“ལོ་ལྔ་ཚན་བཅུ་བཞི་པའི”ཚུན་དུ། རྒྱལ་ཡོངས་ཀྱི་གཞི་རྩའི་སྨན་བཅོས་འགན་བཅོལ་ནང་ཞུགས་ཚད་95%ཡས་མས་བརྟན་པོ་བྱུང་བ་དང་། སྨན་བཅོས་འགན་བཅོལ་ཐེབས་རྩ་ནས་རིམ་རྩིས་བརྒྱབ་ན་སྒོར་དུང་ཕྱུར་ཁྲི་12.13བཏང་བ་དང་ལོ་རེར་ཆ་སྙོམས་འཕར་ཚད་9.1%ཟིན་ཡོད།

འདི་ག་ཚགས་པར་ཁང་དུ་པེ་ཅིང་ནས་ཟླ་7ཚེས་24ཉིན་གློག་འཕྲིན་འབྱོར་གསལ། གསར་འགོད་པས་རྒྱལ་ཁབ་སྨན་བཅོས་འགན་སྲུང་ཅུས་ནས་ཤེས་རྟོགས་བྱུང་བར། “ལོ་ལྔ་ཚན་བཅུ་བཞི་པའི”ཚུན་དུ། རྒྱལ་ཡོངས་ཀྱི་གཞི་རྩའི་སྨན་བཅོས་འགན་བཅོལ་ནང་ཞུགས་ཚད་95%ཡས་མས་སུ་བརྟན་པོ་བྱུང་བ་དང་། སྨན་བཅོས་འགན་བཅོལ་ཐེབས་རྩ་ནས་རིམ་རྩིས་བརྒྱབ་ན་སྒོར་དུང་ཕྱུར་ཁྲི་12.13བཏང་བ་དང་ལོ་རེར་ཆ་སྙོམས་འཕར་ཚད་9.1%ཟིན་ཡོད། 2021ལོ་ནས་2024ལོའི་བར། རིམ་རྩིས་བརྒྱབ་ན་སྨན་བཅོས་བྱེད་མཁན་མི་ཐེངས་དུང་ཕྱུར་200ཙམ་གྱིས་སྨན་བཅོས་འགན་བཅོལ་གྱི་རྩིས་ཞུ་ལོངས་སྤྱོད་བྱས་པ་དང་། 2024ལོ་ནི་2020ལོའི་ལྡབ་1.6ཡིན་པ་རེད།

བུ་བཙའི་འགན་བཅོལ་འགན་སྲུང་མུ་མཐུད་ཤུགས་ཆེར་བཏང་ཞིང་། འདི་ལོའི་ཟླ་6པའི་བར་མི་དུང་ཕྱུར་2.53བུ་བཙའི་འགན་བཅོལ་ནང་ཞུགས་པ་དང་ཐེབས་རྩ་ནས་རིམ་རྩིས་བརྒྱབ་ན་གཏོང་སྒོ་སྒོར་དུང་ཕྱུར་4383དང་མི་ཐེངས་ཁྲི་9614.32ཀྱིས་ཐོབ་ཐང་དེ་ལོངས་སྤྱོད་བྱས་ཡོད། ཞིང་ཆེན་31དང་ཤིན་ཅང་ཐོན་སྐྱེད་འཛུགས་སྐྲུན་པིང་ཐོན་ཚང་མ་སྐྱེ་འཕེལ་རམ་འདེགས་ཀྱི་རྣམ་གྲངས་སྨན་བཅོས་འགན་བཅོལ་གྱི་རྩིས་ཞུའི་ནང་བཅུག་པ་རེད།

ཡུན་རིང་བདག་སྐྱོང་འགན་བཅོལ་ལམ་ལུགས་འཛུགས་པར་སྐུལ་འདེད་བཏང་ཞིང་། 2024ལོའི་ལོ་མཇུག་བར་མི་དུང་ཕྱུར་1.9ཡུན་རིང་བདག་སྐྱོང་འགན་བཅོལ་ནང་ཞུགས་ནས་ནུས་ཤོར་མི་སྣའི་ཡུན་རིང་བདག་སྐྱོང་གི་གནད་དོན་ཐག་གཅོད་འོས་འཚམ་ཐུབ་ཡོད་པ་རེད།

མང་ཚོགས་ཞིང་ཆེན་བརྒལ་ནས་ཡུལ་གཞན་དུ་སྨན་བཅོས་བྱེད་པར་སྟབས་བདེ་སྐྲུན་ཆེད། གཅོང་གནད་དང་དམིགས་བསལ་ནད་ཀྱི་ཞིང་ཆེན་བརྒལ་བའི་ཐད་ཀའི་རྩིས་ཞུ་མེད་པ་ནས་ཡོད་པའི་བར། རྒྱལ་ཡོངས་ཀྱི་ཞིང་ཆེན་བརྒལ་བའི་དྲ་སྦྲེལ་དམིགས་བཙུགས་སྨན་དང་སྨན་བཅོས་སྒྲིག་གཞི་ཁྲི་64.4ཟིན་ཡོད། ལོ་4ལྷག་ཙམ་རིང་ཞིང་ཆེན་བརྒལ་ནས་ཡུལ་གཞན་དུ་སྨན་བཅོས་ཀྱི་ཐད་ཀར་རྩིས་ཞུ་བྱེད་མཁན་མི་ཐེངས་དུང་ཕྱུར་5.6ལ་ཕན་པ་ཐོབ་པ་དང་རིམ་རྩིས་བརྒྱབ་ན་འགན་བཅོལ་ནང་ཞུགས་པའི་མང་ཚོགས་ཀྱིས་གྲོན་དངུལ་སྔ་འདོན་བྱེད་ཚད་སྒོར་དུང་ཕྱུར་5900ཉུང་དུ་ཕྱིན་ཡོད་པ་རེད།

“ལོ་ལྔ་ཚན་བཅུ་བཞི་པའི”ཚུན་དུ། སྨན་བཅོས་འགན་བཅོལ་གྱི་རོགས་སྐྱོར་སྲིད་ཇུས་ཁག་གིས་རིམ་རྩིས་བརྒྱབ་ན་གྲོང་གསེབ་ཀྱི་ཡོང་འབབ་དམའ་བའི་མི་དུང་ཕྱུར་6.73སྨན་བཅོས་བྱེད་པར་ཕན་པ་ཐོབ་པ་དང་འགྲོ་གྲོན་སྒོར་དུང་ཕྱུར་6500ལྷག་ཙམ་གྱི་ཁུར་པོ་ཡང་དུ་བཏང་ཡོད་པ་རེད།