་རྒྱལ་གྱི་གསར་འགོད་པར་བཅར་འདྲིའི་ཞབས་འདེགས་ཡག་པོ་ཞུ་རྒྱུ་རེད།