ཉེ་ཆར། ཧྥུའུ་ཅན་ཞིང་ཆེན་ཧྥུའུ་ཀྲོའུ་ཆིང་ཀྲོའུ་དོས་སྒམ་གྲུ་ཁ་ནས་གློག་འོད་ཆེམ་ཆེམ་དུ་འཕྲོ་བཞིན་ཡོད་པ་དང་། ཟོག་འདྲེན་གྲུ་གཟིངས་གྲུ་ཚུགས་སུ་བཀག་ནས་དངོས་ཟོག་འབེབས་འཇུག་བྱེད་པ། གྲུ་ཁའི་དཔྱང་ཟམ་ལས་ཕྱོད་ཆེན་པོས་འཁོར་རྒྱུག་བྱེད་པ། སྐྱེལ་འདྲེན་རླངས་འཁོར་ཕར་རྒྱུག་ཚུར་རྒྱུག་བྱེད་པ་སོགས་འདུ་འཛིའི་རྣམ་པས་ཁེངས། ཧྥུའུ་ཅན་ཞིང་ཆེན་ནི་རང་རྒྱལ་གྱི་དོས་སྒམ་བཟོ་སྐྲུན་རྟེན་གཞི་གལ་ཆེན་གྱི་གྲས་ཤིག་ཡིན་པ་དང་། ཉེ་བའི་ལོ་ཤས་རིང་། ཧྥུའུ་ཅན་ཞིང་ཆེན་གྱི་དོས་སྒམ་བཟོ་སྐྲུན་ཁེ་ལས་ཀྱིས་ཁྲོམ་རའི་དགོས་མཁོར་ཧུར་ཐག་བསྟུན་པས་ཕྱིར་གཏོང་གི་གཞི་ཁྱོན་རིམ་བཞིན་ཆེ་རུ་ཕྱིན་ཡོད།