ད་ལོ་ཚུན། ལྷ་ས་གྲོང་ཁྱེར་ཁྲེང་ཀོན་ཆུས་ཚོང་དོན་ཅུས་ཀྱིས་ཚོང་གཉེར་ཁོར་ཡུག་ལེགས་སུ་གཏོང་བ་དང་ཆབས་ཅིག་སེམས་རྩ་འཁོལ་པོས་ཁེ་ལས་ལ་ཞབས་འདེགས་ཞུས་ནས། ཁེ་ལས་ལ་དཀའ་གནད་སེལ་རོགས་དང་གཡས་གཞོགས་གཡོན་འདེགས་བྱས་པར་བརྟེན། རྣམ་གྲངས་གལ་ཆེན་མང་པོ་ཞིག་ཁྲེང་ཀོན་ཆུས་སུ་ལག་ལེན་བསྟར་ཐུབ་པ་བྱུང་ཡོད་པ་མ་ཟད་དབྱར་མཚོ་རྒྱས་པ་ལྟར་འཕེལ་རྒྱས་བྱུང་ཡོད།

ཉིན་ཤས་གོང་། གསར་འགོད་པས་ལྷ་ས་གནས་མཆོག་ལྷ་ཡུལ་གླིང་ཆེན་གསོལ་མགྲོན་ཁང་ཆེན་མོ་རུ་གནས་པའི་ལྷ་ས་མིང་ཧྲེང་ཆུ་རྩེད་རྣམ་གྲངས་སྐོར་ལ་རྒྱུས་ལོན་བྱེད་པར་བསྐྱོད་པ་ལས་ཤེས་རྟོགས་བྱུང་བར། 2024ལོའི་ཟླ་12པར་སྐྲུན་འགོ་ཚུགས་པའི་རྣམ་གྲངས་དེར་རྒྱ་ཁྱོན་སྨི་ངོས་གྲུ་ཁྲི་2ཡོད་པ་དང་། དེ་ནི་སྤྲོ་གསེང་དང་རོལ་རྩེད་གཉིས་ཀ་བྱེད་ས་ཡོད་པའི་ཆུ་རྩེད་རྩེད་ས་ཞིག་ཡིན་པ་རེད།

མིག་སྔར། ཆུ་རྩེད་རྩེད་ས་འདིར་གཙང་སྦྲ་བྱེད་པའི་སྒང་ཡིན་ཞིང་། སྔོན་དཔག་བྱས་ན་ཟླ་8པའི་ཟླ་མཇུག་ཏུ་ཚོད་ལྟ་དང་བཅས་སྒོ་འབྱེད་རྒྱུ་ཡིན་པ་རེད།