བདེ་འཇགས་ཐོན་སྐྱེད་ནི་མི་དམངས་ཀྱི་བདེ་རྩ་དང་འབྲེལ་བ་ཡོད་ལ། དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་སྤྱི་ཡོངས་དང་ཡང་འབྲེལ་བ་ཡོད། བོད་ཀྱིས་ཐོག་མཐའ་བར་གསུམ་དུ་བདེ་འཇགས་ཐོན་སྐྱེད་ལས་དོན་ལ་ཚད་མཐོའི་མཐོང་ཆེན་དང་། བདེ་འཇགས་ཐོན་སྐྱེད་ཀྱི་སྒྲིག་སྲོལ་དང་ལམ་སྲོལ་འཐུས་སྒོ་ཚང་དུ་རྒྱུན་ཆད་མེད་པར་གཏོང་བ། དུས་དང་རྣམ་པ་ཀུན་ཏུ“བདེ་འཇགས”དམ་འཛིན་དང“འགན་འཁྲིའི་དྲ་བ”དམ་དུ་གཏོང་བ། བདེ་འཇགས་ཀྱི་འགན་འཁྲི་དང་གཙོ་གནད་ལས་དོན་དོན་འཁྱོལ་ལ་ནུས་ཤུགས་ཡོད་རྒུས་སྐུལ་འདེད་གཏོང་བ། བདེ་འཇགས་ཀྱི་འདུ་ཤེས་མི་སེམས་སུ་འཇགས་པར་བྱས་ཏེ། བོད་ཀྱི་བདེ་འཇགས་ཐོན་སྐྱེད་དུས་བབ་བརྟན་ཐོག་ཡར་འཕེལ་ཡོང་བར་སྐུལ་འདེད་བཏང་ཡོད།

ཐོན་སྐྱེད་གཉེར་སྐྱོང་ཚན་པའི་བདེ་འཇགས་ཐོན་སྐྱེད་ཀྱི་བྱེད་པོའི་འགན་འཁྲི་དོན་འཁྱོལ་ལ་སྔར་བས་ཤུགས་སྣོན་རྒྱག་པ་དང་བདེ་འཇགས་ཐོན་སྐྱེད་ཀྱི་ཁྲིམས་སྒྱུར་སྤུས་ཚད་དང་ཆུ་ཚད་མཐོ་རུ་གཏོང་ཆེད། ད་ལོའི་ཟླ་6པར་ཆབ་མདོ་གྲོང་ཁྱེར་གྱི་འཕྲལ་སྡོམ་ཁོངས་གཏོགས་ཀྱིས་སྤྱི་ཚོགས་ལ་2025ལོའི་ལོ་འཁོར་གྱི་བདེ་འཇགས་ཐོན་སྐྱེད་ལ་ཁྲིམས་སྒྱུར་གནད་སྨིན་བྱས་པའི་དཔེ་མཚོན་གྱོད་དཔེ་ཁྱབ་བསྒྲགས་བྱས་པ་རེད། ད་ཐེངས་བདེ་འཇགས་ཐོན་སྐྱེད་ལ་ཁྲིམས་སྒྱུར་གནད་སྨིན་བྱས་པའི་དཔེ་མཚོན་གྱོད་དཔེ་ཁྱབ་བསྒྲགས་བྱས་པས། དཔེ་མཚོན་གྱོད་དཔེར་བརྟེན་ནས་ཉེན་བརྡ་གཏོང་བའི་སློབ་གསོའི་ནུས་པ་ཐོན་པ་མ་ཟད། ཐོན་སྐྱེད་གཉེར་སྐྱོང་ཚན་པས་བདེ་འཇགས་ཐོན་སྐྱེད་ཀྱི་བྱེད་པོའི་འགན་འཁྲི་དོན་འཁྱོལ་བྱ་རྒྱུར་སྐུལ་མའང་ཐེབས་ཤིང་། བདེ་འཇགས་ཐོན་སྐྱེད་ཀྱི་འདུ་ཤེས་ཟབ་ཏུ་ཕྱིན་ནས“གཅིག་ལ་ཞིབ་བཤེར་དང་། ཁག་གཅིག་གི་གཉའ་གཅོག་པ། ཡུག་གཅིག་ལ་སློབ་གསོ་ཐེབས་པ”བཅས་ཀྱི་དམིགས་ཚད་མངོན་འགྱུར་བྱུང་ཡོད།

