ལྷ་ས་གྲོང་ཁྱེར་གྱིས“ཐཱན་ལམ་གདོང་ལེན། ལྗང་མདོག་འབྱུང་འགྱུར”གྱི་ནུས་རྒྱུ་གྲོན་ཆུང་ཤེས་བྱའི་གསོ་སྦྱོང་བྱས་པ།
ཉེ་ཆར། ལྷ་ས་གྲོང་ཁྱེར་གྱིས“ཐཱན་ལམ་གདོང་ལེན། ལྗང་མདོག་འབྱུང་འགྱུར”བརྗོད་དོན་གཙོ་བོར་བྱས་པའི་ནུས་རྒྱུ་གྲོན་ཆུང་ཤེས་བྱའི་གསོ་སྦྱོང་བྱས་པ་རེད། ད་རེས་ཀྱི་གསོ་སྦྱོང་དེ་ལྷ་ས་གྲོང་ཁྱེར་འཕེལ་རྒྱས་དང་སྒྱུར་བཅོས་ཨུ་ལྷན་གྱིས་གཙོ་གཉེར་བྱས་ཤིང་། དེའི་དམིགས་ཡུལ་ནི་ཐཱན་ཉུང་གཏོང་དང་ནུས་རྒྱུ་གྲོན་ཆུང་གི་འདུ་ཤེས་ཁྱབ་སྤེལ་གཏིང་ཟབ་བཏང་སྟེ་སྤྱི་ཚོགས་ཡོངས་སུ་ལྗང་མདོག་ཐཱན་ཉུང་གི་དར་སྲོལ་གསར་པ་ཆགས་པར་སྐུལ་འདེད་གཏོང་རྒྱུ་དེ་རེད།
གསོ་སྦྱོང་བྱེད་རིང་། འབྲེལ་ཡོད་རིགས་གཅིག་མཁས་ཅན་གྱིས“ཐཱན་གཉིས”སྲིད་ཇུས་གསལ་འགྲེལ་གཏིང་ཟབ་བྱེད་པ་ནས་ཐཱན་ཉུང་གི་ལག་རྩལ་གསར་གཏོད་བྱེད་པའི་བར་དང་། སྤྱི་པའི་སྒྲིག་གཞིའི་ནུས་རྒྱུ་གྲོན་ཆུང་དང་ཐཱན་ཉུང་གཏོང་གི་ཞིབ་ཚགས་ཅན་གྱི་དོ་དམ་ནས་བཟོ་ལས་ཁྱབ་ཁོངས་ཀྱི་ལྗང་མདོག་ཐཱན་ཉུང་འཕེལ་རྒྱས་ཀྱི་ལག་ལེན་ཐབས་ལམ་བར། གསོན་ཉམས་དོད་པའི་གྱོད་དཔེ་སྤྱོད་པ་དང་གོ་བདེ་ཤེས་སླའི་འགྲེལ་བཤད་བརྒྱབ་ནས་སློབ་མ་ཚོར་ཕུན་སུམ་ཚོགས་པའི་ཤེས་བྱ་མཉམ་སྤྱོད་བྱས་པ་རེད།
ལྷ་ས་གྲོང་ཁྱེར་འཕེལ་རྒྱས་དང་སྒྱུར་བཅོས་ཨུ་ལྷན་གྱི་འབྲེལ་ཡོད་འགན་འཁུར་བས། གོམ་སྟབས་རྗེས་མར“ཐཱན་ལམ་གདོང་ལེན། ལྗང་མདོག་འབྱུང་འགྱུར”གཙོ་རྐང་དུ་བྱས་ནས་ཕྱོགས་ཁག་ལ་འཕེལ་རྒྱས་ཀྱི་འདུ་ཤེས་གསར་པ་བརྟན་པོ་འཛུགས་པར་ཁྲིད་སྟོན་བྱེད་པ་དང་། ནུས་རྒྱུ་གྲོན་ཆུང་དང་བཙོག་འབུད་ཉུང་གཏོང་གི་ལྗང་མདོག་རིག་གནས་དར་སྤེལ་ཤུགས་ཆེན་གཏོང་བ། སྤྱི་པའི་སྒྲིག་གཞིའི་ནུས་རྒྱུ་གྲོན་ཆུང་གི་དྲིལ་བསྒྲགས་ལས་དོན་ལ་རྒྱུན་རྣམ་ཅན་གྱིས་སྐུལ་འདེད་གཏོང་བ། ནུས་རྒྱུ་གྲོན་ཆུང་དང་ཐཱན་ཉུང་གཏོང་གི་འདུ་ཤེས་གྲོང་ཁྱེར་འཕེལ་རྒྱས་ཀྱི་ཁྱབ་ཁོངས་ཚང་མར་མཉམ་འདྲེས་ཐུབ་པ་བཅས་བྱས་ནས། མི་དང་རང་བྱུང་ཁམས་ཞི་མཐུན་མཉམ་གནས་ཀྱི་མཛེས་པའི་ལྷ་ས་གསར་པ་ནུས་ཤུགས་ཡོད་རྒུས་འཛུགས་སྐྲུན་བྱེད་ཀྱི་ཡིན་ཞེས་བཤད་པ་རེད།
འབྲེལ་ཡོད་གསར་འགྱུར།