ཉེ་ཆར། གསར་འགོད་པར་ཚོང་དོན་པུའུ་ནས་ཤེས་རྟོགས་བྱུང་བར། 2025ལོའི་ལོ་སྟོད་དུ་རང་རྒྱལ་གྱི་ཞབས་ཞུའི་ཉོ་ཚོང་བརྟན་པོའི་ངང་འཕར་བ་དང་། ཞབས་ཞུའི་ཕྱིར་གཏོང་ནང་འདྲེན་གྱི་དངུལ་འབོར་སྒོར་དུང་ཕྱུར་38872.6ཟིན་པ་དེ་དུས་མཚུངས་ལས་8.0%འཕར་ཞིང་། དེའི་ནང་ཕྱིར་གཏོང་བྱེད་ཚད་སྒོར་དུང་ཕྱུར་16883ཟིན་ནས་15.0%འཕར་བ་དང་། ནང་འདྲེན་བྱེད་ཚད་སྒོར་དུང་ཕྱུར་21989.6ཟིན་ནས་3.2%འཕར་ཡོད། ཞབས་ཞུའི་ཉོ་ཚོང་གི་ཉོ་ཚོང་ལྡོག་ཁྱད་སྒོར་དུང་ཕྱུར་5106.6ཟིན་པ་དེ་ལོ་གོང་མའི་དུས་མཚུངས་ལས་སྒོར་དུང་ཕྱུར་1522.1ཉུང་དུ་ཕྱིན་ཡོད།

ཤེས་བྱ་འདུས་ཆེའི་ཞབས་ཞུའི་ཉོ་ཚོང་ལ་འཕར་སྣོན་རྒྱུན་འཁྱོངས་ཐུབ་ཅིང་། ལོ་སྟོད་དུ་ཤེས་བྱ་འདུས་ཆེའི་ཞབས་ཞུ་ཕྱིར་གཏོང་ནང་འདྲེན་བྱེད་ཚད་སྒོར་དུང་ཕྱུར་15025.4ཟིན་ནས་6.0%འཕར་ཞིང་། དེའི་ནང་ཤེས་བྱ་འདུས་ཆེའི་ཞབས་ཞུ་ཕྱིར་གཏོང་བྱེད་ཚད་སྒོར་དུང་ཕྱུར་8650.4ཟིན་ནས་7.8%འཕར་བ་དང་། ཤེས་བྱ་འདུས་ཆེའི་ཞབས་ཞུ་ནང་འདྲེན་བྱེད་ཚད་སྒོར་དུང་ཕྱུར་6375ཟིན་ནས་3.6%འཕར་བ། ཉོ་ཚོང་དྲང་ཁྱད་སྒོར་དུང་ཕྱུར་2275.4ཟིན་པ་དེ་ལོ་གོང་མའི་དུས་མཚུངས་ལས་སྒོར་དུང་ཕྱུར་409.2མང་དུ་ཕྱིན་ཡོད།

ཡུལ་སྐོར་ཞབས་ཞུ་ཕྱིར་གཏོང་ཚད་འཕར་མགྱོགས་ཤོས་ཡིན་ཞིང་། ལོ་སྟོད་དུ་ཡུལ་སྐོར་ཞབས་ཞུ་མགྱོགས་མྱུར་འཕར་བ་དང་ཕྱིར་གཏོང་ནང་འདྲེན་བྱེད་ཚད་སྒོར་དུང་ཕྱུར་10802.9ཟིན་ནས་12.3%འཕར་སྟེ། ཞབས་ཞུའི་ཚོང་དོན་གྱི་ཁྱབ་ཁོངས་ཆེ་ཤོས་དང་པོར་གྱུར་ཡོད། དེའི་ནང་ཕྱིར་གཏོང་བྱེད་ཚད་68.7%འཕར་བ་དང་ནང་འདྲེན་བྱེད་ཚད་5.5%འཕར་ཡོད།