དེ་དག་ནི་བོད་ཀྱིས་བདེ་འཇགས་ཐོན་སྐྱེད་ཁྲིམས་སྒྱུར་ཞིབ་བཤེར་གྱི་ཕན་འབྲས་དངོས་ཆེ་རུ་བཏང་བའི་མཚོན་ཚུལ་ཞིབ་ཕྲ་ཡིན་ཞིང་། 2025ལོའི་ལོ་སྟོད་དུ་བོད་ཀྱིས་བདེ་འཇགས་ཐོན་སྐྱེད་ཁྲིམས་སྒྱུར་ནན་དུ་བཏང་ནས་སྲིད་འཛིན་ཆད་གཅོད་ཐེངས་905ལག་བསྟར་བྱས་པ་མ་ཟད། “ཁོངས་མི་གཉིས”ཀྱི་ནུས་པ་བཏོན་ནས་ཁེ་ལས་87ལ་མངོན་མེད་རྐྱེན་ངན་གྲལ་བཤེར་གྱི་ལས་དོན་སྤེལ་རྒྱུར་མཛུབ་ཁྲིད་དང་རོགས་སྐྱོར་བྱས་པ་རེད། དེ་དང་ཆབས་ཅིག་ལས་འཛོལ་ཚབས་ཆེན་གྱི་མངོན་མེད་རྐྱེན་ངན་ཐག་གཅོད་བྱེད་པའི་ཚད་གཞི་དྲིལ་བསྒྲགས་ལག་བསྟར་དང་ཁྲིམས་སྒྱུར་གྱི་གོ་རིམ་ཚད་ལྡན་དུ་གཏོང་བ་སོགས་ལ་དམིགས་ཏེ་གཞི་རིམ་གྱི་ཁྲིམས་སྒྱུར་པར་གསོ་སྦྱོང་ཐེངས་59བྱས་ནས་མི་ཁྲི་1.46ལྷག་ཙམ་ལ་ཁྱབ་ཡོད།

གཞན་ཡང་། བོད་ཀྱིས་བདེ་འཇགས་ཨུ་ལྷན་གཞུང་དོན་ཁང་གི་དོན་གྲོས་མཐུན་སྦྱོར་སྒྲིག་གཞིའི་འགན་འཁྲི་གང་ལེགས་སྤྱད་དེ《བོད་རང་སྐྱོང་ལྗོངས་ཀྱི་བདེ་འཇགས་ཐོན་སྐྱེད་རྩ་བཅོས་འགག་སྒྲོལ་གྱི་ལོ་གསུམ་བྱ་སྤྱོད་ཀྱི་2025ལོའི་ལས་ཀའི་རྩ་གནད》བཟོས་ནས་བཀྲམ་སྟེ་ལོ་འཁོར་གྱི་ལས་འགན་རྣམ་གྲངས་ཆེ་བ་28དང་ཆུང་བ་78བཏོན་པ་མ་ཟད། སྐོང་འདྲི་བརྡ་ཁྱབ་དང་། དཔེ་མཚོན་དཔྱད་བསྡུར། རྒྱུན་ལྡན་བཀོད་གཏོང་སོགས་ཀྱི་བྱ་ཐབས་སྤྱད་དེ། ལས་འགན་ཁག་དོན་འཁྱོལ་བྱ་རྒྱུར་སྐུལ་འདེད་བཏང་ཡོད།

གློག་སྒུལ་རྐང་འཁོར་གྱི་མེ་ཟོན་བདེ་འཇགས་དོ་དམ་ལ་སྔར་བས་ཤུགས་སྣོན་རྒྱག་པ་དང་འཁོར་འབྲེལ་ཧྲིལ་པོའི་གློག་སྒུལ་རྐང་འཁོར་གྱི་བདེ་འཇགས་ཀྱི་མངོན་མེད་རྐྱེན་ངན་བཅོས་སྐྱོང་བྱེད་པའི་བྱ་སྤྱོད་སྤེལ་རྒྱུར་མུ་མཐུད་སྐུལ་འདེད་གཏོང་ཆེད། ཉེ་ཆར། ལྷ་ས་གྲོང་ཁྱེར་མེ་ཟོན་རོགས་སྐྱོབ་རུ་ཁག་དང་རིམ་ཁག་སྒྲོག་འགྲེལ་ཚོགས་པའི་ཡན་ལག་རུ་ཁག་གིས་ཁོངས་གཏོགས་ཁུལ་གྱི་ཐོག་བརྩེགས་ཅན་གྱི་སྡོད་ཁང་དང་། གྲོང་མིའི་ཁུལ་ཆུང་། རང་སྐྲུན་ཁང་པ། ཁྲོམ་གཞུང་རྒྱུད་ཀྱི་ཚོང་ཁང་སོགས་སུ་བསྐྱོད་དེ་གློག་སྒུལ་རྐང་འཁོར་སྒྲིག་འགལ་ངང་འཇོག་པ་དང་གློག་གསོག་པ་སོགས་ཀྱི་ཁྲིམས་འགལ་སྒྲིག་འགལ་བྱེད་སྤྱོད་ལ་དམིགས་ནས་ཉེན་བརྡ་གཏོང་བའི་སློབ་གསོ་དང་དྲིལ་བསྒྲགས་གསོ་སྦྱོང་གི་བྱེད་སྒོ་སྤེལ་བ་རེད།

