དབུ་ཤོག>གསར་འགྱུར།>བོད་སྐྱོར།
  • ཕུ་མ་བྱང་ཐང་ཤང་གི་ཡུལ་མི་བཀྲ་ཤིས་དོན་གྲུབ་ལེ་དབར་སྟོང་བརྒལ་ནས་ཀྲེ་ཅང་དུ་སྨན་བཅོས་ལ་བསྐྱོད་པ།

    སྨན་པའི་བྱམས་སེམས་དང་མི་རིགས་ཀྱི་མཛའ་བརྩེ་མཉམ་དུ་འབྲེལ།

  • ཡོང་ཁུངས།  ཀྲུང་གོའི་བོད་ཀྱི་གསར་འགྱུར་དྲ་བ།   |     སྤེལ་དུས།  2025-08-01

    ཀྲེ་ཅང་ཞིང་ཆེན་ལི་ཧྲུའེ་གྲོང་ཁྱེར་ལྟེ་བའི་སྨན་ཁང་གི་ནད་ཁང་དུ་ཉི་འོད་སྒེའུ་ཁུང་བརྒྱུད་ནས་བར་ཁྱམས་ནང་འཕྲོས་ཤིང་། ལྷོ་ཁ་གྲོང་ཁྱེར་སྣ་དཀར་རྩེ་རྫོང་ཕུ་མ་བྱང་ཐང་ཤང་ནས་ཡོང་བའི་བཀྲ་ཤིས་དོན་གྲུབ་དེའི་ནང་འཆམ་འཆམ་བྱེད་བཞིན་འདུག ཁོང་གིས་ཚེ་སྲོག་གི་ངོ་མཚར་དང་མི་རིགས་མཐུན་སྒྲིལ་མཉམ་འདྲེས་ཀྱི་བརྩེ་བ་ཟབ་མོ་དངོས་སུ་ཚོར།

    ད་ལོའི་ལོ་འགོར། བཀྲ་ཤིས་དོན་གྲུབ་བདེ་ཐང་བརྟག་དཔྱད་བྱེད་སྐབས་མཆིན་པའི་སྐྲན་ནད་ཡིན་པའི་ངོས་འཛིན་བྱས་པ་རེད། གཉེན་ཉེ་དང་གྲོགས་པོ་ཚོས་ཀྲེ་ཅང་ལི་ཧྲུའེ་ཡི་དགེ་རྒན་ཆེ་མོ་བ་ཅི་ཅན་སུང་གིས་སྣེ་ཁྲིད་པའི་སྨན་བཅོས་ཚོགས་པས་རྨ་ཆུང་གཤགས་བཅོས་ལག་རྩལ་ལ་བརྟེན་ནས་ནད་པ་མང་པོ་ཞིག་བསྐྱབས་པ་ཤེས་སྐབས། དེ་བཀྲ་ཤིས་དོན་གྲུབ་དང་ཁོང་གི་ནང་མིའི་རེ་བའི་འོད་སྣང་དུ་གྱུར།

    སྤྱི་ལེ་4000བརྒལ་ནས་ལི་ཧྲུའེ་གྲོང་ཁྱེར་དུ་སླེབས་ཤིང་། ནད་ཁང་དུ་སླེབས་མ་ཐག་པའི་བཀྲ་ཤིས་དོན་གྲུབ་དང་ཐོག་ཅུང་བློ་མི་བདེ་བ་བྱུང་བ་དང་སྨན་ཁང་དུ་སྡོད་རིང་ནད་གཡོག་ཏུ་སྡོད་མཁན་ཚ་མོ་ཚེ་རིང་མཚོ་མོ་གཅིག་པུ་ལས་མེད་ཅིང་། ཁོ་མོས་སྨན་པ་དང་ནད་པའི་དབར་སྐད་སྒྱུར་བྱས། སྨན་ཁང་དུ་སྡོད་རིང་སྨན་པ་ཚོས་CTབརྙན་པར་ལ་མཛུབ་མོ་བཙུགས་ཏེ་སྐྲན་ནད་མཆེད་ཁུལ་སྟོན་པ་དང་། གཤགས་བཅོས་ཇུས་གཞིའི་རྩ་བའི་རིག་པ་གསལ་བཤད་ཞིབ་ཕྲ་བྱེད་པ། དེ་བཞིན་སྨན་གཡོག་ཚོས་སྙིང་ཉེ་པོས་ཆེད་ལས་ཀྱི་ནད་སྐྱོང་ཞབས་འདེགས་ཞུ་བ་བཅས་བྱེད་རིམ་བཞིན་བཀྲ་ཤིས་དོན་གྲུབ་ཀྱི་དོགས་གཞི་བསལ་ནས་ཡིད་ཆེས་བརྟན་པོར་གྱུར།

