ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་། ཞི་ཅིན་ཕིང་གི་དམག་དཔུང་སྟོབས་ཆེར་གཏོང་བའི་དགོངས་པ་སློབ་སྦྱོང་དང་ལག་བསྟར་གཏིང་ཟབ་བྱེད་པ། རྒྱ་ཆེའི་དཔོན་དམག་གིས་ཏང་དར་འོག་དམག་དཔུང་སྟོབས་ཆེར་གཏོང་བའི་རྒྱང་ལམ་གསར་པར་འབད་འབུངས་མདུན་སྐྱོད་བྱེད་པར་སྐུལ་ལྕག་གཏོང་བ། དམག་དཔུང་བཙུགས་ནས་ལོ་བརྒྱ་འཁོར་བའི་འབད་འཐབ་དམིགས་ཚད་མངོན་འགྱུར་བྱེད་པའི་འགག་སྒྲོལ་དམག་ཐབས་ནུས་ཤུགས་ཡོད་རྒུས་ཡག་པོ་རྒྱག་པ། དམག་དཔུང་སྟོབས་ཆེར་གཏོང་བའི་བྱ་གཞག་ཆེད་དཀའ་སྤྱད་འབད་འཐབ་དང་། བློ་བརྟན་འགྱུར་མེད་ཀྱིས་འབད་འཐབ། འབད་བརྩོན་ལྷོད་མེད་བཅས་བྱ་ཆེད། ཀྲུང་གོ་མི་དམངས་བཅིངས་འགྲོལ་དམག་བཙུགས་ནས་ལོ་ངོ་98འཁོར་བའི་སྐབས་སུ་ཀྲུང་དབྱང་དྲིལ་བསྒྲགས་པུའུ་དང་ཀྲུང་དབྱང་དམག་ཨུད་ཆབ་སྲིད་ལས་དོན་པུའུ་ཡིས“དུས་རབས་གསར་པའི་གསར་བརྗེའི་དམག་མི་ཡག་ཤོས”12མཉམ་དུ་ཁྱབ་བསྒྲགས་བྱས་པ་རེད།

ཀྲང་ཚན་ཚན་དང་། མ་ཧྲའོ་ལི། ཁྲེན་སི་ཆི། ཚུའེ་ཏའོ་ཧུའུ། ཧོ་ཡོན་ཀྲི། ལི་ཧུའེ་ལིང་། ཞེ་ལེང་། ཝང་ཁྲའོ། ཧྥུའུ་ཏ་ལིན། ཧྥུའུ་ཝན་ཅོན། ལེ་ཡའོ་མིང་། པུའུ་ཧོ་ཐུའུ་མུར་བཅས་དཔོན་དམག་12ནི་དམག་དཔུང་ཡོངས་ཀྱི་དཔུང་སྡེས་ཏང་གི་བཀོད་འདོམས་ལ་བློ་བརྟན་འགྱུར་མེད་ངང་ཉན་པ་དང་། འགན་འཁྲི་སྒྲུབ་སེམས་དང་འགན་འཁྲི་འཁུར་ཤུགས་ཆེ་རུ་གཏོང་བ། དཀའ་སྤྱད་སྙིང་རུས་ཀྱིས་ལས་ཀ་དངོས་སྒྲུབ་པ། ལས་དོན་དོན་འཁྱོལ་ལ་དམ་འཛིན་ནན་པོ་བཅས་བྱས་ནས་དུས་རབས་གསར་པའི་དམག་དཔུང་སྟོབས་ཆེར་གཏོང་བའི་བྱ་གཞག་ལ་སྐུལ་འདེད་ཧུར་ཐག་གཏོང་བའི་ཁྲོད་ཐོན་པའི་སྔོན་ཐོན་གྱི་དཔེ་མཚོན་ཤ་སྟག་རེད། ཁོང་ཚོའི་ཁྲོད་དུ་ཏང་གི་གསར་གཏོད་རིགས་པའི་གཞུང་ལུགས་ལ་བརྟེན་ནས་བློ་སྦྱོང་མི་སྐྱོང་བྱེད་མཁན་གྱི་ཆབ་སྲིད་དགེ་རྒན་དང་། འཐབ་ས་དང་པོར་རྩ་བ་ཚུགས་ནས་ཉམས་སད་ཐེག་ཐུབ་པའི་གཞི་རིམ་འཛུགས་སྐྲུན་གྱི་དམག་མིའི་སྣེ་ཁྲིད་མཁན་རྐང་འཛིན་པ། ཁྲག་རྒྱུན་རྒྱུན་འཛིན་བྱས་ནས་འཐབ་འཛིང་བྱེད་ཕོད་པ་དང་འཐབ་འཛིང་བྱེད་མཁས་པའི་རྒྱལ་ཁ་ལེན་མཁན་གྱི་གདོང་ལེན་པ། དངོས་འཐབ་དངོས་སྦྱོང་ནང་འཐབ་འཛིང་བྱེད་ཕོད་པ་དང་རྣམ་པར་རྒྱལ་ངེས་ཡིན་པའི་གདོང་སྐྱོད་པ། རང་བརྟེན་གསར་གཏོད་དང་ཚན་ཞིབ་ཐད་འབད་མཁན་གྱི་ཞིབ་འཇུག་རིགས་གཅིག་མཁས་ཅན། འདེགས་སྐྱོར་དང་འགན་སྲུང་ནུས་པ་ཆེ་རུ་མགྱོགས་མྱུར་གཏོང་མཁན་གྱི་ལག་རྩལ་དཔེ་དམག དཀའ་ངལ་ལ་མི་སྐྲག་པར་འགག་སྒྲོལ་ཐད་བྱས་རྗེས་འཇོག་ཕོད་པའི་ལག་ཤེས་མཁས་པ་དང་མཐའ་སྲུང་དང་འགོག་སྲུང་བརྟན་པོ་བྱེད་མཁན་གྱི་མཐའ་སྲུང་བ་བཅས་ཡོད་ལ། ད་དུང་དམངས་གཅེས་དམངས་རོགས་ཀྱིས་དམག་སྲིད་དང་དམག་དམངས་ཀྱི་མཐུན་སྒྲིལ་ཟབ་ཏུ་གཏོང་མཁན་གྱི་སྔོན་ཐོན་དཔེ་བཟང་བ་ཡང་ཡོད། ཁོང་ཚོས་བློ་རྩ་བརྟན་པོས་ཏང་ལ་ཕྱོགས་པ་དང་དམག་དཔུང་སྟོབས་ཆེར་གཏོང་བར་འབད་འབུངས་བྱས་ཏེ་ཏང་དང་མི་དམངས་ཀྱིས་དཀྲིས་པའི་འགན་འཁྲི་དང་ལས་འགན་ལྷག་བསམ་རྣམ་དག་གིས་བསྒྲུབས་ཏེ། མི་དམངས་དམག་དཔུང་གིས་ཆབ་སྲིད་ཀྱི་ལྷག་བསམ་ཆེ་རུ་གཏོང་བ་དང་འགག་སྒྲོལ་གྱི་དམག་འཐབ་ཡག་པོ་བརྒྱབ་ནས་གསར་བརྗེའི་རང་བཞིན་གྱི་ཞུན་བརྡར་ཁྲོད་དམག་དཔུང་བཙུགས་ནས་ལོ་བརྒྱ་འཁོར་བའི་འབད་འཐབ་དམིགས་ཚད་འབད་བརྩོན་ཆེན་པོས་མངོན་འགྱུར་བྱེད་པའི་དཔའ་ངར་ཆེར་སྐྱེད་ཀྱི་ཉམས་འགྱུར་གཅིག་སྡུད་ཐོག་མངོན་ཡོད།