རྒྱལ་ཁབ་ཕྱི་དངུལ་དོ་དམ་ཅུས་ཉིང་ཁྲི་གྲོང་ཁྱེར་ཡན་ལག་ཅུས་ཀྱིས།
ཕྱི་རྒྱལ་དང་འབྲེལ་བ་ཡོད་པའི་དངུལ་རྩའི་ཞབས་ཞུར་ཕྱོགས་ཡོངས་ནས་འགན་ལེན་བྱས་པ།
ཉིན་ཤས་གོང“ཧི་མ་ལ་ཡའི་མཐའ་འཁོར”གྱི་ཁེ་ལས་མཁས་ཅན་གྱི་རྒྱལ་སྤྱིའི་ཚོགས་འདུ་ཉིང་ཁྲི་གྲོང་ཁྱེར་གཡོད་ཧོང་ཀོན་གསོལ་མགྲོན་ཁང་དུ་འཚོགས་པ་རེད། གླེང་སྟེགས་གཉེར་རིང་རྒྱལ་སྒྲོལ་དངུལ་རྩའི་ཞབས་ཞུའི་དགོས་མཁོ་ཏན་ཏིག་སྐོང་ཆེད། རྒྱལ་ཁབ་ཕྱི་དངུལ་དོ་དམ་ཅུས་ཉིང་ཁྲི་གྲོང་ཁྱེར་ཡན་ལག་ཅུས་ཀྱིས་ཕྱི་རྒྱལ་དང་འབྲེལ་བ་ཡོད་པའི་དངུལ་རྩའི་དོ་དམ་གྱི་འགན་ནུས་ལ་གཞི་བཙུགས་ཏེ་ཉིང་ཁྲི་གྲོང་ཁྱེར་གྱི་དངུལ་རྩའི་ཐོན་ཁུངས་ལ་སྤྱི་འདོམས་བྱས་ནས་ཕྱོགས་ཡོངས་ཀྱི་ཞབས་ཞུའི་འགན་སྲུང་མ་ལག་འཐུས་སྒོ་ཚང་དུ་བཏང་སྟེ་གླེང་སྟེགས་བདེ་བླག་ངང་གཉེར་བར་དངུལ་རྩའི་འདེགས་སྐྱོར་བརྟན་པོ་བྱས་ཡོད།
གླེང་སྟེགས་ཀྱི་ཚོགས་ཞུགས་མི་སྣའི་རྒྱལ་སྒྲོལ་དངུལ་རྩའི་དགོས་མཁོའི་ཁྱད་ཆོས་ལ་གཞིགས་ཏེ་རྒྱལ་ཁབ་ཕྱི་དངུལ་དོ་དམ་ཅུས་ཉིང་ཁྲི་གྲོང་ཁྱེར་ཡན་ལག་ཅུས་ཀྱིས་རྒྱལ་སྤྱིའི་བྱེད་སྒོ་གལ་ཆེན་གྱི་འགན་སྲུང་ཉམས་མྱོང་རྒྱུན་མཐུད་བྱས་ཏེ། སྐོར་སྐྱོད་ཞབས་འདེགས་ཞུ་ཡུལ་བཀོད་སྒྲིག་གིས་ཀྲུང་གོ་དངུལ་ཁང་ཉིང་ཁྲི་ཡན་ལག་དངུལ་ཁང་དང་མཐུན་སྦྱོར་བྱས་ནས། ཆེད་ལས་ཅན་གྱི་སྐོར་སྐྱོད་དངུལ་རྩའི་ཞབས་ཞུའི་རླངས་འཁོར་ཚོགས་ར་གཙོ་བོའི་གསོལ་མགྲོན་ཁང་དུ་བསྐྱོད་པ་མ་ཟད། ཕྱི་རྒྱལ་གྱི་སྐད་ལ་བྱང་ཆུབ་པའི་ལས་སྒོའི་རྐང་འཛིན་པ་ས་ཆ་དངོས་ལ་ལས་རེས་ཀྱང་བྱེད་དུ་བཅུག་ཡོད། དེ་བཞིན་རང་དངུལ་དང་ཕྱི་དངུལ་བརྗེ་པོ་རྒྱག་པའི་ཆེད་དམིགས་བགྲོད་ལམ་ཤར་གཏོང་བྱས་པས་ཕྱི་དངུལ་འཛའ་བཅད་ཚོང་སྒྱུར་དང་། རྒྱལ་སྒྲོལ་དངུལ་བསྐུར། དངུལ་ལོར་རིགས་མང་བའི་དངུལ་སྨར་ཞབས་ཞུ་སོགས་ཀྱི་ལས་སྒོ“གཅིག་འཐུས་རྣམ་པའི”སྒོ་ནས་གཉེར་ཏེ་ཕྱི་དངུལ་ཞབས་ཞུའི་དགོས་མཁོ་ཡག་པོ་སྐོང་ཐུབ་པར་འགན་ལེན་བྱས་པ་དང་། དངུལ་སྨར་ཞབས་ཞུའི་འགན་སྲུང་ལམ་སྲོལ་བཙུགས་ཏེ་གླེང་སྟེགས་རིང་དངུལ་སྨར་བེད་སྤྱོད་ཀྱི་ཆོས་ཉིད་ལ་སྒུལ་རྣམ་ལྟ་ཞིབ་ཚད་ལེན་གྱིས་དམིགས་བསལ་རང་བཞིན་ལྡན་པའི་སྒོ་ནས་དངུལ་ཐང་ཆུང་བའི་མི་དམངས་ཤོག་སྒོར་དང་དེ་བཞིན་ཨ་སྒོར་དང་ཡོ་སྒོར་སོགས་འགྲོ་རྒྱུག་ཆེ་བའི་དངུལ་ལོར་གྱི་དངུལ་སྨར་གྲབས་གསོག་བྱེད་ཤུགས་ཆེ་རུ་བཏང་ནས་སྣ་མང་ཅན་གྱི་གཏོང་སྤྲོད་རྣམ་པའི་དགོས་མཁོ་བསྐངས་ཡོད།
རྒྱལ་ཁབ་ཕྱི་དངུལ་དོ་དམ་ཅུས་ཉིང་ཁྲི་གྲོང་ཁྱེར་ཡན་ལག་ཅུས་ཀྱིས་རྒྱལ་སྒྲོལ་གཏོང་སྤྲོད་སྟབས་བདེ་ཅན་གྱི་དམིགས་ཚད་ལ་དམིགས་ནས་མ་ལག་རང་བཞིན་གྱི་རིམ་སྤོར་དང་དེ་བཞིན་ཞིབ་ཚགས་ཅན་གྱི་ཞབས་ཞུར་བརྟེན་ཏེ། གཏོང་སྤྲོད་ཀྱི་ཁོར་ཡུག་ཕྱོགས་ཡོངས་ནས་ལེགས་སུ་བཏང་ཡོད། དེ་དང་ཆབས་ཅིག་གསོལ་མགྲོན་ཁང་གི་ཚོམས་ཆེན་དང་ཚོང་དོན་ལྟེ་གནས་སོགས་འགག་རྩའི་ཁུལ་དུ་རྒྱ་བོད་དབྱིན་གསུམ་གྱི་ཞབས་ཞུའི་སྟོན་ཕྱོགས་བཀོད་སྒྲིག་དང་དེ་བཞིན《བོད་དུ་ཡོང་མཁན་ཕྱི་རྒྱལ་བའི་གཏོང་སྤྲོད་ཞབས་ཞུའི་ལག་དེབ》ཀྱང་བཞག་ཡོད།
ཆེད་དོན་ནུས་པར་གསོ་སྦྱོང་བྱས་ནས་ཕྱི་རྒྱལ་གྱི་དངུལ་རྩ་དང་འབྲེལ་བ་ཡོད་པའི་ལས་ཁུངས་ལ་ཕྱི་དངུལ་གྱི་སྲིད་ཇུས་དང་། ཕྱི་སྐད་ཞབས་ཞུ། དེ་བཞིན་འཕྲལ་སྡོམ་བཀོད་སྒྲིག་བཅས་ཀྱི་ཆེད་དོན་སྦྱོང་བརྡར་བྱས་ནས་འཐབ་ས་དང་པོའི་མི་སྣས་ཕྱི་རྒྱལ་བའི་དགོས་མཁོ་ཡག་པོ་བསྐངས་ཡོད། དེ་དང་ཆབས་ཅིག་ཚོང་དུད་ལ་དྲ་མིག་ཅན་གྱི་དོ་དམ་བྱས་ནས་གཙོ་གནད་འགན་སྲུང་ས་ཁོངས་ཀྱི་ཚོང་དུད་ལ་ལེབ་བཤེར་རྣམ་པའི་སྐོར་ཞིབ་དང་ཕྱི་དངུལ་གཱ་སྤྱོད་ཐུབ་པའི་མཚོན་རྟགས་སྦྱར་ནས་གཏོང་སྤྲོད་སྦྲེལ་ལམ་གྱི་བརྒྱུད་རིམ་ཧྲིལ་པོ་ཤར་གཏོང་ཐུབ་པར་འགན་ལེན་བྱས་ཡོད། ཤེས་རྟོགས་བྱུང་བར་གཞིགས་ན། བྱེད་སྒོའི་རིང་ཕན་འབྲས་ཆེ་བའི་རྒྱལ་སྒྲོལ་དངུལ་རྩའི་གནད་སྨིན་ཞབས་ཞུར་འགན་ལེན་བྱས་པས་ཕྱི་དངུལ་གཱ་ཡི་ཉོ་ཚོང་ལེགས་སྒྲུབ་ཐུབ་ཚད་100%ཟིན་ཏེ་ཕྱི་རྒྱལ་དང་འབྲེལ་བ་ཡོད་པའི་དངུལ་རྩའི་ཞབས་ཞུར་ཐེར་འདོན་བྱེད་མཁན་གཅིག་ཀྱང་བྱུང་མེད་པར་ཚོགས་ཞུགས་སྐུ་མགྲོན་གྱི་གདེང་འཇོག་ཆེན་པོ་ཐོབ་ཡོད་པ་རེད།
འབྲེལ་ཡོད་གསར་འགྱུར།