    གཤགས་བཅོས་ཀྱི་བརྒྱུད་རིམ་མགྱོགས་ཤིང་ཕན་ནུས་ཆེ་ལ་དང་རྨ་ཁ་ཡང་ཁབ་རྩེ་ཙམ་ལས་མེད་པ་རེད། དེ་ལྟར་ཅི་ཅན་སུང་གི་ཚོགས་པས་རྒྱལ་ཡོངས་ཀྱི་སྔོན་ཐོན་ལག་རྩལ་མངོན་པར་བྱས།

    གཤགས་བཅོས་ལེགས་གྲུབ་བྱུང་བ་ནི་སྨན་བཅོས་ཀྱི་འགོ་ཚུགས་ཙམ་ཡིན་ཞིང་། གཤགས་བཅོས་རྗེས་ཀྱི་གཡོག་བྱེད་ནི་མི་ཆོས་ཀྱི་ཐུགས་ཁུར་དང་རིག་གནས་མཉམ་དུ་འདྲེས་པ་ཞིག་རེད། ཚེ་རིང་མཚོ་མོའི་སྐད་སྒྱུར་དེབ་ཐོག་གསོ་རིག་གི་ཐ་སྙད་ཕུད། ད་དུང“འདྲེད་བརྡབ་ཤོར་ཡོང་ང” “དེ་རིང་ལུས་དྲོད་ཏག་ཏག་རེད་འདུག”ཅེས་པ་སོགས་བོད་རྒྱ་ཤན་སྦྱར་མང་པོ་བཀོད་ཡོད། སྨན་དོན་མི་སྣས་བཀྲ་ཤིས་དོན་གྲུབ་ལ་འབྲི་ཏ་ས་འཛིན་བསྐྱལ་བ་དང་ཉིན་གཉིས་པའི་ཉིན་གུང་ངལ་གསོའི་སྐབས། ཚེ་རིང་མཚོ་མོས་འགྱིག་ཕོར་ནང་ཀྲོ་མ་ཀྲུ་སྡག་སྡག་བླུགས་ནས་གཞུང་ལས་ཁང་གི་སྒོ་བརྡུངས་ཏེ“ང་ཚོ་བོད་རིགས་ཀྱིས་སྣོད་ཆས་སྟོང་པ་ཕར་སྤྲོད་སྲོལ་མེད། འདི་ནི་ང་ཚོའི་སེམས་ཀྱི་ཁྱད་ཡིན”ཞེས་སྤྲོད་བཞིན་བཤད། དེ་ལས་མི་རིགས་དབར་གྱི་ཟོལ་མེད་བརྩེ་སེམས་མཚོན་པས་སེམས་འགུལ་ཐེབས་དགོས་པ་ཞིག་རེད། ད་ཆ་བཀྲ་ཤིས་དོན་གྲུབ་ལ་གཤགས་བཅོས་ཐེངས་གཉིས་བྱས་ཟིན་པ་དང་། སྐྲན་ནད་ཚན་ཁག་གི་གཤགས་བཅོས་བྱེད་ཐུབ་པའི་ཚད་གཞིར་སླེབས་ཡོད་པ་མ་ཟད། མཆིན་པ་དང་། མཁྲིས་པ། གཤེར་རྨེན་བཅས་ཀྱི་ཕྱི་ནད་ཚན་ཁག་གི་ཚོགས་པས་རྨ་ཆུང་བཤགས་བཅོས་བྱས་ནས་འབྲས་སྐྲན་བཀོག་པ་རེད། བཀྲ་ཤིས་དོན་གྲུབ་ཀྱི་གཟུགས་པོ་ཡང་རིམ་བཞིན་སླར་གསོ་བྱུང་སྟེ་ལེ་དབར་སྟོང་གི་དྲོ་སྐྱིད་དང་རེ་བ་ཁྱེར་ཏེ་སྨན་ཁང་ནས་དོན་གྲབས་ཡོད་པ་རེད། “ད་ཐེངས་ཀྱི་ཉམས་མྱོང་ནི་མི་སྒེར་གྱི་ཚེ་སྲོག་བསྐྱར་དུ་སྦྱིན་པ་ཞིག་ཡིན་པ་མ་ཟད། ‘མི་རིགས་ཁག་སེ་འབྲུའི་རྡོག་ལྟར་གོང་བུ་གཅིག་ཏུ་བསྒྲིལ་བའི’མཛའ་གྲོགས་དེ་བས་ཚོར་ཐུབ་བྱུང”ཞེས་བཀྲ་ཤིས་དོན་གྲུབ་ཀྱིས་མྱོང་ཚོར་ཟབ་མོས་བཤད།

    འགན་འཁུར་རྩོམ་སྒྲིག་པ། ཉི་མ་ཚེ་རིང་།

འབྲེལ་ཡོད་གསར་འགྱུར།