རང་སྐྱོང་ལྗོངས་སྲིད་གྲོས་ཀྱིས“ཞིང་འབྲོག་པའི་སྡོད་ཁང་བདེ་འཇགས་ཀྱི་མངོན་མེད་རྐྱེན་ངན་གྲལ་བཤེར་བྱེད་ཤུགས་ཆེ་རུ་བཏང་ནས་སྡོད་ཁང་གི་སྤུས་ཚད་མཐོར་གཏོང་ལ་སྐུལ་འདེད་གཏོང་བའི”ཁ་གཏད་གྲོས་མོལ་གྱི་བཞུགས་མོལ་ཚོགས་འདུ་འཚོགས་པ།
ཉེ་ཆར་རང་སྐྱོང་ལྗོངས་སྲིད་གྲོས་ཀྱིས“ཞིང་འབྲོག་པའི་སྡོད་ཁང་བདེ་འཇགས་ཀྱི་མངོན་མེད་རྐྱེན་ངན་གྲལ་བཤེར་བྱེད་ཤུགས་ཆེ་རུ་བཏང་ནས་སྡོད་ཁང་གི་སྤུས་ཚད་མཐོར་གཏོང་ལ་སྐུལ་འདེད་གཏོང་བའི”ཁ་གཏད་གྲོས་མོལ་གྱི་བཞུགས་མོལ་ཚོགས་འདུ་འཚོགས་པ་དང་། རང་སྐྱོང་ལྗོངས་སྲིད་གྲོས་ཞིང་ལས་དང་གྲོང་གསེབ་ཨུ་ཡོན་ལྷན་ཁང་གིས་བརྟག་ཞིབ་བྱས་འབྲས་བརྡ་ཁྱབ་བཏང་བ། ལས་རིགས་ཁག་དང་སྡེ་ཚན་ཁག་གི་སྲིད་གྲོས་ཨུ་ཡོན་ཚོས་ཞིང་འབྲོག་པའི་སྡོད་ཁང་གི་བདེ་འཇགས་ཀྱི་གནད་དོན་ལ་དམིགས་ནས་གྲོས་མོལ་དང་མཉམ་འགུལ་གཏིང་ཟབ་ཀྱིས་འཐབ་འདོན་ཇུས་འགོད་ཧུར་ཐག་གནང་བ་རེད།
རང་སྐྱོང་ལྗོངས་སྲིད་གྲོས་ཀྱི་ཏང་ཙུའི་ཁོངས་མི་དང་ཀྲུའུ་ཞི་གཞོན་པ་པད་མ་དབང་འདུས་ཚོགས་འདུར་ཞུགས་ནས་གསུང་བཤད་གནང་བ་རེད།
ཚོགས་འདུའི་ཐོག་ནན་བཤད་གནང་དོན། ཞིང་འབྲོག་པའི་སྡོད་ཁང་གི་སྤུས་ཚད་མཐོར་གཏོང་ལས་དོན་གྱི་དོན་སྙིང་གལ་ཆེན་ལ་ངོས་འཛིན་གཏིང་ཟབ་བྱས་ཏེ་མི་དམངས་སྲིད་གྲོས་ཀྱི་ཆེད་དོན་གྲོས་མོལ་སྒྲིག་གཞིའི་ནུས་པ་དང་། སྲིད་གྲོས་ཨུ་ཡོན་གྱི་བྱེད་པོའི་ནུས་པ། ལས་རིགས་ཁག་དང་སྡེ་ཚན་ཁག་གི་འགན་ནུས་བཅས་གང་ལེགས་བཏོན་ཏེ་ཞིང་འབྲོག་པའི་སྡོད་ཁང་གི་བདེ་འཇགས་འགན་ལེན་བྱ་རྒྱུར་བློ་གྲོས་དང་སྟོབས་ཤུགས་ལེགས་སྐྱེས་ཧུར་ཐག་འབུལ་དགོས། འབྲེལ་ཡོད་སྡེ་ཚན་གྱིས་གོམ་སྟབས་རྗེས་མའི་སྲིད་ཇུས་བཟོ་བ་དང་ལས་དོན་ལ་སྐུལ་འདེད་གཏོང་བའི་ཁྲོད་ཨུ་ཡོན་གྱི་བསམ་འཆར་དང་གྲོས་འགོ་ནན་ཏན་ངང་དང་ལེན་བྱས་ཏེ། གྲོས་མོལ་གྱི་གྲུབ་འབྲས་དེ་ལས་དོན་གྱི་ཕན་འབྲས་དངོས་སུ་དེ་བས་ལེགས་པར་འགྱུར་རྒྱུའི་རེ་བ་ཡོད་ཅེས་གསུངས།
འབྲེལ་ཡོད་གསར་འགྱུར།