རང་རྒྱལ་གྱིས་ཞིབ་བཟོ་བྱས་པའི་འབྲི་གཡག་གི་འགོ་ནད་ཚབས་ཆེན་རིག་ནུས་བརྟག་དཔྱད་ཚད་ལེན་སྒྲིག་ཆས་ལྷ་སར་སྤྱོད་འགོ་ཚུཌ་པ།
གསར་འགོད་པར་བོད་ལྗོངས་འབྲོག་ལས་དང་ཕྱུགས་རིགས་གསོ་རིག་སློབ་ཚོགས་ཀྱི་2025ལོའི་རིག་གཞུང་སྤེལ་རེས་ཚོགས་འདུ་ནས་ཤེས་རྟོགས་བྱུང་བར་གཞིགས་ན། རྒྱལ་ཁབ་ཀྱི་བཤས་ཕྱུགས་འབྲི་གཡག་ཐོན་ལས་མ་ལག་གི་རིགས་གཅིག་མཁས་ཅན་དང་ཧྭ་ཀྲུང་ཞིང་ལས་སློབ་ཆེན་གྱི་དགེ་རྒན་ཆེ་མོ་བ་ལི་ཅ་ཁུའེ་ཡི་ཚོགས་པས་རང་རྟེན་ཞིབ་བཟོ་བྱས་པའི“འབྲི་གཡག་གི་འགོ་ནད་ཚབས་ཆེན་རིག་ནུས་ཀྱིས་འཕྲལ་མར་ཚད་ངེས་ཀྱི་PCRབརྟག་དཔྱད་ཚད་ལེན་སྒྲིག་ཆས”ལྷ་སར་དངོས་སུ་སྤྱོད་འགོ་ཚུགས་པ་རེད།
ངོ་སྤྲོད་བྱས་པར་གཞིགས་ན། སྒྲིག་ཆས་དེས་འབྲི་གཡག་གི་རིམས་ནད་ལ་སྲོལ་རྒྱུན་གྱི་ཚོད་ལྟ་ཁང་དུ་ཞིབ་དཔྱད་ཚད་ལེན་བྱེད་པ་ནས་ས་མཐོའི་ས་ཡུལ་དངོས་ལ་འཕྲལ་དུ་བརྟག་དཔྱད་བྱེད་པའི་ཕྱོགས་སུ་མཆོང་སྐྱོད་ལྟ་བུའི་ཚད་བརྒལ་བྱུང་བ་དེས་རང་རྒྱལ་གྱི་མཐོ་གྲང་འབྲོག་ཁུལ་གྱི་སྲོག་ཆགས་ཀྱི་རིམས་ནད་ཚབས་ཆེན་སྔོན་འགོག་དང་ཚོད་འཛིན་བྱེད་པའི་ཁྱབ་ཁོངས“རིག་ནུས་ཅན་དང་། གནད་འཁེལ་ཅན། ས་ཡུལ་དངོས་ལ་བྱེད་པ”བཅས་ཀྱི་དུས་མཚམས་གསར་པར་སླེབས་པ་མཚོན་ཡོད།
དགེ་རྒན་ཆེ་མོ་བ་ལི་ཅ་ཁུའེ་ཡིས་གྲུབ་འབྲས་འགྲེམས་སྟོན་ཚོགས་འདུར་རྒྱལ་ཁབ་ཀྱི་བཤས་ཕྱུགས་འབྲི་གཡག་ཐོན་ལས་མ་ལག་གི་ཚན་ཞིབ་གྲུབ་འབྲས་གལ་ཆེན་ཞིག་ཡིན་པའི་སྒྲིག་ཆས་དེ་རང་རྒྱལ་གྱི་སྲོག་ཆགས་ཀྱི་རིམས་ནད་སྔོན་འགོག་དང་ཚོད་འཛིན་མ་ལག་སྔར་བས་འཐུས་སྒོ་ཚང་དུ་བཏང་སྟེ་རྒྱལ་ཁབ་ཀྱི་ཕྱུགས་རིགས་ཐོན་ཁུངས་བདེ་འཇགས་སྲུང་སྐྱོང་དང་ས་མཐོའི་སྐྱེ་ཁམས་དང་འབྲོག་ལས་དཔལ་འབྱོར་མཐུན་སྦྱོར་འཕེལ་རྒྱས་ལ་འགན་ལེན་བྱེད་རྒྱུར་སྟོབས་ཤུགས་ལེགས་སྐྱེས་སུ་འབུལ་རྒྱུ་རེད་ཅེས་བཤད།
འབྲེལ་ཡོད་གསར་འགྱུར།