ཚེས་25ཉིན། རྒྱལ་ཡོངས་སྤྱི་ཁྱབ་བཟོ་ཚོགས་ཀྱིས་གཙོ་གཉེར་དང་། རང་སྐྱོང་ལྗོངས་སྤྱི་ཁྱབ་བཟོ་ཚོགས་དང་དེ་བཞིན་འབྲེལ་ཡོད་སྡེ་ཚན་གྱིས་གཉེར་འགན་ཁུར་བའི“ངལ་རྩོལ་དཔེ་བཟང་བ་དང་བཟོ་བོའི་སྙིང་སྟོབས་དར་སྤེལ་བཏང་ནས། ཁེ་ལས་གསར་གཏོད་འཕེལ་རྒྱས་ལ་རོགས་རམ་བྱེད”ཅེས་པ་བརྗོད་དོན་གཙོ་བོར་བྱས་པའི“ངལ་རྩོལ་དཔེ་བཟང་བ་དང་བཟོ་བོས་ཁེ་ལས་ལ་རོཌ་རམ་བྱེད་པའི་བོད་ཀྱི་བྱ་སྤྱོད”ཀྱི་བྱེད་སྒོ་ལྷ་སར་འགོ་ཚུཌ་པ་རེད། རྒྱལ་ཡོངས་སྤྱི་ཁྱབ་བཟོ་ཚོགས་ཀྱི་ཀྲུའུ་ཞི་གཞོན་པ(གཅིག་ལྕོགས)ཅུས་ཞའོ་ལིན་དང་། རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པ་དང་རང་སྐྱོང་ལྗོངས་སྤྱི་ཁྱབ་བཟོ་ཚོགས་ཀྱི་ཀྲུའུ་ཞི་ཐང་མིང་དབྱིང་། རང་སྐྱོང་ལྗོངས་ཀྱི་ཀྲུའུ་ཞི་གཞོན་པ་ཝུའེ་ཤིའུ་ཁྲང་བཅས་འགོ་ཚུགས་མཛད་སྒོར་ཞུགས་པ་མ་ཟད་ཤིས་ཚིག་ཀྱང་གསུངས་པ་རེད། ཀྲེ་ཅང་དང་། པེ་ཅིང་། ཅང་སུའུ་སོགས་ཞིང་ཆེན་དང་གྲོང་ཁྱེར་ནས་ཡོང་བའི་རྒྱལ་ཡོངས་ཀྱི་ངལ་རྩོལ་དཔེ་བཟང་བ་དང་རྒྱལ་ཁབ་ཆེན་པོའི་བཟོ་བོ་13གྱིས་བོད་དུ་འབྱོར་ནས་ལས་དོན་སྤེལ་ཏེ་བོད་ཀྱི་ཁེ་ལས་སྤུས་ཚད་མཐོ་བའི་འཕེལ་རྒྱས་ཡོང་བར་ཕན་སྐུལ་བྱས་པ་རེད།

བྱེད་སྒོ་དེ་ཟླ་7ཚེས་30ཉིན་བར་རྒྱུན་མཐུད་སྤེལ་ནས་ངལ་རྩོལ་དཔེ་བཟང་བ་དང་བཟོ་བོ་སྒྲིག་འཛུགས་བྱས་ཏེ་ཁེ་ལས་ཀྱི་འཐབ་ས་དང་པོར་བསྐྱོད་ནས་ལག་རྩལ་མཛུབ་ཁྲིད་སོགས་ཀྱི་ཞབས་འདེགས་ཞུ་རྒྱུ་རེད།