གསར་འགོད་པར་གཞུང་རྒྱུ་དོ་དམ་ཨུ་ལྷན་དང་ཀྲུང་དབྱང་ཁེ་ལས་ཀྱིས་བོད་ཀྱི་སྤུས་ཚད་མཐོ་བའི་འཕེལ་རྒྱས་ལ་རམ་འདེགས་བྱེད་པའི་སྐུལ་འདེད་ཚོགས་འདུའི་ཐོག་ནས་ཤེས་རྟོགས་བྱུང་བར། ཀྲུང་དབྱང་ཁེ་ལས་16གིས་བོད་དང་རྣམ་གྲངས་ཁག་75ཡི་མ་འཇོག་གྲོས་མཐུན་བཞག་པར་མ་དངུལ་བསྡོམས་འབོར་སྒོར་དུང་ཕྱུར་3175.37ཟིན་པའི་ནང་2027ལོའི་ལོ་མཇུག་གོང་མ་དངུལ་སྒོར་དུང་ཕྱུར་999.28གཏོང་རྩིས་ཡོད་ཅིང་། རྣམ་གྲངས་དེ་ནུས་རྒྱུ་དང་། གཏེར་ཁ། གློག་ཤུགས་འཕྲིན་གཏོང་སོགས་ཀྱི་ཁྱབ་ཁོངས་སུ་དམིགས་པ་དང་ཐོན་སྐྱེད་བྱེད་འགོ་ཚུགས་རྗེས་སྔོན་དཔག་བྱས་ན་ལས་ཞུགས་ལས་གནས་ཁྲི་1.14ལྷག་ཙམ་མང་དུ་འགྲོ་རྒྱུ་རེད།

ཀྲུང་དབྱང་ཁེ་ལས་ཀྱིས་བོད་སྐྱོར་བྱེད་ཤུགས་མུ་མཐུད་ཆེ་རུ་བཏང་ནས། འགྲིམ་འགྲུལ་དང་། གློག་ཤུགས། འཕྲིན་གཏོང་སོགས་ཁྱབ་ཁོངས་སུ་རྣམ་གྲངས་ཁྲི་1.01སྐྲུན་འགན་འཁུར་བ་དང་གན་རྒྱའི་གྲངས་འབོར་སྒོར་དུང་ཕྱུར་1668.06ལེགས་གྲུབ་ཟིན་ཡོད། 2021ལོ་ཚུན་དུ། ཀྲུང་དབྱང་ཁེ་ལས་ཀྱིས་རིམ་རྩིས་བརྒྱབ་ན་རོགས་སྐྱོར་མ་དངུལ་སྒོར་དུང་ཕྱུར་47བཏང་བ་དང་སྒོར་དུང་ཕྱུར་52ཟིན་པའི་ཞིང་ལས་ཐོན་རྫས་ཉོ་རོགས་བྱས་ཡོད། དེ་དང་ཆབས་ཅིག ཐེམ་ཁུངས་བོད་ནས་ཡིན་པའི་མཐོ་སློབ་སློབ་ཐོན་སློབ་མའི་ཆེད་དོན་ལས་བསྡུའི་བྱེད་སྒོར་ཧུར་ཐག་ཞུགས་ནས་ལས་གནས་ཁྲི་2.27མཁོ་འདོན་བྱས་ཡོད།