ཉིང་ཁྲི་གྲོང་ཁྱེར་མེ་ཏོག་རྫོང་གིས་གཟིག་ཁྲའི་འགུལ་སྐྱོད་ཟིན་ཐོར་ཐོག་མར་བཀོད་པ།
ཉེ་ཆར། མེ་ཏོག་རྫོང་ནགས་ལས་དང་རྩྭ་ཐང་ཅུས་དང་། པེ་ཅིང་སློབ་ཆེན་མཚོ་བོད་ས་མཐོའི་ཞིབ་འཇུག་ཁང་། དེ་བཞིན་རི་ཆུ་རང་བྱུང་སྲུང་སྐྱོང་ལྟེ་གནས་སོགས་ཀྱིས་མཉམ་དུ་སྐྱེ་དངོས་སྣ་མང་རང་བཞིན་གྱི་ལྟ་ཞིབ་ཚད་ལེན་བྱེད་སྐབས་མེ་ཏོག་རྫོང་ནས་གཟིག་ཁྲ་འགུལ་སྐྱོད་ཟིན་ཐོར་ཐོག་མར་བཀོད་པ་རེད། ཤེས་རྟོགས་གསར་པ་བྱུང་བ་དེ་ལས་ཡར་ཀླུང་གཙང་པོ་རོང་ཆེན་དེ་ཉིད་བྷང་ག་ལའི་སྟག་དང་། གསའ། གཟིག་སྐྱ། གཟིག་ཁྲ་བཅས་བཞི་མཉམ་དུ་སྡོད་སའི་ས་ཁོངས་ཤིག་ཏུ་གྱུར་ཏེ། རང་ལྗོངས་ཀྱི་སྐྱེ་དངོས་སྣ་མང་རང་བཞིན་གྱི་རིན་ཐང་མངོན་ཡོད།
གཟིག་ཁྲ་ནི་རྒྱལ་ཁབ་ཀྱི་རིམ་པ་དང་པོའི་སྲུང་སྐྱོང་སྲོག་ཆགས་ཡིན་པ་དང་ལྟ་ཞིབ་ཚད་ལེན་གྱི་བརྙན་ལམ་ལས་མངོན་པར། སྔོ་ལྗང་གི་ནགས་ཚལ་ཁྲོད་གཟིག་ཕོ་ཞིག་བརྙན་ཤེལ་མདུན་དུ་དལ་བུར་སྐྱོད་བཞིན་ཡོད།
མེ་ཏོག་རྫོང་ནགས་ལས་དང་རྩྭ་ཐང་ཅུས་ཀྱིས་སྐྱེ་དངོས་སྲུང་སྐྱོང་སྔོན་ལ་བྱེད་པའི་རྩ་དོན་གཞིར་བཟུང་། སྐྱེ་ཁམས་རིག་པ་དང་། སྲོག་ཆགས་རིག་པ། རྒྱང་ཚོར་སོགས་རིག་ཚན་ལས་བརྒལ་བའི་ཚན་ཞིབ་ཚོགས་པའི་སྟོབས་ཤུགས་བསྡུ་སྒྲིལ་ནུས་ལྡན་བྱས་ཏེ། སྐྱེ་དངོས་སྣ་མང་རང་བཞིན་ཞིབ་འཇུག་དང་སྲུང་སྐྱོང་ལས་དོན་སྔར་བས་སྤེལ་ནས་ཡར་ཀླུང་གཙང་པོའི་རོང་ཆེན་གྱི་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི་སྐྱེ་དངོས་དང་། རྩྭ་རྩི་ཤིང་། རི་ཆུ་ཁྲི་སྟོང་མང་པོ་བཅས་སྲུང་སྐྱོང་ཡག་པོ་བྱ་རྒྱུ་རེད།
འབྲེལ་ཡོད་གསར་འགྱུར།