ཉེ་ཆར། གསར་འགོད་པས་ནག་ཆུ་གྲོང་ཁྱེར་འཕེལ་སྒྱུར་ཨུ་ལྷན་ནས་ཤེས་རྟོགས་བྱས་པར། 2025ལོ་ནས་བཟུང་། ནག་ཆུ་གྲོང་ཁྱེར་གྱིས་ཆེད་དོན་འཚོ་རྟེན་ལས་སྤྲོད་རྣམ་གྲངས་ཁག་30དོན་འཁྱོལ་བྱས་ནས་ཁྱོན་མ་དངུལ་སྒོར་དུང་ཕྱུར་1.25བཏང་བ་དང་། གཤམ་འོག་ལ་བཏང་བའི་མ་དངུལ་གྱིས“ལོ་ལྔ་ཚན་བཅུ་བཞི་པའི་འཆར་འགོད”ལག་ལེན་བསྟར་རིང་གི་ལོ་འཁོར་གྱི་ཚད་གཞི་མཐོ་ཤོས་བཏོད་ཡོད། དེའི་ནང་ལོ་སྟོད་དུ་འཚོ་རྟེན་ལས་སྤྲོད་ཀྱིས་ཁྱོན་ས་གནས་དེ་གའི་མང་ཚོགས་7008ལས་ཞུགས་བསྡུ་ལེན་བྱས་པ་དང་ངལ་རྩོལ་གླ་ཆ་སྒོར་ཁྲི་6327.22སྤྲད་པ་རེད།

ངོ་སྤྲོད་བྱས་པར་གཞིགས་ན། ནག་ཆུ་གྲོང་ཁྱེར་གྱིས་འཚོ་རྟེན་ལས་སྤྲོད་ལས་ཀའི་ལམ་སྲོལ་འཛུགས་སྐྱོང་ལ་ཚད་མཐོའི་མཐོང་ཆེན་བྱས་ཏེ། 《ནག་ཆུ་གྲོང་ཁྱེར་གྱི་འཚོ་རྟེན་ལས་སྤྲོད་ལས་ཀའི་འབྲེལ་གཏུག་མཐུན་སྦྱོར་ལམ་སྲོལ》ལེགས་སྒྲིག་དང་ཕུན་སུམ་ཚོགས་སུ་བཏང་བ་དང་། “ལས་ཞུགས་འབབ་འཕར”གྱི་ལྟེ་བའི་དམིགས་ཚད་ལ་དམིགས་ནས《ནག་ཆུ་གྲོང་ཁྱེར་གྱི་ལོ་གསུམ་གྱི་འཚོ་རྟེན་ལས་སྤྲོད་བྱ་སྤྱོད་ཇུས་གཞི》གཏན་འཁེལ་བྱས་ཏེ་འབྲིང་ཆུང་རྣམ་པའི་ཞིང་ལས་གྲོང་གསེབ་ཀྱི་རྨང་གཞིའི་སྒྲིག་བཀོད་དང་གཙོ་གནད་ལས་གྲྭ་སོགས་ཁྱབ་ཁོངས་ཀྱི་ལག་བསྟར་ཚད་གཞི་ཞིབ་ཕྲ་བཟོས་ནས་རྣམ་གྲངས་ལ་སྐུལ་འདེད་གཏོང་བར་མཛུབ་ཁྲིད་གསལ་པོ་བྱས་ཡོད།

དེ་དང་ཆབས་ཅིག རྣམ་གྲངས་ལག་བསྟར་ལ་གནད་སྨིན་ཇུས་བསྟར་བྱས་ཤིང་། ད་ལོའི་ཟླ་5པའི་བར། ཆེད་དོན་འཚོ་རྟེན་ལས་སྤྲོད་རྣམ་གྲངས་20(ཁྱོན་མ་དངུལ་སྒོར་ཁྲི་6839བཏང་བ)ཚང་མ་ལས་འགོ་ཚུགས་ཤིང་། རྣམ་གྲངས་ཀྱི་ལག་བསྟར་བྱ་ཡུལ་དེ་དབུལ་སྒྲོལ་གྲོང་ཚོ་དང་ཡུལ་གཞན་དུ་གནས་སྤོས་བཀོད་སྒྲིག་ས་ཚིགས་སུ་སྔོན་ལ་ཁྱབ་པ་དང་། ལས་རིགས་བཀོད་སྒྲིག་བྱེད་སྐབས་རྩལ་ནུས་ཀྱི་ཁྱད་པར་ལ་གཞིགས་ནས་ཞིང་འབྲོག་པ“ཞུགས་ཐུབ་པ་དང་ལས་ཀ་བྱེད་ཐུབ་པ”བྱས་ནས། མི་ཐེངས་5855བསྡུས་པ་དང་་ངལ་ལས་གླ་ཆ་སྒོར་ཁྲི་166སྤྲད་པ་རེད། གཞན་ཡང་། “ཞིང་ལས་ལག་རྩལ་ཁྱབ་གདལ་དང་གཙོ་གནད་ཁྱབ་གདལ་ཟུང་འབྲེལ”གྱི་གསལ་ཐོའི་ལམ་ལུགས་གསར་གཏོད་དང་ཁྱབ་གདལ་བཏང་ནས། 2025ལོར་འབྲིང་ཆུང་རྣམ་པའི་ཞིང་ལས་གྲོང་གསེབ་ཀྱི་རྨང་གཞིའི་སྒྲིག་བཀོད་རྣམ་གྲངས་56དང་གཙོ་གནད་ལས་གྲྭ་240ཡི་ཁྲོད་འཚོ་རྟེན་ལས་སྤྲོད་ཁྱབ་གདལ་བཏང་ནས་ངལ་རྩོལ་གླ་ཆ་སྒོར་དུང་ཕྱུར་1.3སྤྲོད་རྩིས་ཡོད་པ་རེད།