ཀྲུང་གོ་དང་འབར་མས་2025ལོའི་རྫ་ཆུ་དང་མེ་ཀུང་གཙང་པོའི་མཉམ་ལས་ཀྱི་ཆེད་དོན་ཐེབས་རྩའི་རྣམ་གྲངས་ཀྱི་མཉམ་ལས་གྲོས་མཐུན་ལ་མིང་རྟགས་བཀོད་པ།
ཉིན་ཤས་གོང་། 2025ལོའི་རྫ་ཆུ་དང་མེ་ཀུང་གཙང་པོའི་མཉམ་ལས་ཀྱི་ཆེད་དོན་ཐེབས་རྩའི་རྣམ་གྲངས་ཀྱི་མཉམ་ལས་གྲོས་མཐུན་ལ་མིང་རྟགས་འགོད་པའི་མཛད་སྒོ་འབར་མའི་རྒྱལ་ས་ནེ་པི་ཏུའུ་རུ་འཚོགས་ཤིང་། འབར་མར་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་མཱ་ཅ་དང་འབར་མའི་ཕྱི་འབྲེལ་པུའི་པུའུ་ཀྲང་གཞོན་པ་ཀེ་ཀེ་ཅོ་ཡིས་གྲོས་མཐུན་ལ་མིང་རྟགས་བཀོད་པ་རེད།
མཱ་ཅ་ཡིས་གན་རྒྱ་འཇོག་པའི་མཛད་སྒོའི་ཐོག་ཤིས་ཚིག་སྒྲོན་སྐབས། ད་ཐེངས་ཀྱི་གན་རྒྱ་བཞག་པའི་རྣམ་གྲངས་14ཡིས་འབར་མའི་ཞིང་ལས་དང་། ཁོར་ཡུག་སྲུང་སྐྱོང་། ཚན་རྩལ། རིག་གནས། སློབ་གསོ། གནོད་འཚེ་སྔོན་འགོག་སོགས་ཀྱི་ཁྱབ་ཁོངས་མང་པོའི་འཕེལ་རྒྱས་ལ་མུ་མཐུད་རྒྱབ་སྐྱོར་བྱ་རྒྱུ་ཡིན་ཞིང་། ཀྲུང་གོ་ཕྱོགས་ཀྱིས་འབར་མ་ཕྱོགས་དང་མཉམ་ལས་བྱེད་ཤུགས་ཆེ་རུ་བཏང་སྟེ། ཐེབས་རྩ་བེད་སྤྱོད་ཡག་པོ་གཏོང་བ་དང་ཀྲུང་འབར་དབར་གྱི་ལས་དབང་གཅིག་མཐུན་ཚོགས་པ་འཛུགས་པར་སྐུལ་འདེད་བཏང་ནས་རྒྱལ་ཁབ་གཉིས་པོའི་མི་དམངས་ལ་བདེ་སྐྱིད་དེ་བས་མང་བ་སྐྲུན་འདོད་ཡོད་ཅེས་བརྗོད་པ་རེད།
འབྲེལ་ཡོད་གསར་འགྱུར།