ཉེ་ཆར། ཀྲུང་གོ་འཛུགས་སྐྲུན་ཅུས་གྲོང་ཁྱེར་འཛུགས་སྐྲུན་ཀུང་སིས་སྐྲུན་འགན་འཁུར་བའི་དིང་རིའི་ས་ཡོམ་རིམ་པ་6.8བརྒྱབ་རྗེས་ཀྱི་སླར་གསོ་བསྐྱར་སྐྲུན་གྱི་གཅིག་གྱུར་འཆར་འགོད་དང་འཛུགས་སྐྲུན་རྣམ་གྲངས(ལྷ་རྩེ་རྫོང)ཀྱི་ཁག་དང་པོའི་མང་ཚོགས་ཀྱི་སྡོད་ཁང་སྟར་པ་83ལས་འགོ་བཙུགས་ནས་ཉིན་40ཡི་ནང་སྐྲུན་ཟིན་ཞིང་། རྣམ་གྲངས་ཀྱི་རྗེས་མའི་མཛེས་བཟོ་དང་ལྷན་སྦྱར་སྒྲིག་བཀོད་འཛུགས་སྐྲུན་དང་། དེ་བཞིན་རྩིས་སྤྲོད་བྱེད་པར་རྨང་གཞི་བརྟན་པོ་ཞིག་བཏིང་ཡོད་པ་རེད།

རྣམ་གྲངས་དེ་གཞིས་རྩེ་གྲོང་ཁྱེར་ལྷ་རྩེ་རྫོང་ཁོངས་སུ་གནས་པ་དང་། ཚོཌ་པོ་གྲོང་ཚོ་དང་། ལྕག་ཐང་གྲོང་ཚོ། རོང་དཔེ་གྲོང་ཚོ་བཅས་རང་བྱུང་གྲོང་ཚོ་གསུམ་ལ་ཁྱབ་ཅིང་། གྲོང་ཚོ་དེ་དག་གི་ས་བབ་སྤྱིར་ན་སྨི་4100ཡན་ཟིན་པ་དང་སྤྱིའི་འཛུཌ་སྐྲུན་རྒྱ་ཁྱོན་སྨི་ངོས་གྲུ་ཁྲི་2.76ཟིན་ནས། འཛུཌ་སྐྲུན་ནང་མང་ཚོགས་དུད་ཚང་193གྱི་སྡོད་ཁང་བསྐྱར་སྐྲུན་དང་། སྤྱི་པའི་ལྷན་སྦྱར་སྡོད་ཁང་། གྲོང་ཚོའི་ཆུ་མཁོ་འདོན་དང་ཆུ་འབུད། གློག་རླངས། གྲོང་ཚོའི་འགྲོ་ལམ་སོགས་ལྷན་སྦྱར་སྒྲིག་བཀོད་ཚུད་ཡོད་པ་རེད།