རང་སྐྱོང་ལྗོངས་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ཚོགས་ཆུང་དང་པོས་བོད་ལྗོངས་འཛུགས་སྐྲུན་ཚོགས་པར་ལྟ་ཞིབ་བྱས་ཚུལ་སྐོར་གྱི་ལན་སྤྲོད་ཚོགས་འདུ་འཚོགས་པ།
། ཚེས་12ཉིན་གྱི་སྔ་དྲོར། རང་སྐྱོང་ལྗོངས་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ཚོགས་ཆུང་དང་པོས་བོད་ལྗོངས་འཛུགས་སྐྲུན་ལས་གྲྭ་དང་ཨར་ལས་རྒྱུ་ཆ་ཚོགས་པ་ཚད་ཡོད་ཀུང་སི(གཤམ་ཏུ་བོད་ལྗོངས་འཛུགས་སྐྲུན་ཚོགས་པ་ཞེས་བསྡུ་རྒྱུ)ལ་ལྟ་ཞིབ་བྱས་ཚུལ་སྐོར་གྱི་ལན་སྤྲོད་ཚོགས་འདུ་འཚོགས་ཤིང་། རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་དང་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་ཚོགས་ཆུང་དང་པོའི་ཙུའུ་ཀྲང་འཇམ་དཔལ་ཚོགས་འདུར་ཞུགས་པ་དང་འབྲེལ་ལྟ་ཞིབ་ཀྱི་བསམ་འཆར་བརྡ་ཁྱབ་ཀྱང་གནང་བ་རེད།
ལྟ་ཞིབ་ཚོགས་ཆུང་གིས་བོད་ལྗོངས་འཛུཌ་སྐྲུན་ཚོགས་པར་སྐྱེ་ཁམས་ཁོར་ཡུག་སྲུང་སྐྱོང་ཁྱབ་ཁོངས་སུ་ཐོབ་པའི་དུས་རིམ་རང་བཞིན་གྱི་ཕན་འབྲས་ལ་ཁས་ལེན་གང་ལེགས་བྱས་པ་དང་ལས་ཀའི་ནང་ཡོད་པའི་ཞན་ཆ་དང་སྐྱོན་ཆའང་གསལ་པོར་བསྟན་པ་མ་ཟད། ད་དུང་རིམ་པ་ཁག་དང་སྡེ་ཚན་ཁག་ལ་བསམ་བློའི་ངོས་འཛིན་སྔར་བས་མཐོ་རུ་བཏང་ནས་ཁོར་ཡུག་སྲུང་སྐྱོང་གི་འགན་འཁྲི་རིམ་པ་རེ་རེ་བཞིན་ནན་ཏུ་གཏོང་བ་དང་སྐྱེ་ཁམས་ཁོར་ཡུག་སྲུང་སྐྱོང་གི་ལས་ཀའི་ཆུ་ཚད་རྒྱུན་ཆད་མེད་པར་མཐོ་རུ་བཏང་སྟེ། མཛེས་སྡུག་ལྡན་པའི་བོད་ལྗོངས་འཛུགས་སྐྲུན་བྱེད་པར་སྟོབས་ཤུགས་ལེགས་སྐྱེས་སུ་འབུལ་དགོས་པའི་བླང་བྱ་ཡང་བཏོན་པ་རེད།
ལྟ་ཞིབ་ཚོགས་ཆུང་གིས་ད་རེས་ལྟ་ཞིབ་དག་ཐེར་བྱེད་པ་གོ་སྐབས་སུ་བརྩིས་ནས་ཐོག་མཐའ་བར་གསུམ་དུ་སྐྱེ་ཁམས་ཁོར་ཡུག་སྲུང་སྐྱོང་བྱ་རྒྱུ་དེ་རྣམ་གནོན་རང་བཞིན་གྱི་གནས་བབ་ཏུ་འཇོག་པ་དང་། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཐབས་ཇུས་བཀོད་སྒྲིག་དང་རང་སྐྱོང་ལྗོངས་ཏང་ཨུད་དང་སྲིད་གཞུང་གི་ལས་དོན་བླང་བྱ་མཐའ་གཅིག་ཏུ་ལག་ལེན་བསྟར་བ། ལྗང་མདོག་ཐཱན་ཉུང་གི་འཕེལ་རྒྱས་འདུ་ཤེས་བརྟན་པོར་འཛུགས་པ། སྐྱེ་ཁམས་ཁོར་ཡུག་སྲུང་སྐྱོང་གི་འགན་འཁྲི་ནན་དུ་གཏོང་བ། ལྟ་ཞིབ་ཀྱི་གནད་དོན་དག་ཐེར་ལ་མཐའ་གཅིག་ཏུ་དམ་འཛིན་ཡག་པོ་བཅས་བྱས་ཏེ། “གཟེར་འདེབས”ཀྱི་སྙིང་སྟོབས་ལ་བརྟེན་ནས་གནད་དོན་དག་ཐེར་བྱས་པ་ཁ་གསལ་གཏིང་གསལ་དང་ཕན་འབྲས་ཐོན་པ་བྱ་རྒྱུར་སྐུལ་འདེད་གཏོང་དགོས་པའི་ནན་བཤད་བྱས་པ་རེད།
འབྲེལ་ཡོད་གསར་འགྱུར།