གློག་སྒུལ་རྐང་འཁོར་གྱི་འཁོར་འབྲེལ་ཧྲིལ་པོའི་བདེ་འཇགས་ཀྱི་མངོན་མེད་རྐྱེན་ངན་བཅོས་སྒྲིག་བྱེད་པའི་ལས་དོན་ཁྲོད། བོད་ཀྱིས་ཚད་གཞི་སྔོན་འཇོག་མཐའ་འཁྱོངས་བྱས་ཏེ་ད་ལོའི་ལོ་སྟོད་དུ་ཆེད་དོན་ཚོགས་འདུ་ཐེངས་4འཚོགས་ནས་ལས་རིགས་སྡེ་ཚན་དང་འབྲེལ་ཡོད་ཁེ་ལས་ཀྱི་འགན་འཁུར་བ་1000ལྷག་ཙམ་ལ་གློག་སྒུལ་རྐང་འཁོར་དང་གློག་རྫས་ཀྱི་རྒྱལ་ཁབ་ཀྱི་ཚད་གཞི་གསར་པའི་སྲིད་ཇུས་དྲིལ་བསྒྲགས་དང་ལག་བསྟར་གཏིང་ཟབ་བྱས་ཡོད། དེ་དང་ཆབས་ཅིག་གསེད་བཀྲོལ་དང་དམ་བསྒྲགས་ཟུང་འབྲེལ་བྱ་རྒྱུ་མཐའ་འཁྱོངས་བྱས་ཏེ་ཐོག་བརྩེགས་ཁང་པ་ནས་གློག་སྐུད་ཁྲིད་དེ་གློག་སྒུལ་རྐང་འཁོར་ལ་གློག་གསོག་པའམ་ཡང་ན་གང་བྱུང་དུ་འཇོག་པའི་གནད་དོན་ཁྲི་1.6ལ་བཅོས་སྒྲིག་དང་། ཁྲིམས་འགལ་ངང་ཕྱིར་ཚོང་དང་ཁྲིམས་འགལ་ངང་བཟོ་བཅོས་བརྒྱབ་པའི་བྱེད་སྤྱོད་ཁག་27147ལ་ཞིབ་བཤེར་ཐག་གཅོད། ཚད་གཞི་དང་མི་མཐུན་པའི་གློག་སྒུལ་རྐང་འཁོར་108གཅིག་སྡུད་ཐོག་མེད་པར་བཟོས་པ། ཚད་མི་ལོན་པའི་གློག་སྒུལ་རྐང་འཁོར་དང་གློག་རྫས་ཚོང་རྟགས་ཀྱི“མིང་གཞུང་ནག་པོ”20དམར་འདོན་བྱས་ཡོད།

