ཟླ་8ཚེས་3ཉིན་གྱི་སྔ་དྲོར། བོད་ལྗོངས་མངའ་རིས་ས་ཁུལ་གྱི་སྔོན་གཤེགས་དཔའ་བོའི་པུར་འཇུག་མཛད་སྒོ་སེང་གེ་ཁ་འབབ་ཀྱི་སྔོན་གཤེགས་དཔའ་བོའི་བང་སོའི་སྐྱེད་ཚལ་དུ་འཚོགས་པ་དང་། མངའ་རིས་ས་ཁུལ་གྱི་གསར་བརྗེ་དང་འཛུགས་སྐྲུན་ཁྲོད་རང་སྲོག་བློས་གཏོང་གནང་བའི་སྔོན་གཤེགས་དཔའ་བོ་བརྒྱད་ཀྱི་པུར་རུས་དག་ཁོང་རྣམ་པས་རིན་བྲལ་ལང་ཚོ་སྐྱེས་སུ་ཕུལ་ནས་སྲུང་སྐྱོབ་བྱེད་སའི་ཁྱིམ་གཞིས་སུ་ལོག་ཐུབ་ཡོད།

དཔའ་བོའི་གཉེན་ཉེ་དང་། བཅའ་སྡོད་ཁུལ་གྱི་དཔོན་དམག ལས་བྱེད་པ་དང་ལས་བཟོ། སློབ་མ་སོགས་ལས་རིགས་ཁག་གི་འཐུས་མི་440ལྷག་ཙམ་གྱིས་ངག་བསྡམས་ནས་མྱ་ངན་ཞུས་པ་དང་། ཆུ་ཚོད་11ཙམ་ལ་ས་ཡུལ་དངོས་སུ་《དྲན་གླུའི》འགྱུར་ཁུག་ཁྲོད་དུ་གུས་དམག་གིས་གོམ་སྟབས་དལ་པོས་དཔའ་བོའི་པུར་སྒམ་སྲུང་སྐྱེལ་བྱས་ནས་ཐང་ཆེན་དཀྱིལ་དུ་བསྐྱོད་ཅིང་། དེ་རྗེས་ཚོགས་ར་ཡོངས་སུ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་གླུའི་རོལ་དབྱངས་དཀྲོལ་ལེན་བྱས་པ་རེད།

སེང་གེ་ཁ་འབབ་ཀྱི་སྔོན་གཤེགས་དཔའ་བོའི་བང་སོའི་སྐྱེད་ཚལ་དུ་མངའ་རིས་ཀྱི་གསར་བརྗེ་དང་། འཛུགས་སྐྲུན། སྒྱུར་བཅོས་བཅས་ཀྱི་ལོ་རྒྱུས་ཀྱི་དུས་སྐབས་ཁག་ཏུ་རང་སྲོག་བློས་གཏོང་གནང་བའི་གསར་བརྗེའི་དཔའ་བོ་བརྒྱ་ཙམ་ཡུན་རིང་འདི་གར་དབེན་པར་གཟིམས་ཡོད། བགྲང་བྱ་70ལྷག་ཙམ་འདས་ཀྱང་མི་རྣམས་ཀྱིས་སྔར་བཞིན་ཁོང་ཚོར་དྲན་གསོ་ཞུ་བཞིན་ཡོད།

སྒར་རྫོང་བཀྲ་ཤིས་སྒང་ཤང་གླང་དམར་གྲོང་ཚོར་གཞིས་ཆགས་པའི་རྒྱལ་ཡོངས་ཀྱི་ངལ་རྩོལ་དཔེ་བཟང་བ་ངག་སྒྲོན་གྱི་རླངས་འཁོར་སྤྱི་ལེ་60ཙམ་བཏང་སྟེ། སྔ་ས་ནས་སེང་གེ་ཁ་འབབ་ཀྱི་སྔོན་གཤེགས་དཔའ་བོའི་བང་སོའི་སྐྱེད་ཚལ་དུ་སླེབས་ཡོད། ཁོང་གིས་བང་སོའི་རྡོ་རིང་ལ་བྱིལ་བྱིལ་བྱེད་བཞིན“ད་ཆ་མངའ་རིས་ལ་གནམ་ས་བླ་འོག་ཏུ་འགྱུར་བ་ལྟ་བུའི་འཕོ་འགྱུར་བྱུང་བ་དང་། རྒྱ་ཆེའི་ཞིང་འབྲོག་མང་ཚོགས་ཀྱི་འཚོ་བ་བདེ་སྐྱིད་ལྡན། དེ་ནི་དཔའ་བོ་རྣམས་ཀྱི་ལེགས་སྐྱེས་ཕུལ་བ་དང་བློས་གཏོང་གནང་བ་ལས་བྱུང་བ་ང་ཚོས་ནམ་ཡང་བརྗེད་མི་སྲིད”ཅེས་མགྲིན་པ་བརྣངས་བཞིན་དུ་བརྗོད།

2023ལོར་དམག་ཞབས་ཐིམ་པའི་དམག་མིའི་ལས་དོན་པུའུ་ཡིས་རིགས་གཅིག་མཁས་ཅན་ཚོགས་པ་མངའ་རིས་ས་ཁུལ་དུ་མངགས་ནས་མིང་མེད་དཔའ་བོའི་དུར་ས་འདྲ་བ་ཁག་གཅིག་སྔོག་འདོན་དང་གསལ་འབྱེད་བྱས་པ་རེད། ད་ཐེངས་གནས་སྤོ་པུར་འཇུག་བྱས་པའི་སྔོན་གཤེགས་དཔའ་བོ་བརྒྱད་ཀྱི་ཐོབ་ཐང་དེ་རྒྱལ་ཁབ་ཀྱི་སྔོན་གཤེགས་དཔའ་བོའི་པུར་རུས་ཀྱི་ＤＮＡགསལ་འབྱེད་ཚོད་ལྟ་ཁང་གིས་ཐོབ་ཐང་ཞིབ་བཤེར་གཏན་འཁེལ་བྱས་མཐར། ཀྲང་ཞི་རུང་དང་། ཝེ་ཅན་ཧྭ། ཁྲེན་ཧྥུའུ་ཞང་། ཁྲེན་ཧྲེང་ལིན། ལི་ཧྲེང་ཚའེ། ཀུའོ་ཅུས་ཧུའུ། ལིའུ་ཡན་པིན། ཤུའེ་ཀེན་ཏིང་བཅས་ཡིན་པ་གཏན་འཁེལ་བྱས་པ་རེད།