ཉེ་ཆར། མི་མང་པོས་དོ་སྣང་བྱེད་པའི་ལྷ་ས་ཤིན་ཧྲི་ཅེ་ཉོ་སྒྲུབ་ཚོང་ར་བསྐྲུན་ཟིན་པ་དང་། ཟླ་8ཚེས་23ཉིན་དངོས་སུ་སྒོ་ཕྱེ་ནས་ཚོང་གཉེར་བྱེད་རྒྱུ་ཡིན་པ་རེད། ཁྱོན་མ་དངུལ་སྒོར་དུང་ཕྱུར་3.6བཏང་བའི་ཉོ་སྒྲུབ་ཚོང་ར་དེ་ལྷ་ས་གྲོང་ཁྱེར་ཁྲེང་ཀོན་ཆུས་སྐུ་འབུམ་ཐང་ལམ་དང་གྲོང་གསར་ལམ་གྱི་ལམ་མདོ་ཁར་གནས་ཤིང་། ཕྱིས་སུ་ལྷ་ས་གྲོང་ཁྱེར་གྱི་གནས་རྟགས་གསར་པ་དང་འཁྲུག་ཆ་དོད་པའི་ས་ཆ་ཞིག་ཏུ་འགྱུར་རྒྱུ་ཉག་ཅིག་རེད།

ཤེས་རྟོགས་བྱུང་བར་གཞིགས་ན། མིག་སྔར། ཤིན་ཧྲི་ཅེ་ཉོ་སྒྲུབ་ཚོང་རར་ཚོང་ཁང་150ལྷག་ཙམ་ཡོད་ཅིང་། ལྷག་པར་དུ་རྒྱལ་ཁབ་ཕྱི་ནང་གི་ཚོང་རྟགས་གྲགས་ཅན་གྱི་ཚོང་ཁང་དང་ཟ་ཁང་མང་པོ་བཙུགས་ཡོད། གཞན་ཡང་། ལྷན་སྦྱར་རྣམ་གྲངས་ཀྱིས་འཛད་སྤྱོད་པར་སྟབས་བདེ་བསྐྲུན་རྒྱུ་མ་ཟད་འཚོ་བའི་སྤུས་ཚད་ཀྱང་མཐོ་རུ་འགྲོ་རྒྱུ་རེད།