རང་ལྗོངས་ཀྱི་ས་ཆ་མང་ཆེ་བར་མུ་མཐུད་ཆར་པ་འབབ་རྒྱུ་དང་ས་ཆ་ཁག་གཅིག་ལ་ཆར་པ་ཅུང་ཆེ་ཙམ་འབབ་རྒྱུ།
ཟླ་8ཚེས་3ཉིན། རང་སྐྱོང་ལྗོངས་གནམ་གཤིས་ལས་ཁུངས་ཀྱིས་གནམ་གཤིས་སྔོན་བརྡ་བཏང་ཞིང་། སྔོན་དཔག་བྱས་ན་མ་འོངས་ཉིན་བཅུའི་ནང་རང་ལྗོངས་ཀྱི་ས་ཆ་མང་ཆེ་བར་མུ་མཐུད་ཆར་པ་འབབ་རྒྱུ་དང་ས་ཆ་ཁག་གཅིག་ལ་ཆར་པ་ཅུང་ཆེ་ཙམ་འབབ་རྒྱུ་ཡིན་ཞིང་། དེའི་ནང་ཟླ་8ཚེས་10ནས་13ཉིན་བར་ཉིང་ཁྲིའི་ཤར་རྒྱུད་དང་ལྷོ་རྒྱུད། གཞིས་རྩེའི་ལྷོ་རྒྱུད་ཀྱི་ས་བབ་དམའ་བའི་ཤང་དང་གྲོང་རྡལ་བཅས་སུ་ཆར་པ་ཆེ་བ་ནས་དྲག་ཆར་བར་འབབ་རྒྱུ་དང་དྲོད་ཚད་འཕར་ཆག་ཆེ་ཙམ་ཡོད་པ་རེད།
གནམ་གཤིས་སྟོན་ཚུལ་གཙོ་བོ།
ཟླ་8ཚེས་4དང་5ཉིན། མངའ་རིས་ཀྱི་ཤར་རྒྱུད་དང་ལྷོ་རྒྱུད་དང་། ནག་ཆུའི་ནུབ་རྒྱུད། གཞིས་རྩེའི་ས་ཆ་མང་ཆེ་བ། ཉིང་ཁྲིའི་ཤར་རྒྱུད་དང་ལྷོ་རྒྱུད། ལྷོ་ཁའི་ལྷོ་རྒྱུད་བཅས་སུ་ཆར་པ་ཆུང་བ་ནས་འབྲིང་བའི་བར་འབབ་རྒྱུ་དང་ས་ཆ་ཁག་གཅིག་ལ་ཆར་པ་ཆེ་བ་འབབ་རྒྱུ། ལྷ་ས་དང་། ལྷོ་ཁའི་དབུས་རྒྱུད་དང་ཤར་རྒྱུད། ཉིང་ཁྲིའི་དབུས་རྒྱུད་དང་ནུབ་རྒྱུད་བཅས་སུ་སྤྲིན་པ་མང་པོ་འཁོར་ནས་ཆར་པ་ཆུང་བ་འབབ་རྒྱུ་དང་ས་ཆ་ཁག་གཅིག་ལ་ཆར་པ་འབྲིང་བ་འབབ་རྒྱུ། དེ་མིན་གྱི་ས་ཆ་གཞན་དག་ལ་སྤྲིན་པ་མང་པོ་འཁོར་ནས་གནམ་འཐིབ་རྒྱུ་དང་ས་ཆ་ཁག་གཅིག་ལ་ཐོལ་ཆར་འབབ་རྒྱུ་བཅས་རེད།
ཟླ་8ཚེས་6དང་7ཉིན། མངའ་རིས་དང་། གཞིས་རྩེའི་ནུབ་རྒྱུད་དང་ལྷོ་རྒྱུད། ཉིང་ཁྲིའི་ཤར་རྒྱུད་དང་ལྷོ་རྒྱུད། ལྷོ་ཁའི་ལྷོ་རྒྱུད་བཅས་སུ་ཆར་པ་ཆུང་བ་འབབ་རྒྱུ་དང་ས་ཆ་ཁག་གཅིག་ལ་ཆར་པ་འབྲིང་བ་འབབ་རྒྱུ་ཡིན་ཞིང་། དེའི་ནང་གཞིས་རྩེའི་ལྷོ་རྒྱུད་དང་ཉིང་ཁྲིའི་ལྷོ་རྒྱུད་ཀྱི་ས་བབ་དམའ་བའི་ཤང་དང་གྲོང་རྡལ་དུ་ཆར་པ་འབྲིང་བ་ནས་ཆེ་བའི་བར་འབབ་རྒྱུ། དེ་མིན་གྱི་ས་ཆ་གཞན་དག་ལ་སྤྲིན་པ་མང་པོ་འཁོར་ནས་ཆར་པ་ཆུང་བ་འབབ་རྒྱུ་དང་ས་ཆ་ཁག་གཅིག་ལ་ཆར་པ་འབྲིང་བ་ཐར་ཐོར་འབབ་རྒྱུ་བཅས་རེད།
ཟླ་8ཚེས་8དང་9ཉིན། ནག་ཆུ་དང་། མངའ་རིས་ཀྱི་ཤར་རྒྱུད་དང་ལྷོ་རྒྱུད། ཉིང་ཁྲི། ཆབ་མདོའི་དབུས་རྒྱུད་དང་བྱང་རྒྱུད། གཞིས་རྩེའི་ས་ཆ་མང་ཆེ་བ་བཅས་ལ་ཆར་པ་ཆུང་བ་ནས་འབྲིང་བའི་བར་འབབ་རྒྱུ་དང་ས་ཆ་ཁག་གཅིག་ལ་ཆར་པ་ཆེ་བ་འབབ་རྒྱུ། དེ་མིན་གྱི་ས་ཆ་གཞན་དག་ལ་སྤྲིན་པ་མང་པོ་འཁོར་ནས་ཆར་པ་ཆུང་བ་འབབ་རྒྱུ་དང་ས་ཆ་ཁག་གཅིག་ལ་ཆར་པ་འབྲིང་བ་ཐར་ཐོར་འབབ་རྒྱུ་བཅས་རེད།
ཟླ་8ཚེས་10ནས་13ཉིན་བར། ཉིང་ཁྲི་དང་། ཆབ་མདོ། གཞིས་རྩེ། ལྷ་ས། ལྷོ་ཁ་བཅས་སུ་ཆར་པ་ཆུང་བ་ནས་འབྲིང་བའི་བར་འབབ་རྒྱུ་དང་ས་ཆ་ཁག་གཅིག་ལ་ཆར་པ་ཆེ་བ་འབབ་རྒྱུ་ཡིན་ཞིང་། དེའི་ནང་གཞིས་རྩེའི་ལྷོ་རྒྱུད་དང་། ཉིང་ཁྲིའི་ཤར་རྒྱུད་དང་ལྷོ་རྒྱུད་ཀྱི་ས་བབ་དམའ་བའི་ཤང་དང་གྲོང་རྡལ་དུ་ཆར་པ་ཆེ་བ་ནས་དྲག་ཆར་བར་འབབ་རྒྱུ། དེ་མིན་གྱི་ས་ཆ་གཞན་དག་ལ་སྤྲིན་པ་མང་པོ་འཁོར་ནས་ཆར་པ་ཆུང་བ་འབབ་རྒྱུ་དང་ས་ཆ་ཁག་གཅིག་ལ་ཆར་པ་འབྲིང་བ་འབབ་རྒྱུ་བཅས་རེད།
དེའི་རིང་ནག་ཆུ་དང་། གཞིས་རྩེའི་ས་ཆ་མང་ཆེ་བ། ལྷ་ས། ལྷོ་ཁ། མངའ་རིས་ཀྱི་ཤར་རྒྱུད། ཆབ་མདོ་སོགས་ཀྱི་ས་ཆ་ཁག་གཅིག་ལ་གློག་དམར་འཁྱུག་པ་དང་། འབྲུག་སྒྲ་སྒྲོག་པ། ལྷགས་པ་ཆེན་པོ་རྒྱག་པ། སེར་བ་དང་དུས་ཐུང་གི་དྲག་ཆར་འབབ་པ་སོགས་གཏད་རྒྱུག་རང་བཞིན་གྱི་གནམ་གཤིས་བསྟན་རྒྱུ།
འབྲེལ་ཡོད་གསར་འགྱུར།