ཚེས་3ཉིན། སེང་གེ་ཁ་འབབ་ཀྱི་སྔོན་གཤེགས་དཔའ་བོའི་བང་སོའི་སྐྱེད་ཚལ་དུ་མངའ་རིས་ས་ཁུལ་གྱི་གསར་བརྗེའི་འཛུགས་སྐྲུན་ཁྲོད་སྐུ་གཤེགས་པའི་སྔོན་གཤེགས་དཔའ་བོ་བརྒྱད་ཀྱི་པུར་རུས་གནས་སྤོ་པུར་འཇུག་མཛད་སྒོ་གཟབ་རྒྱས་ངང་འཚོགས་པ་རེད།

རང་སྐྱོང་ལྗོངས་ཏང་ཨུད་དང་སྲིད་གཞུང་གི་བཀོད་སྒྲིག་ལྟར། རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་ཀྲའོ་ཧྥུང་ཕེབས་པ་དང་འབྲེལ་པུར་འཇུག་མཛད་སྒོ་གཙོ་སྐྱོང་གནང་བ་རེད།

སྔ་དྲོའི་ཆུ་ཚོད་11པར་པུར་འཇུག་མཛད་སྒོ་དངོས་སུ་འགོ་ཚུགས་ཤིང་། གུས་དམག་གིས་གོམ་སྟབས་དལ་པོས་སྔོན་གཤེགས་དཔའ་བོའི་པུར་སྒམ་ས་གནས་ས་ཐོག་ཏུ་སྲུང་སྐྱེལ་བྱས་པ་དང་མི་རིགས་ཁག་གི་ལས་བྱེད་པ་དང་མང་ཚོགས་དང་དཔུང་སྡེའི་དཔོན་དམག་དང་སློབ་མའི་འཐུས་མི་440ལྷག་ཙམ་གྱིས་རྒྱལ་གླུ་བླངས་པ་དང་སྦྲགས། གསར་བརྗེའི་སྔོན་གཤེགས་དཔའ་བོར་ངག་བསྡམས་ནས་མྱ་ངན་ཞུས་པ་རེད།

ཀྲའོ་ཧྥུང་གིས་ནན་བཤད་གནང་དོན། མངའ་རིས་ས་ཁུལ་གྱི་སྔོན་གཤེགས་དཔའ་བོ་བརྒྱད་ཀྱི་པུར་རུས་གནས་སྤོ་པུར་འཇུག་མཛད་སྒོ་འཚོགས་པ་ནི་སྔོན་གཤེགས་དཔའ་བོར་གཟེངས་བསྟོད་བྱེད་པའི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཛུབ་སྟོན་དང་མཆན་བཀོད་མཛུབ་སྟོན་གལ་ཆེན་གྱི་དགོངས་དོན་ལག་བསྟར་དོན་འཁྱོལ་བྱེད་པའི་བྱེད་ཐབས་གལ་ཆེན་ཞིག་རེད། དེས་གསར་བརྗེའི་སྔོན་གཤེགས་དཔའ་བོའི་གཤིན་པོའི་རྣམ་ཤེས་ལ་སེམས་གསོ་ཞུ་བ་དང་ཆབས་ཅིག་སྤྱི་ཚོགས་ཡོངས་ལ་སྔོན་གཤེགས་དཔའ་བོ་མིག་དཔེར་འཛིན་ནས་ཁོང་ཚོར་དད་གུས་དཔག་མེད་དང་དྲན་གསོ་ཟབ་མོ་བྱེད་པ་དེ་མཐུན་སྒྲིལ་དང་། འབྱོར་ཕྱུག ཤེས་དཔལ། ཞི་མཐུན། མཛེས་སྡུག་ལྡན་པ་བཅས་ཀྱི་སྤྱི་ཚོགས་རིང་ལུགས་དེང་རབས་ཅན་གྱི་བོད་གསར་འཛུགས་སྐྲུན་བྱེད་པའི་སྟོབས་ཤུགས་ཆེན་པོར་འགྱུར་བ་བྱེད་དགོས་པའི་སྐུལ་ལྕག་ཀྱང་བྱས་ཡོད།

ད་ཐེངས་གནས་སྤོ་པུར་འཇུག་བྱས་པའི་སྔོན་གཤེགས་དཔའ་བོ་བརྒྱད་པོ་ནི་ཀྲང་ཤིས་རུང་དང་། ཝེ་ཅན་ཧྭ། ཁྲེན་ཧྥུའུ་ཞང་། ཁྲེན་ཧྲེང་ལིན། ལི་ཧྲེང་ཚའེ། ཀུའོ་ཅུས་ཧུའུ། ལིའུ་ཡན་པིན། ཤུའེ་ཀེན་ཏིང་བཅས་རེད།