འདི་ནི་བོད་ལྗོངས་རྟེན་མཛོད་ཁང་གི་འགྲེལ་བཤད་པས་ཕུ་མ་བྱང་ཐང་ཤང་གི་མཐའ་མཚམས་གསར་བརྗེའི་སློབ་གསོའི་རྟེན་གཞིའི་འགྲེལ་བཤད་པ་གསོ་སྦྱོང་བྱེད་བཞིན་པ།

ཉིན་ཤས་གོང་། ལྷོ་ཁ་གྲོང་ཁྱེར་སྣ་དཀར་རྩེ་རྫོང་ཕུ་མ་བྱང་ཐང་ཤང་དུ་བཙུགས་མ་ཐག་པའི་་མཐའ་མཚམས་གསར་བརྗེའི་སློབ་གསོའི་རྟེན་གཞིའི་འགྲེལ་བཤད་པའི་ཆེད་ལས་ཆུ་ཚད་ཞན་པའི་གནད་དོན་ལ་དམིགས་ནས། བོད་ལྗོངས་རྟེན་མཛོད་ཁང་གིས“སྐོར་སྐྱོད་སློབ་ཁྲིད”ཀྱི་བྱེད་སྒོར་བརྟེན་ནས་ཉམས་མྱོང་ཕུན་སུམ་ཚོགས་པའི་འགྲེལ་བཤད་པ་གསུམ་བདམས་ཏེ་སློབ་ཁྲིད་བྱས་པ་མ་ཟད། འགྲེལ་བཤད་པ་གསོ་སྦྱོང་དང་མཐའ་མཚམས་སྒྲོག་འགྲེལ་པའི་བྱེད་སྒོ་ཡང་སྤེལ་བ་རེད།

འགྲེལ་བཤད་པས་རྟེན་གཞིའི་འགྲེམས་སྟོན་བཀོད་སྒྲིག་དང་འགྲེམས་དངོས་ཀྱི་རྒྱབ་ལྗོངས་ཕྱོགས་ཡོངས་ནས་ཤེས་རྟོགས་བྱས་རྗེས། ལག་བརྡ་ཚད་ལྡན་དང་། གུས་ལུགས་གསར་གཏོད། འགྲེལ་བཤད་རྒྱག་རྩལ་སོགས་ཀྱི་ཐད་ནས་རྟེན་གཞིའི་འགྲེལ་བཤད་པར་མཛུབ་ཁྲིད་ནན་ཏན་བྱས་པ་དང་། དོགས་གནད་སེལ་བ། ཁོང་ཚོའི་སྣེ་ཁྲིད་དེ་ལག་ལེན་དངོས་ཀྱི་སྦྱོང་བརྡར་བཅས་བྱས་པ་མ་ཟད། ད་དུང་རྟེན་གཞིའི་ཁྱད་ཆོས་དང་ཟུང་འབྲེལ་བྱས་ནས་འགྲེལ་བཤད་ཀྱི་ནང་དོན་ཕུན་སུམ་ཚོགས་སུ་བཏང་སྟེ་ནང་དོན་དོན་དངོས་དང་འཚམ་པ་དང་ཡིད་དབང་འགུག་ནུས་དེ་བས་ལྡན་པར་བྱས་པ་རེད།