ཉེ་ཆར། “དམར་མདངས་ཆབ་མདོ། དར་རྒྱས་ཡར་བརྩོན”གྱི་དེང་རབས་ཐོན་སྐྱེད་རྩལ་ནུས་ཀྱི་མང་ཚོགས་རང་བཞིན་གྱི་འགྲན་བསྡུར་སྐབས་དང་པོ་ཆབ་མདོར་གཉེར་བ་རེད། ཞིང་འབྲོག་པའི་ཁྱིམ་ཚང་དང་ཁེ་ལས་ཀྱི་འཁོར་ཁང་ནས་ཡོང་བའི་དེང་རབས་ཐོན་སྐྱེད་རྩལ་ནུས་ཀྱི་འཇོན་ཐང་ཅན་330ཡིས་ནུས་རྒྱུ་གཙང་མའི་ཨར་ལས་དང་། རྩིག་པ་རྩེག་པ། བླུག་འཁོར་བཀོལ་སྤྱོད། དྲ་ཚོང་ཐད་གཏོང་སོགས་འགྲན་བསྡུར་གྱི་རྣམ་གྲངས་ཆེན་པོ་10ཡི་ནང་འགྲན་བསྡུར་འཁྲུག་པོ་བྱས་པ་རེད།

གཙོ་གཉེར་ཕྱོགས་ཀྱིས་ངོ་སྤྲོད་བྱས་པར་གཞིགས་ན། ད་ཐེངས་ཀྱི་མང་ཚོགས་རང་བཞིན་གྱི་འགྲན་བསྡུར་དེ་ནི་རྩལ་ནུས་འགྲེམས་སྟོན་ཞིག་ཡིན་ལ། དེ་ལས་ཆབ་མདོའི་མི་དམངས་ཀྱིས“རྩལ་ནུས་གཅིག་ཁོང་དུ་ཆུད་པར་བྱས་ནས་དར་རྒྱས་དོན་དུ་ང་ཡིས་འབད”ཅེས་པའི་བསམ་པའི་ཉམས་འགྱུར་བཟང་པོ་མངོན་སྟབས། ཕ་ཡུལ་ལ་བཅངས་པའི་ཚང་མའི་བརྩེ་སེམས་ཟབ་ཏུ་ཕྱིན་པ་དང་མཛེས་སྡུག་ལྡན་པའི་འཚོ་བར་བཅངས་པའི་རེ་འདོད་ཀྱང་ཆེ་རུ་ཕྱིན་ཡོད།