ཉེ་ཆར། གསར་འགོད་པས་ལྷ་ས་རྒྱལ་མཚམས་འཛུལ་སྒྲོལ་མཐའ་མཚམས་ཞིབ་བཤེར་ས་ཚིགས་ནས་ཤེས་རྟོགས་བྱས་པར་གཞིགས་ན། ལྷ་ས་གོང་དཀར་རྒྱལ་སྤྱིའི་གནམ་ཐང་གི་T2རྒྱལ་སྤྱིའི་གནམ་ཐང་འབབ་ཚུགས་དངོས་སུ་སྤྱོད་འགོ་ཚུགས་རྗེས། ཞིབ་བཤེར་ས་ཚིགས་དེས་ཚན་རྩལ་གྱི་ལེགས་ཆར་བརྟེན་ནས“ཆེད་ལས་དང་། ལམ་སྲོལ། གཞི་གྲངས་ཆེན་པོ་བཅས་ཟུང་དུ་འབྲེལ་བའི”ཉེན་དོན་འཁོར་སྐྱོད་བྱེད་སྟངས་དཔེ་གསར་བཏོད་དེ་བོད་ཀྱི་ཕྱི་ཕྱོགས་སྒོ་དབྱེའི་རྣམ་པ་གསར་པར་ནུས་ཤུགས་ཡོད་རྒུས་ཞབས་འདེགས་ཞུ་བཞིན་ཡོད།

ལྷ་ས་རྒྱལ་མཚམས་འཛུལ་སྒྲོལ་མཐའ་མཚམས་ཞིབ་བཤེར་ས་ཚིགས་ཀྱིས་བོད་ཀྱི་སྐར་གྲངས་མཐོ་བའི་མཐོང་རུང་ཅན་གྱི་ཞབས་ཞུའི་བཀོད་འདོམས་ལས་སྟེགས་དང་པོ་བསྐྲུན་པ་དང་། ཁྲིམས་སྒྱུར་གྱི་ཟིན་ཐོ་འགོད་ཆས་ཀྱི་སྦྲེལ་ཚུགས་བེད་སྤྱོད་བྱས་ཏེ་ཞབས་ཞུའི་བཀོད་འདོམས་བཀོད་གཏོང་གྱི“ལས་སྟེགས་གཅིག”གཅིག་སྡུད་ཐོག་གཤམ་སྤྲོད་དང་། ལས་སྒོའི་སློབ་སྦྱོང་ཐོན་ཁུངས“གཅིག་སྡུད་རྣམ་པའི”རང་འགུལ་མཉམ་སྤྱོད། གྱོད་གཞི་དང་འབྲེལ་བ་ཡོད་པའི་མི་སྣའི་ཆ་འཕྲིན“གཅིག་སྡུད་རྣམ་པའི”ཐོག་ནས་འཚོལ་བསྡུ་བཅས་མངོན་འགྱུར་བྱུང་ཡོད།

ལྷ་ས་རྒྱལ་མཚམས་འཛུལ་སྒྲོལ་མཐའ་མཚམས་ཞིབ་བཤེར་ས་ཚིགས་ཀྱིས་T2རྒྱལ་སྤྱིའི་གནམ་ཐང་འབབ་ཚུགས་ཐོག་ཁང་བསྒྱུར་བཀོད་རྒྱ་བསྐྱེད་རྣམ་གྲངས་ཀྱི་གོ་སྐབས་སྤྱད་དེ་མཐའ་མཚམས་ཞིབ་བཤེར་སྒྲིག་ཆས་དང་། ཆ་འཕྲིན་མ་ལག་འཛུགས་སྐྲུན། གཞུང་དོན་སྒྲིག་ཆས་བཅས་ལ་མ་དངུལ་སྒོར་ཁྲི་4000ལྷག་ཙམ་བརྩོན་ལེན་བྱས་ཏེ་རྒྱ་ཁྱོན་སྨི་ངོས་གྲུ་1379.8ཟིན་པའི་མཐའ་མཚམས་ཞིབ་བཤེར་བྱེད་ནུས་ལྡན་པའི་ཁང་པ་34འཛུགས་སྐྲུན་བྱ་རྒྱུའི་འཆར་འགོད་བྱས་པ་རེད། རྒྱལ་མཚམས་འཛུལ་སྒྲོལ་བྱེད་མཁན་གྱི་གྲངས་འབོར་མང་དུ་ཕྱིན་ནས་གནས་ཚུལ་རྙོག་འཛིང་ཆེ་རུ་ཕྱིན་པ་དང་ཆབས་ཅིག ལྷ་ས་རྒྱལ་མཚམསའཛུལ་སྒྲོལ་མཐའ་མཚམས་ཞིབ་བཤེར་ས་ཚིགས་ཀྱིས་སྲོལ་རྒྱུན་གྱི་བྱ་ཐབས་དང་ཚན་རྩལ་ཟུང་འབྲེལ་གཏིང་ཟབ་བྱས་ཏེ། འགག་སྒོའི་གྲངས་འཛིན་ཅན་གྱི་མ་ལག་དང་རིག་ནུས་ཅན་གྱི་དམ་བསྒྲགས་བྱེད་སྟངས་བཏོད་ནས་རྒྱལ་མཚམས་འཛུལ་སྒྲོལ་གྱི་ཚོམས་ཆེན་དང་དེ་བཞིན་ཁྲིམས་སྒྱུར་བྱ་ཡུལ་དུ་རིག་ནུས་ཅན་གྱི་སྒྲིག་ཆས་དང་སྒྲིག་བཀོད་འཐུས་སྒོ་ཚང་དུ་བཏང་ནས་འགག་སྒོའི་ཞབས་ཞུའི་ནུས་པ་ཕྱོགས་ཡོངས་ནས་མཐོ་རུ་བཏང་ཡོད།