ཟླ་8ཚེས་8ཉིན། རྒྱལ་ཁབ་གནོད་འཚེ་སྔོན་འགོག་དང་ཉུང་གཏོང་ཨུ་ཡོན་ལྷན་ཁང་གིས་ཀན་སུའུ་ཞིང་ཆེན་དུ་ཐོན་པའི་ཆུ་ལོག་གི་གནོད་འཚེ་ཚབས་ཆེན་ལ་དམིགས་ཏེ་རྒྱལ་ཁབ་ཀྱི་རིམ་པ་བཞི་པའི་གེགས་སེལ་འཕྲལ་སྡོམ་དང་ལེན་བྱེད་འགོ་ཚུགས་པ་རེད། རྒྱལ་ཁབ་གནོད་འཚེ་སྔོན་འགོག་དང་ཉུང་གཏོང་དང་གེགས་སེལ་ཨུ་ཡོན་ལྷན་ཁང་གཞུང་དོན་ཁང་དང་འཕྲལ་སྡོམ་དོ་དམ་པུས་རྒྱལ་ཁབ་འབྲུ་རིགས་དང་དངོས་ཟོག་གྲབས་གསོག་ཅུས་དང་མཉམ་དུ་གེགས་ཁུལ་ལ་ལྟེབ་ཁྲི་དང་། སྲིང་བལ་གྱི་སྟོད་གོས། དེ་བཞིན་ཉལ་ཆས་སོགས་ཀྲུང་དབྱང་གི་གེགས་སེལ་དངོས་ཟོག་ཁྲི་1བཀོད་སྒྲིག་བྱས་པ་རེད། རྒྱལ་ཁབ་མེ་གསོད་རོགས་སྐྱོབ་ཅུས་ཀྱིས་ལས་དོན་ཚོགས་ཆུང་ས་གནས་ས་ཐོག་ཏུ་མངགས་པ་རེད།

ཟླ་8ཚེས་8ཉིན། ནོར་སྲིད་པུའུ་དང་འཕྲལ་སྡོམ་དོ་དམ་པུའུ་ཡིས་ཀྲུང་དབྱང་གི་རང་བྱུང་གནོད་འཚེའི་གེགས་སེལ་མ་དངུལ་སྒོར་དུང་ཕྱུར་1.2འཕྲལ་མར་སྔོན་གཏོང་བྱས་ནས་ཀན་སུའུ་དང་ནང་སོག་གིས་འཕྲལ་སྡོམ་ཉེན་སེལ་གུད་སྐྱོབ་དང་གནོད་འཚེ་ཕོག་པའི་མང་ཚོགས་ལ་རོགས་སྐྱོབ་བྱེད་པར་རྒྱབ་སྐྱོར་བྱས་པ་རེད།

རྒྱལ་ཁབ་འཕེལ་སྒྱུར་ཨུ་ལྷན་གྱིས་ཀྲུང་དབྱང་སྔོན་རྩིས་ནས་མ་དངུལ་སྒོར་དུང་ཕྱུར་1འཕྲལ་མར་སྤྲད་དེ་ཀན་སུའུ་ཞིང་ཆེན་གྱིས་ཆུ་ལོག་གི་གནོད་འཚེའི་གེགས་རྗེས་འཕྲལ་སྡོམ་སླར་གསོ་ཡག་པོ་བྱེད་པར་རྒྱབ་སྐྱོར་བྱས་ཏེ། དེ་དག་གེགས་ཁུལ་གྱི་འགྲོ་ལམ་དང་། ཟམ་པ། ཆུ་བེད། ཆུ་རགས་སོགས་རྨང་གཞིའི་སྒྲིག་བཀོད་དང་སྤྱི་པའི་ཞབས་ཞུའི་སྒྲིག་བཀོད་གེགས་རྗེས་འཕྲལ་སྡོམ་སླར་གསོ་འཛུགས་སྐྲུན་ཐད་གཙོ་གནད་དུ་སྤྱོད་རྒྱུ་རེད།

ནོར་སྲིད་པུའུ་དང་འགྲིམ་འགྲུལ་སྐྱེལ་འདྲེན་པུའུ་ཡིས་མགྱོགས་མྱུར་ཞིབ་དཔྱད་གཏོང་སྤྲོད་ལམ་སྲོལ་ལག་ལེན་བསྟར་ནས་ཀྲུང་དབྱང་ནོར་སྲིད་ཀྱི་མ་དངུལ་སྒོར་ཁྲི་7000སྔོན་གཏོང་བྱས་ཏེ། པེ་ཅིང་དང་། ཐེན་ཅིན། ཧོ་པེ། ཧྲན་ཤིས། ཅི་ལིན། ཀྲེ་ཅང་། ཧྥུའུ་ཅན་བཅས་ཞིང་ཆེན་བདུན་གྱིས་གཞུང་ལམ་ཤར་གཏོང་ལས་དོན་གང་མགྱོགས་སྤེལ་རྒྱུར་རྒྱབ་སྐྱོར་བྱས་པ་རེད།