ཉེན་ཁའི་རྫས་འགྱུར་དངོས་རྫས་སྐྱེལ་འདྲེན་གྱི་འགྲིམ་འགྲུལ་བདེ་འཇཌ་དོ་དམ་ལ་སྔར་བས་ཤུགས་སྣོན་རྒྱག་ཆེད། ཉེ་ཆར། ལྷ་ས་གྲོང་ཁྱེར་སྤྱི་བདེ་ཅུས་འགྲིམ་འགྲུལ་ཉེན་རྟོག་ཉིང་ལག་རུ་ཁག་གིས་ཉེན་ཁ་ཆེ་བའི་རླངས་འཁོར་ལ་ཆེད་དོན་བཅོས་སྒྲིག་བྱ་རྒྱུའི་བྱ་སྤྱོད་དང་ཟུང་འབྲེལ་བྱས་ཏེ་ཁོངས་གཏོགས་ཁུལ་གྱི་ཉེན་ཁའི་རྫས་འགྱུར་དངོས་རྫས་སྐྱེལ་འདྲེན་ཁེ་ལས་སུ་བསྐྱོད་དེ་ཆེད་དོན་ཞིབ་བཤེར་ལས་དོན་སྤེལ་བ་མ་ཟད། ཉེན་ཁའི་རྫས་འགྱུར་དངོས་རྫས་སྐྱེལ་འདྲེན་རླངས་འཁོར་གྱི་འགྲིམ་འགྲུལ་བདེ་འཇགས་ལ་དམ་འཛིན་ནན་པོ་བྱས་ཏེ་ཁོངས་གཏོགས་ཁུལ་གྱི་ཉེན་ཁའི་རྫས་འགྱུར་དངོས་རྫས་སྐྱེལ་འདྲེན་ཁེ་ལས་ཀྱི་འགྲིམ་འགྲུལ་བདེ་འཇགས་དོ་དམ་ལ་སྔར་བས་ཤུགས་སྣོན་བརྒྱབ་ཡོད། བརྟག་དཔྱད་བྱེད་རིང་། མི་དམངས་ཉེན་རྟོག་པ་ལྷ་ས་གྲོང་ཁྱེར་ཅིན་ཉིའུ་གློག་ཀླད་སྣུམ་སྣོན་གྲོང་དང་། ཀྲུང་གོ་རྡོ་སྣུམ་ཀྲུང་ཧོ་སྣུམ་སྣོན་ས་ཚིཌ། ཆིང་ཧྭ་སྣུམ་སྣོན་ས་ཚིགས། ཧྲེང་ཀྲོའུ་རླངས་སྣོན་ས་ཚིཌ་བཅས་སུ་བསྐྱོད་དེ་ཉེན་ཁའི་རྫས་འགྱུར་དངོས་རྫས་སྐྱེལ་འདྲེན་རླངས་འཁོར་ལ་གཅིག་སྡུད་ཞིབ་བཤེར་བྱས་ཏེ། རླངས་འཁོར་གྱི་བདེ་འཇགས་སྒྲིག་བཀོད་གནས་ཚུལ་རེ་རེ་བཞིན་ལ་ཞིབ་བཤེར་བྱས་པ་དང་། འགྲུལ་པ་ཚད་ལས་བརྒལ་ནས་བླུཌ་པ་དང་། ངལ་དུབ་ངང་རླངས་འཁོར་གཏོང་བ། འཁོར་རྟགས་དང་ལག་ཁྱེར་མེད་པ་སོགས་འགྲིམ་འགྲུལ་ཁྲིམས་འགལ་བྱེད་སྤྱོད་སྣ་ཚོགས་ལ་ཞིབ་བཤེར་ནན་པོ་བྱས་ཏེ། འབྱུང་རྩ་ནས་འགྲིམ་འགྲུལ་བདེ་འཇགས་ལས་འཛོལ་གྱི་མངོན་མེད་རྐྱེན་ངན་མི་ཐོན་པར་བྱས་ཡོད།

བོད་ལྗོངས་ཀྱིས་ཐོག་མཐའ་བར་གསུམ་དུ་བོད་ཀྱི་ཉེན་ཁའི་རྫས་འགྱུར་དངོས་རྫས་བདེ་འཇགས་ཐོན་སྐྱེད་ཀྱི་དོན་དངོས་ལ་གཞི་ཚུགས་ནས་འགན་འཁྲི་དོན་འཁྱོལ་ལ་དམ་འཛིན་ནན་པོ་དང་། གཙོ་གནད་གནད་དོན་ལ་དམ་པོར་དམིགས་པ། འཁུར་མཉམ་ལེན་དང་དོན་སྤྱི་སྒྲུབ་ཀྱི་ཐོག་ནས་ཉེན་ཁའི་རྫས་འགྱུར་དངོས་རྫས་ལས་རིགས་ཀྱི་བདེ་འཇགས་ལྟ་འདོམས་ལ་ཤུགས་སྣོན་རྒྱག་པ། བོད་ཀྱི་ཉེན་ཁའི་རྫས་འགྱུར་དངོས་རྫས་ཁྱབ་ཁོངས་བདེ་འཇགས་དང་བརྟན་པོ་ཡོང་བར་འགན་ལེན་བྱས་ཏེ། བོད་ཀྱི་དཔལ་འབྱོར་དང་སྤྱི་ཚོགས་བདེ་འཇགས་དང་། བརྟན་པོ། འཕེལ་རྒྱས་བཅས་ལ་འགན་ལེན་བྱེད་པར་ལེགས་སྐྱེས་ཕུལ་ཡོད།