ལྷོ་ཁ་གྲོང་ཁྱེར་གྲ་ནང་རྫོང་སྤྱི་ཚོགས་བདེ་འཇགས་ཕྱོགས་བསྡུས་བཅོས་སྐྱོང་ལྟེ་གནས་ཀྱི་སྒོ་བྱང་བཀལ་བ།
ཉེ་ཆར། ལྷོ་ཁ་གྲོང་ཁྱེར་གྲ་ནང་རྫོང་སྤྱི་ཚོགས་བདེ་འཇགས་ཕྱོགས་བསྡུས་བཅོས་སྐྱོང་ལྟེ་གནས་ཀྱི་སྒོ་བྱང་བཀལ་བ་ལས་རྫོང་ཡོངས་ཀྱི་སྤྱི་ཚོགས་བཅོས་སྐྱོང་ལས་དོན་དུས་མཚམས་གསར་པར་སླེབས་པ་མཚོན་གྱི་ཡོད།
གྲ་ནང་རྫོང་སྤྱི་ཚོགས་བདེ་འཇགས་ཕྱོགས་བསྡུས་བཅོས་སྐྱོང་ལྟེ་གནས་ཀྱིས་སྡེ་ཚན་ཁག་གི་ཐོན་ཁུངས་བསྡུ་སྒྲིལ་བྱས་པ་བརྒྱུད། འགལ་བ་དང་རྩོད་གཞི་མཉམ་འདུམ་དང་། སྤྱི་ཚོགས་བདེ་འཇགས་བཅོས་སྐྱོང་མཉམ་འབྲེལ་འགོག་སྲུང་། གཙོ་གནད་ལས་དོན་མཉམ་འགུལ། འབུར་ཐོན་གནད་དོན་མཉམ་བཅོས། ཞབས་ཞུ་དང་དོ་དམ་ལ་མཉམ་དུ་དམ་འཛིན། གཞི་རིམ་གྱི་དུས་བདེ་མཉམ་གཏོད་བཅས་ཀྱི“མཉམ་དུ་དྲུག”གི་ལས་ཀའི་ལམ་སྲོལ་བཙུགས་ནས་མང་ཚོགས་ལ“གཅིག་འཐུས་རྣམ་པའི”ནུས་ཆེའི་ཞབས་འདེགས་ཞུས་པས་རྫོང་ཁོངས་བཅོས་སྐྱོང་དེང་རབས་ཅན་གྱི་ཆུ་ཚད་མཐོ་རུ་འགྲོ་བར་ལམ་ཚད་རྡོ་རིང་གི་དོན་སྙིང་ལྡན་ཡོད།
བཅའ་སྡོད་ཚན་པ་ཁག་གིས་རྫོང་གི“གཅིག་འཐུས་རྣམ་པའི”འགལ་བ་ཐག་གཅོད་ལྟེ་གནས་དང་། སྤྱི་པའི་བཅའ་ཁྲིམས་ཞབས་ཞུ་ལྟེ་གནས། གཏུག་བཤེར་ཞབས་ཞུ་ལྟེ་གནས། ཡིག་བསྐུར་ཞུ་བཅར་གྱི་སྣེ་ལེན་ལྟེ་གནས་སོགས་ཀྱི་བྱེད་ནུས་མཉམ་འདྲེས་གཏིང་ཟབ་བྱས་ཏེ“ལྟེ་གནས་མང་པོ་གཅིག་འདུས་དང་ལྟེ་གནས་གཅིག་གིས་གོ་མང་པོ་ཆོད་པའི”བཅོས་སྐྱོང་གི་ནུས་ཕྱོད་ནུས་ཤུགས་ཡོད་རྒུས་ཆེ་རུ་གཏོང་བ་དང་། ཆ་འཕྲིན་གྱི་བཀག་རྒྱ་མེད་པ་བཟོ་བ་དང་མཉམ་ལས་དང་གཞོགས་འདེགས་བྱེད་ཤུགས་ཆེ་རུ་བཏང་ནས་མང་ཚོགས་ཀྱི་གཏུག་བཤེར་དེ“སྐར་ཁུང་གཅིག་ནས་བདག་སྤྲོད་དང་། ས་ཚུགས་གཅིག་ནས་ཐག་གཅོད། འཁོར་འབྲེལ་ཧྲིལ་པོར་ཐག་གཅོད་བཅས”ཐུབ་པའི་འགན་ལེན་བྱེད་པ། མི་དམངས་ཀྱིས་འདུམ་འགྲིག་དང་མཉམ་འགོག་མཉམ་བཅོས་སྟོབས་ཤུགས་ཀྱི་ལེགས་ཆ་འདོན་སྤེལ་གང་ལེགས་བྱས་ཏེ་འགལ་བ་དང་རྩོད་གཞི་གྲལ་བཤེར་དང་ཐག་གཅོད་བྱེད་པའི་ལམ་སྲོལ་འཐུས་སྒོ་ཚང་དུ་བཏང་སྟེ་ཉེན་ཁའི་མངོན་མེད་རྐྱེན་ངན་གཞི་རིམ་དུ་སེལ་བ་དང་ཆུང་ཙག་ནས་མེད་པར་བཟོ་བ་བཅས་བྱས་ཏེ་མི་དམངས་མང་ཚོགས་ཀྱི་ཐོབ་སྣང་དང་། སྐྱིད་སྣང་། བདེ་འཇགས་ཚོར་སྣང་བཅས་ཆེ་རུ་ཏན་ཏིག་བཏང་ཡོད།
འབྲེལ་ཡོད་གསར་འགྱུར།