དབུ་ཤོག>གསར་འགྱུར།>སྐབས་དོན་ཆབ་སྲིད།
  • ལྷོ་ཁ་གྲོང་ཁྱེར་དམིགས་བསལ་སློབ་གསོའི་སློབ་གྲྭས།

    ཏང་འཛུགས་སྐྱོང་གི“མཉམ་འདྲེས་བཞིའི”ལས་དོན་གསར་གཏོད་བྱས་ནས་དམིགས་བསལ་སློབ་གསོ་སྤུས་ཚད་མཐོ་བའི་འཕེལ་རྒྱས་འགྲོ་བར་མཐུན་རྐྱེན་སྦྱར་བ།

  • ཡོང་ཁུངས།  ཀྲུང་གོའི་བོད་ཀྱི་གསར་འགྱུར་དྲ་བ།   |     སྤེལ་དུས།  2025-07-30

    ཉེ་བའི་ལོ་ཤས་རིང་། ལྷོ་ཁ་གྲོང་ཁྱེར་དམིགས་བསལ་སློབ་གསོའི་སློབ་གྲྭས་ཏང་འཛུགས་སྐྱོང་གི་ལས་རྣམ་གསར་པ་འཚོལ་ཞིབ་ཧུར་ཐག་དང་ཏང་འཛུགས་སྐྱོང་གི“མཉམ་འདྲེས་བཞིའི”ལས་ཀའི་བྱེད་ཐབས་ལ་སྐུལ་འདེད་གཏིང་ཟབ་བཏང་བ་སྟེ། ཏང་འཛུགས་སྐྱོང་དེ་རིག་གནས་འཛུགས་སྐྱོང་དང་མཉམ་འདྲེས་དང་། དགེ་རྒན་འཕེལ་རྒྱས་དང་མཉམ་འདྲེས། སློབ་མའི་བྱེད་སྒོ་དང་མཉམ་འདྲེས། སློབ་གྲྭ་མཉམ་སྐྲུན་དང་མཉམ་འདྲེས་བཅས་བྱས་པར་ཕན་འབྲས་མངོན་གསལ་དོད་པོ་ཐོན་ཡོད་པ་རེད།

    སློབ་གྲྭས་དམིགས་བསལ་ཁྱད་ཆོས་ལྡན་པའི་ཏང་འཛུགས་སྐྱོང་གི་རིག་གནས་ཁྱམས་རིང་གཏོད་པ་བརྒྱུད་ཡིག་རིས་གཉིས་ལྡན་གྱི་རྣམ་པའི་ཐོག་ནས་ཏང་གི་འོད་སྟོང་འཕྲོ་བའི་ལོ་རྒྱུས་ཀྱི་ལམ་བུ་དང་། རིགས་པའི་གཞུང་ལུགས་གལ་ཆེན། དེ་བཞིན་དམིགས་བསལ་སློབ་གསོའི་ཁྱབ་ཁོངས་ནང་གི་ཏང་ཡོན་གྱི་གདོང་ལེན་དཔེ་བཟང་གི་བྱས་རྗེས་བཅས་མངོན་པར་བྱས་ཏེ་གསར་བརྗེའི་རིག་གནས་ཉམས་སུ་མྱང་ཡོད།

    “གསོ་སྐྱོང་གཉིས”ཀྱི་འདུ་འགོད་དམ་འཛིན་བྱ་གཞིར་བྱས་ཏེ་རྐང་འཛིན་དགེ་རྒན་ནུས་ཤུགས་ཡོད་རྒུས་ཏང་ཡོན་ལ་གསོ་སྐྱོང་དང་ཏང་ཡོན་དགེ་རྒན་སློབ་ཁྲིད་དོ་དམ་གྱི་རྐང་འཛིན་པར་གསོ་སྐྱོང་བྱས་ཡོད། ཏང་ཡོན་དགེ་རྒན་གྱི་དཔེ་སྟོན་སློབ་ཚན་དང་སློབ་ཁྲིད་ཀྱི་རྩལ་ནུས་འགྲན་བསྡུར་སོགས་ཀྱི་བྱེད་སྒོ་སྤེལ་བ་བརྒྱུད་ཏང་ཡོན་དགེ་རྒན་གྱི་གདོང་ལེན་དཔེ་བཟང་གི་ནུས་པ་བཏོན་ནས་དགེ་རྒན་ཡོངས་ཀྱི་སློབ་ཁྲིད་ཀྱི་ཆུ་ཚད་མཐོ་རུ་བཏང་ཡོད།

    “ཏང་ངའི་སེམས་དབུས་སུ་གནས”ཞེས་པའི་བརྗོད་དོན་གཙོ་བོའི་སློབ་གསོའི་བྱེད་སྒོ་སྤེལ་ཞིང་། སློབ་མས་གསར་བརྗེའི་གློག་བརྙན་ལྟ་བ་དང་རྒྱལ་གཅེས་རིང་ལུགས་ཀྱི་སློབ་གསོའི་རྟེན་གཞིར་ལྟ་སྐོར་བྱེད་པ་སོགས་བརྒྱུད་དབང་པོ་སྐྱོན་ཅན་སློབ་མའི་ཏང་གཅེས་རྒྱལ་གཅེས་ཀྱི་བརྩེ་བ་བསྐྱངས་ཡོད། ཏང་ཡོན་དགེ་རྒན་གྱིས“གཅེས་སེམས་བསྐུར་མའི”བྱེད་སྒོའི་ནང་སྣེ་ཁྲིད་དེ་ཞུགས་ཏེ་དབང་པོ་སྐྱོན་ཅན་ཚབས་ཆེན་སློབ་མའི་ཁྱིམ་དུ་སློབ་ཚན་ཁྲིད་པར་བསྐྱོད་ནས་སློབ་མའི་ཁྱད་ཆོས་ལ་གཞིགས་ཏེ་རང་གཤིས་ཅན་གྱི་སློབ་གསོའི་ཇུས་གཞི་བཟོས་ནས་ཁོང་ཚོ་དེ་བས་ལེགས་པའི་ངང་སློབ་སྦྱོང་དང་འཚར་ལོངས་ཐུབ་པར་རོགས་རམ་གང་ཐུབ་བྱས་ཏེ། དབང་པོ་སྐྱོན་ཅན་གྱི་སློབ་མས་ཏང་གི་གཟིགས་སྐྱོང་དང་དྲོ་སྐྱིད་ཚོར་བར་བྱས་ཡོད།

    ལྷོ་ཁ་གྲོང་ཁྱེར་དམིགས་བསལ་སློབ་གསོའི་སློབ་གྲྭའི་ཏང་འཛུགས་སྐྱོང་གི“མཉམ་འདྲེས་བཞིའི”ལས་ཀའི་བྱེད་ཐབས་ཐོག་ནས་ཏང་འཛུགས་སྐྱོང་གི་ལས་དོན་དེ་སློབ་གྲྭའི་ལས་ཀའི་ལྷུ་ཚིགས་ཁག་ནང་ཁྱབ་པར་བྱས་པ་དང་། སློབ་གྲྭའི་ཏང་རྩ་འཛུགས་འཛུགས་སྐྱོང་དེ་དགེ་སློབ་ཀྱི་སྙིང་ཉེ་ཤོས་དང་རྒྱབ་རྩ་བརྟན་ཤོས་སུ་འགྱུར་བར་བྱས་ཏེ། དམིགས་བསལ་སློབ་གསོའི་བྱ་གཞག་སྤུས་ཚད་མཐོ་བའི་འཕེལ་རྒྱས་ལ་སྒུལ་ཤུགས་ཆེན་པོ་བསྣན་ཡོད། སློབ་གྲྭར་སྔ་རྗེས་སུ་རང་སྐྱོང་ལྗོངས་ཀྱི་སྔོན་ཐོན་གཞི་རིམ་ཏང་རྩ་འཛུགས་དང་གཞི་རིམ་ཏང་འཛུགས་སྐྱོང་གི་དཔེ་སྟོན་ས་ཚིགས་སོགས་ཀྱི་གཟི་བརྗིད་མཚན་སྙན་ཐོབ་ཡོད་པ་རེད།

    འགན་འཁུར་རྩོམ་སྒྲིག་པ། བདེ་སྐྱིད་བུ་ཁྲིད།

འབྲེལ་ཡོད་གསར་འགྱུར།