ཟླ་8ཚེས་8ཉིན། བོད་རང་སྐྱོང་ལྗོངས་ཀྱི་2025ལོའི་དམངས་ཡོངས་ཀྱི་ལུས་སྦྱོང་ཉིན་མོའི་འགོ་ཚུགས་མཛད་སྒོ་དང་། སྤྱི་ཚོགས་ཀྱི་ལུས་རྩལ་མཛུབ་ཁྲིད་པའི་སྤེལ་རེས་ངོམ་སྟོན་ཚོགས་ཆེན་དང་སྡེ་ཁུལ་གྱི་ལུས་རྩལ་འགྲན་ཚོགས་ལྷ་ས་གྲོང་ཁྱེར་ཆུ་མིག་ལམ་གྱི་འདམ་ར་སྤྱི་གླིང་དུ་གཉེར་བ་རེད།

ད་ཐེངས་ཀྱི་བྱེད་སྒོའི་དམིགས་ཡུལ་ནི་རྒྱ་ཆེའི་མང་ཚོགས་ཚོས་དམངས་ཡོངས་ཀྱི་ལུས་སྦྱོང་ཉིན་མོར་རྒྱུས་མངའ་ལོན་ཚད་ཆེ་རུ་དང་དེའི་ནང་ཞུགས་ཚད་མང་དུ་གཏོང་བ་དང་། དམངས་ཡོངས་ཀྱི་ལུས་སྦྱོང་དང་རྩལ་འགྲན་ལུས་རྩལ་མཉམ་འདྲེས་གཏིང་ཟབ་ཡོང་བར་སྐུལ་འདེད་བཏང་སྟེ། ལྗོངས་ཡོངས་སུ་དམངས་ཡོངས་ལུས་སྦྱོང་གི་ཚ་རླབས་གསར་པ་ཞིག་འཕྱུར་བར་བྱས་ནས། བདེ་ཐང་གི་བོད་ལྗོངས་འཛུགས་སྐྲུན་ལ་སྐུལ་འདེད་དང་། དམངས་ཡོངས་ཀྱི་ལུས་སྦྱོང་དང་དམངས་ཡོངས་ཀྱི་བདེ་ཐང་མཉམ་འདྲེས་འཕེལ་རྒྱས་ལ་སྐུལ་འདེད་གཏོང་ཆེད་ལེགས་སྐྱེས་འབུལ་རྒྱུ་དེ་རེད།