ཉེ་ཆར།　མངའ་རིས་ས་ཁུལ་གྱིས“ལས་གནས་ཀྱིས་འབྱུང་འགྱུར་ལམ་བུ་སྟོན།　ཕུགས་བསམ་གྱིས་ལང་ཚོར་འོད་མདངས་བསྣན”ཞེས་པའི་2025ལོའི་ཉིན་བརྒྱའི་ཁྲི་སྟོང་ལས་བསྡུའི་འདུ་ཚོགས་ས་ཁུལ་མི་ཤུགས་ཐོན་ཁུངས་ཁྲོམ་རར་གཉེར་བ་རེད།　ད་ཐེངས་ཀྱི་བྱེད་སྒོར་དྲ་ཐོག་དང་དྲ་ཕྱི་ཟུང་འབྲེལ་གྱི་བྱ་ཐབས་བརྒྱུད།　ལས་ཀ་འཚོལ་མཁན་དང་མི་སྤྱོད་ཚན་པར་ཕན་འབྲས་ཆེ་བའི་སྦྲེལ་མཐུད་ལས་སྟེགས་ཤིག་བསྐྲུན་ཡོད།

ཤེས་རྟོགས་བྱུང་བར་གཞིགས་ན།　ད་ཐེངས་ཀྱི་ལས་བསྡུའི་འདུ་ཚོགས་ཀྱིས་སྣ་མང་ལས་ཞུགས་ཀྱི་དགོས་མཁོར་དམིགས་པ་དང་ཞབས་འདེགས་ཞུ་ཡུལ་རྒྱ་ཆེན་པོ་ཡོད་དེ།　མཐོ་སློབ་སློབ་ཐོན་སློབ་མ་དང་།　འབྲིང་རིམ་ལས་རིགས་ལག་རྩལ་སློབ་གྲྭའི་སློབ་མ།　དམག་ཞབས་ཐིམ་པའི་དམག་མི།　ཞིང་འབྲོག་པ།　དེ་བཞིན་དུག་གཅོད་ཐུབ་པའི་མི་སྣ།　ཁྲིམས་ཆད་འཁུར་ཡུན་ལོངས་པའི་མི་སྣ་སོགས་ཀྱི་ཚོགས་སྤྱི་འདུས་ཡོད།

བསྡོམས་རྩིས་བརྒྱབ་པ་ལྟར་ན།　ད་ཐེངས་ཀྱི་ལས་བསྡུའི་འདུ་ཚོགས་སྤེལ་ཡུལ་དུ་ཁྱོན་ལས་འཚོལ་རེ་ཞུའི་རེའུ་མིག་309འབྱོར་བ་དང་མི་114ཡིས་ལས་ཞུགས་འདོད་མཐུན་གྲོས་ཡིག་ལ་མིང་རྟགས་བཀོད་ཡོད།