ད་ལོ་ནི་ཀྲུང་ཝེའི་དབར་ཕྱི་འབྲེལ་བཙུགས་ནས་ལོ་ངོ་75འཁོར་བའི་ལོ་དང“ཀྲུང་ཝེའི་མི་ཆོས་རིག་གནས་སྤེལ་རེས་ལོ”ཡང་རེད། “གསར་བརྗེའི་རིག་གནས་རྒྱུན་འཛིན་བྱེད། གཞོན་ནུ་རྣམས་ཀུའེ་ཀྲོའུ་རུ་བསྐྱོད”ཅེས་པ་བརྗོད་དོན་གཙོ་བོར་བྱས་པའི་2025ལོའི་ཀྲུང་ཝེའི་གཞོན་ནུ་ཀུའེ་ཀྲོའུ་རུ་བསྐྱོད་པའི་གླེང་མོལ་ཚོགས་འདུའི་རིམ་སྤེལ་བྱེད་སྒོ་ཉེ་ཆར་ཀུའེ་ཀྲོའུ་རུ་འཚོགས་པ་རེད། ཀྲུང་ཝེའི་སྐུ་མགྲོན་དང་གཞོན་ནུའི་འཐུས་མི་30ལྷག་ཙམ་གྱིས་གསར་བརྗེའི་རྗེས་ཤུལ་སྙེགས་ནས་སྐྱེ་ཁམས་ཀྱི་འགྲོ་ལམ་གསར་པ་འཚོལ་ཞིབ་དང་། མཛའ་གྲོགས་གླེང་ནས་བརྩེ་བ་ཟབ་ཏུ་གཏོང་བ། ཀྲུང་གོའི་ལུགས་ཀྱི་དེང་རབས་ཅན་གྱི་གསོན་ཉམས་ལྡན་པའི་ལག་ལེན་ཤེས་རྟོགས་བཅས་བྱས་ཏེ། ཀྲུང་ཝེའི་ལས་དབང་གཅིག་མཐུན་ཚོགས་པའི་ལང་ཚོའི་ཉམས་འགྱུར་མཉམ་དུ་མངོན་ཡོད། འདི་ནི་ཀྲུང་ཝེའི་གཞོན་ནུ་ཚོས་ཙུན་དབྱི་གྲོང་ཁྱེར་པོ་ཀྲོའུ་ཆུས་ཧྥེང་ཞང་གྲོང་རྡལ་ཧྭ་མའོ་གྲོང་ཚོར་ཤོག་བུའི་སྐྱོ་མའི་མེ་ཏོག་བཟོ་སྟངས་ཉམས་ལེན་བྱེད་བཞིན་པ།